Hmailei Thantlang Khua le Far Hrual Bo Saduhthahnak!

HMAI LEI, THANTLANG KHUA LE, FAR HRUAL BO SADUH THAH NAK.
======
Thantlang khua Aphan mi le Athei mi nih cun, FAR HRUAL BO ti hi, Nan theih ko lai, Atu Thantlang Ralhrang Camp um nak khi, Far hrual bo ti Asi, Phungki siang inn bo, ti zong ah ti mi Asi.

Vawlei cung Ralpi 2- Nak kha, (kan Nule pa nih cun,Japan ral an rak ti), Japan ralkap nih Mirang ralkap kha An van dawi hna i, Atu lio Ralhrang Camp (စခန်း) Far hrual bo, ah khin Japan ralkap nih Hmun hma an khuar i, Thlantlang khua pi nih Japan kha an rak țih hna caah, khuachuak tak in lo Ramtang ah, Avoi khat nak an rak zam tak cang kum khat hrawng lo ah An rak i dor hna.

Avoi hnih nak cu Nan theih bantuk in, Tukum 2021 October ah, Thantlang khua cu, kawl Ralhrang nih an khangh i, khua cu Avoi hnih nak ah khua cu chuah tak Asi țhan, Vanchiat lei ah, kawlram Pumpi lawng van chim lo, Vawlei cung pi ah Thantlang inn kangh cu Athang dih.

Asi Nain kan ram Avan țhat țhan tik cu, Thantlang nih rak Zamtaak mi rak țih nak hmun FAR HRUAL BO cu, Dothlen nak tuah tu, CNF/A le CDF pawl philh lo nak ah, Pang par dum dawh taktak mi le Lente celh nak Nuam taktak Nak le Hotal țhațha kan sak lai i, Suimi lam-24 chung kan Hon (on) Lai i(အပန်းပြေ စခန်း), Pengkip le ram kip in, Dinh hmum ah an hman te lai, Akam ah, Cherry (Chengcher) kung le far kung dawh dawh in kan kulh kan Cin lai Ekah-15 kau in hmun lak i, Cu hlan ah Voi hnih tiang rak Zam taak mi hmun cu, Nu ngak tlang vaal tlawn len nak le i ton nak, Chung khar(Fmly) dinh hmun nak Pangpar dum dawh taktak ah Acang țhan te lai.

Thantlang khua cu, Chak lei Laitlang khuapi ka hmuh mi chung ah Ahmun Arem cem mi Asi. Hmai lei kan ram țhat tik ah cun, Mizoram in India ram he Peh tlaih nak Lam thlurpi (Sai sih chuak) lam Aum lai i, Shopping Mall Ngan taktak mi Aum te lai, Voichip tlang ah, Vanlong țum nak (Airport) Aum lai, Cun, Chinram Khua Lipi Halkha khua he Ai neih te mi khua Asi caah, Thantlang khua cu, Chinram chung ah, Khua dawh bik le khua Nuam bik mi khua Asi țhan te lai.

Lah va le Buh va Inn nih Akulh put lai Lah va Raciah va in Thing hlual tlang Pawh tawrawn in Lai pawng lung tiang in, Inn nih Akulh te lai caah, Thantlang khua cu, Ramri khua pi, tck/ Sianram Mose khua le karen ram Myawady khua ban tuk in Chawleh Chaw hrawl nak țha tak mi khua Asi te lai.

Cu caah Atu lio ah, Thlichia le Țo tho cu hrang hmanh seh law, Avan daih tik ah cun, Thantlang kan tuar nak viar te cu,Lung Nuamh nak nih Athlen țhan te ko lai. Atu kan Inn lo Akangh mi zong hi, Pathian nih Ațha deuh in Akan thlen puak te ko lai tiin. Credit: SangLing Thantlang.