Karenni People Defense Force( KPDF) Cu Karenni Nationalities Defense Force(KNDF) Sin ah An Lut, Thanwgpang Dang!
==========
Karenni People Defense Force(KPDF) Cu Karenni Nationalities Defense Force(KNDF) he an i fon cang, tiah theih a si.
KPDF cu an rak dirhka 2021 in KNDF he ral an rak tuṭi tawn i nizan May 8, 2023 ah KPDF Cu KNDF Company pakhat ah cohlan an si, tiah theih a si.
KPDF min hman ti loin KNDF Battalion 9, Company 6 bantuk in ral an tu cang lai i KNDF nih rian dangdang vialte cu a tawlrel cang lai, tiah theih a si. Karenni People Defense Force(KPDF) dirhnak kum 2 chung ah SAC ralkap he voi 150 leng an i kap i, KPDF ralkap 5 nih ram le miphun ca ah an nunnak an pek, tiah an langhter.
Myanmar ram khua pakhat thongtla mi hna nih an chungkhar hna sin in tangka an vun kuat tawn mi hna cu i khon cio in Magway ramthen mipi hriamtlai a si mi PRA-Magway sin ah sing 5 bawmhnak an pek tiah PDF upa tuanvo ngeitu pakhat nih a chim.
“Ka khuaruah a har i kam khat lei ah kalung a tha lo, a lawmh zong kan i lawm fawn. An mah sin bawmhnak an kan pek mi nih kan thazaang an kan thawn ter chinchin, hi nak in kan i zuam chinchin lai i kan lungthin zong kan thawn ter chinchin” tiah PRA-Magway Commander Ha July nih a chim.
Mandalay ramṭhen, Madaya peng Muaiponekan khua nichuahlei Nyaung tiva ah May 7 zinglei suimilam 2:00 hrawngah tilawng aa let i, SAC ralkap 6 an thi. Cu chungah ralkap ruak 3 cu ti cung ah an vuan, tiah Tawgyi Muaipuai phu in ṭuanvo ngeitu nih a chim.
A thimi SAC ralkap pawl cu Kyiattoeyuai khua a khangtu an si i, May 6 ah Madaya peng ah rallam a sialmi an si. May 7 zinglei ah tilawng in tiva an tan i tilawng cu aa let, tiah theih a si. SAC ralkap a thimi 6 lakah 3 an ruak cu ti cung ah an vuan i an rawk ngai cang. May 8 zinglei ah an ruak cu kan hmuh hna i ralbawi Brigadier 1 zong aa tel, tiah Tawgyi Muaipuai phu in ṭuanvo ngeitu nih cun a chim.