HriangKhan Khua Ralzam le Covid -19 zawtnak Thawngpang

HriangKhan Khua Ralzam le Covid -19 zawtnak Thawngpang
==========
Thantlang Peng Hriangkhan khua hi Inn Dawng (132)tluk an um nak, Milu in (711) khuasak nak khua pakhat a si.
Thantlang khua ah raldoh nak a um tik ah ralzam hna i dor ah hmanmi khua zong a si. Hriangkhan Khua ah Ralzam aidor mi Thantlang le Hakha in Chungkhar (100)Milu in (510) an i dor.

2021 Sep 24 tiang ah hin Hriang Khan khua ah Ralzam he khua mi he Minung 1200 leng kai an um cang. Mah Chung ah 2021, Sep 5 – 25 tiang ah Minung (256) Covid test an tuah hna. Minung (35) sin in Covid zawtnak hmuh a si. Nu 19, le Pa 16 sin ah hmuh a si.

Covid -19 zawtnak Runven nak thilri zong an ngeih lo caah Thantlang in a si khawh chung in thaizing ah kuat khawh kan zuam hna lai zuan hnawh a hau mi dir hmun ah an dir. Hriangkhan Khua mi ral ril ngai kan hau. Pathian in um pi hram hna seh.

Hriangkhan khua lawng a si theng Lai lo dah, Thantlang in a vai i dor nak paoh hi cu i chek kho dih hna seh law khua te Lai caah bawmtu ngaingai a si ko hnga. Covid chek nak a um lo ah cun a cheu an i dor Lai ni 2,3 ah ka dang an kal tak hna Lai i zawtnak va phurh he khin ai lo ko cang rak i dor hlah uh ti awk a tthat fawn lo caah Thantlang lei Covid Commeetti hna le khua mi hna he i bawm in tuah kho cio hna seh law kuate caah an him deuh ngai ko hnga.

Pathian nih in kilveng ko hna seh law, thla kan in cam pi hna ee. Pathian nih damnak pe than dih hram ko hna seh. Khuami le ralzaam vialte zong Bawipa nih kilveng ko hna seh. Nan i timhtuah mi ah Bawipa nih hlawhtlinnak in pe ko hna seh. A zaw mi vial te Bawipa nih damnak pe ko hna seh.

CDF sinah a fonhmi ralkap minung 8 an si cang. Ralkap minung 8 nih an hriam he CDF sinah an i fonh tiah Hakha le Mindat phu hna nih an chim.Phaisa peng nan si lai, Nan humhimnak hmunah chiah nan si lai tiah sawmnak ruangah thlahnih chungah ralhrang phu lei in minung 8 cu CDF sinah an i fonh tiah Hakha le Mindat mipi vengtu CDF phu nih an chim.

Hakha CDF nih meithal le kuan a kenmi ralkap cu phaisa (ting-50),hriamngan le kuan ken ahcun phaisa (ting-100), mipi hna nih an ngeihmi department in motor ken a si ahcun (ting-50) pek nan si lai tiah September 16 ah thawngthanhnak an tuah.Cubantuk thiltuah mi kongah hlawhtlinnak a um tiah CDF-Hakha in biachimnak nawlngei tu nih a chim.

“An hriam thil he a fonhmi hna cu kan biakam bantuk in (ting-50) pek an si, an hriam he CDF-Hakha sin ah a fonhmi hi minung pathum an si cang” tiah a chim.

Hakha peng in minung pahnih, peng dang in minung pakhat an si, zeidang kong ah fianghlang in chim awk a tha rih lo tiah a chim chap.Cun palik cheukhat cu CDM cawlcanghnak ah a tel mi tam deuh cu hriam lo he a fonhmi an si tiah a chim chap.

“A humhimnak hmun an phak tiang kuat an si, khualei kal kan duh an ti ahcun kal ter an si, cun India , Mizoram lei kal an duh zong ah kalter an si ko, an humhimnak hmun tiang kalter an si, CDM Support hna he zong pehtlaih piak in laksawng zong khan piak an si” tiah CDF-Hakha in biachim nak nawlngei tu nih a chim.

Thlaruk Chungah Rampi Ecomonic Kan Nunter Than Lai Tiah SAC Chairman Nih A Chim. Myanmar ram ah a luancia 2019-2020 tangka kum a zarhthumnak hrawngin Covid zawtnak ruangah rampi economic cu a tumchukmi cu thlaruk chungah tuahremh le nunter than dingin caankarlak National Planning Bill (အမျိုးသားစီမံကိန်း ဥပဒေ) ser dingin kan i zuam lio tiah SAC Chairman Bochohhmuci Min Aung Hlaing nih a chim.

A hlan ah cozah tangka kum cu kumhlun October in kumthar September tiang rak rel a si nain 2022-2023 tangka kum cu kumhlun October in kumthar March tiang, caankarlak National Planning Bill ah thlen a si lai tiah Sept 22, nizan i Naypyidaw ah tuahmi National Planning Commission meetingah a chim.

Hi thlaruk chung National Planning Bill nih rampi economic le zatlangrian hna cu a nunter than lai i mipi khuasak tintuknak tampi a bawmh lai. Fak piin kan i zuam a si ahcun caan tawite chungah a rang i hmual a ngeimi theipar kan zun ko lai tiah SAC chairman nih cun a chim.

Myanmar ramkhel hlathlaitu thiamsang hna nih cun nawlngeihnak lak hnu i Min Aung hlaing biachimmi hna cu rampi nih a tak in a tonmi hna he aa kalh caah rampi limhang a zor i ngaihchia taktak a si ko tiah an chim.

Ralhrang Mawtaw Bomb Puah An Tong 25 An Thi Mizapi 2 An Nunnak Liam. Kyautthu(က်ိဳက္ထို),Kanni(ကမ္းနီ) khuapawng ah ralhrang motor bombpuah an tong, minung 25 an thi,bomb puah an ton hnu ah ralhrang phu hna nih hramhram in mi an kah hna caah mizapi lei in minung 2 an nunnak a liam, 4 nih hliam an tuar.

Mon ramkulh Kyaitthu(က်ိဳက္ထို) peng Sittawng khuahlun pawng Kanni khua hleidonh ah September 22 zaanlei ah ralhrang phu motor pakhat bombpuah a tong, motor cung ah a ummi rallokap minung 25 an thi, minung 5 nih hliam an tuar tiah theih a si.

“Ralhrang motor cu lamkam ah a tla, minung 25 an thi, 5 nih hliamhma an tuar, bomb puahhnawh in doh an ton hnu ah, ralhrang phu hna nih khuami motor pakhat cu an kah caah minung 3 nih hliam an tuar” tiah KNU lei in Tongmangham pakhat nih a chim tiah Salween Press thawngzamhnak nih an langhter.

Bomb puahhnawh in doh an ton hnu ah ralhrang bawmtu ding in ra mi phu hna he kaphnih kar kahdohnak a chuak, cu kahdohnak ah cycle a cit mi Meeyongyi khuami pahnih kuan nih a khen hna caah an nunnak a liam. Kanni khua minung umnak inn chungah hriamngan a tlak caah tar pakhat hliam tuar, a hliamhma a lu ah voi 7 in an thitpiak tiah khuami hna nih an chim. Myanmar Now, BBC Burmese, The Chin Post