Hniarlawn Baptist Church Local an la

Hniarlawn Baptist Church Local an la
================
Mie peng Hniarlawn khua cu January 17, 2021 Bupi meeting bia chah nak in MABC chungin Local Church la dingin bia an chah. Meeting kai mi minung 160 fai ah vote thlami 47/22 in tei nak an hmuh caah tamdeuh hnatlak nak in Local lak dingah bia an khiah hi a si.

Hniarlawn Rev. Nawl Tling cu Mie peng ah Siangbawi te nih Khrih thawngṭha bia an rak phuan ter nak mission hmunhma a si. Tu bantuk in an nu khua nih Local a lak tak mi hna cu ramchung ramleng Hniarlawn tefa ruah nak a hnorsuan khawh hna . Ram leng Hniarlawn Pastor zong nih an lungtlin pi hna lo na bu ah Local an la ko tiah theih a si. Credit: CCNC

Relchap a duhmi caah a tha kho taktak. Mino le Rian; Tang riat hrawng ka kai in kuli ka rak ţuan cang. Keimah tawk tein thing ka phor, facang tun ka phor, tlakrawh ka phor (Tamu cu ramri sikaw Mawre khua ah a thlithup in luhpi a rak si.) Cun, tikhur, ekkhur, inn foundation khur hna ka rak co bal. Payaan zong ka rak ţuan bal. Asinain, hi vialte ka rak ţuan bal lio ah ningzahnak, phannak, le mah le mah niam tuk in i hmuhnak lungthin ka rak ken. Tch, khualai ah inn foundation khur kan cawh lio ah ka hawile an i chawh ka hmuh cun ka ningzak. Ka thup. Zei sualnak le palhnak ka tuah lo nain ‘ka ning zak’ ‘niam tuk ah kaa ruah’.

Asinain, kapa nih a ka ti tawn mi cu “Rian na zahpi ahcun rian nih an zahpi caan a phan te lai” a rak ka ti. A dik! Rian kan i zahpi fatin rian nih a kan zahpi taktak. Cu hnu cun vaivuanh hram kan i thawk. Atu ka dirhmun in hlanlio keimah kha thazaang van i pek khawh a si ahcun hitin ka ti hnga: 1. Rian niam tuk ah na ruah mi (kuli rian) nih phaisa lawng an pe lo. Hmuhtonnak ţhaţha an pek kha philh hlah. 2. Na rianţuan mi cung ah na ning a zah i niam tuk in naa hmuh lio ah rian ngei loin vaivuanh ding na si mi kha rak ruat te. Rian cu a niam le a sang ti a um lo. Rian cu rian a si ko. Cucaah na niam hlei lo. Rian na thiam tik ah a theipar na zun mi a thlum te lai.

3. Rian hmete in i thawk hi i nautat hlah. Rian ngeih lo nakin rian hmete le kuli ţuan zong a phu tuk. 4. Phaisa ol tein na hmuh ahcun ol tein an lo ţhan. Nain, thabaat buin na hmuh mi phaisa cu man na ngeihter deuh hrimhrim. 5. Rianţuan cu ngandamnak a si. Khuaruah ngan ngai ţung nain thli lak i vaivuanh ding nakin na pawngkam i a um mi rian hmete zong in i thawk ko. Na pum lawng si loin na thluak le na thinlung a dam lai.

Cu caah, rianţuan hi i nautat hlah usih. Kan pawngkam ah rian a tampi ko. Lam rian, dum rian, inn rian, company rian, thilzuar rian, dawr hngah rian tampi an um. Na siarem mi lawng in na thawk ahcun siarem cia rian timi a um bal lo. Maw mino, rian cu rian a si. A hme tuk ah ruat hlah. A niam tuk ti zong in hmu hlah. Rian cu phaisa hmuhnak lawng a si lo. Damnak le hmuhtonnak ţha a kan petu a si! Credit: Abednego Cenhrang