Hi Project Pi hi kan Min telve lo ding cu ruah ngam ding a si lo!

Kan kut thawnter hna usih. Neh 2:18
=========
Cun annih nih an i thawh i, “Tho u si law sa u sih,” an ti. Cuticun rian tha tuan awk caah cun an kut cu an i thawnter. Mah hihi Laimi nih kan Uar ngaingai Cathiang a si. Ahlei in Biak Inn sak a timmi poh nih Tlang kan i tar cio. Heh kan chim. Kan i forh. Kan i hne.

Angaite ti ahcun Mah hihi Biak Inn saknak caah an rak hmanmi a si lo. Khua kulhnak vampang remhnak caah a si. Phundang in Khua le Ram sernak caah a si. Khua le ram Runvennak caah a si. Miphun Himnak caah a si. Atu hi kan Khua a kaang dih. Kan Ram a rawk cuahmah. Kan Miphun a Him ti lo. Kan rak him bel hrimhrim lo nain a tu cu a hrawh in hrawh kan si. Khangh kan si. Thah le nawn kan si. Hrem chih kan si.

Cucaah faak khun in Miphun ral kan hung tho. Tuan piin kan rak tho cang. Miphun kong i a rak piangtharmi kan Pu/Pa hna nih a luan cia kum 34 i khan an rak thok cang. Nain zapi zate cu kan Mit a rak maw. Chim len zongah kan rak thei lo. Zoh buin an hmu lo, an thei lo timi kha kanmah hi kan rak si. Atu cu kan hun hmuh cang. Hmuh cang hmanh siloin Thihnak le hrawhralnak nih a tongh in an kan tongh bia deuh a si.

Atu cu Ral teinak caah thlacam lawng a za ti lo. Thazaang i pek sasawh lawng a za lo. Kan thazaang bak kan chuah cio a hau. Hriamnam tha deuh le tling deuh in kan ngeih khawhnakhnga Lam an dah lengmang mi an hun hmuh. $5M a herh lai an ti.

CBCUSA nih hmai an hun thlak. Pastor te bak heh tiah an vaak. Vaurawng nih an van aupi colh. Mipi nih heh tiah an hun thawh. Vaurawng au-aw ngaih ah hmulthi a ling. Thin a lin. Chung a thir. Kam khat cun a nuam tuk hoi. Maw Khuazing tiah chung lei in a rak au ve. Hriam caah tinhmi $5M hi CBCUSA lawng nih thawh ding a si lo. Hi Dothlannak hi CBCUSA le Vaurawng Dothlennak a si lo. Kan Miphun Dothlennak a si. Kan dihlak nih kan thawh hrimhrim ding a si.

Khrihfabu nih zuamhnawh dingmi thil biapi a si. Pastor vialte nih chim ding mi a si. Australia ahcun kan GSpa Rev. Tin Kung James Tin Kung lawng heh tiah a au. Aussie kan Pastorte nih aupi cio ding a si. Tutan $5M project ah Autralia Chinmi Minung thong 20 dai tein um khawh a si lo. Pumpaak le Chunkhar le Khrihfabu in kan chuah ve awk hrimhrim caantha a si. Hi Project Pi hi kan Min telve lo ding cu ruah ngam ding a si lo.

Chungkhar pakhat caah $2000 cu i zuam cio hna usih. Khrihfabu zong nih nan thawhlawm kha hun thawh chin cio ulaw tiah kan sawm hna. Hmaizarh Cacawn nihnih ni hlan ah $1.2M ($ Ting 12) a herh e an ti. Thawng Thapa, Melbourne.

Hakha Christian Minister’s Fellowship cathanh: 1. Pumhnak kong: Rak thanhcia bantuk in ngandamnak phung ning tein pumh rih a si lai. Sunday School zong ngandamnak zulhphung ning tein pumh a si lai i a herh cun minung i ṭhen in pumh a si lai. Pumpak inn le sang pumh/zaan pumh ti bantuk tuah rih lo ding a si lai.

2. Thlacamnak le Ṭhitumhnak kong: Pumpak chungkhar thlacamnak cu minung a tlawm khawh chung in tuah a si lai. Ṭhitumh rawldumnak cu minung 400 sawm khawh a si lai nain a bupi ei loin a chuakchom in eiter a si lai. Monu thlah tikah khua a muih hlan ah minung tlawmte in thlah le caan tawite lawng hman a si lai.

3. Thihlohnak kong: Zaanlei sml 3:00pm hnu a thimi lawng zaan riahter a si lai. Thlantlak zaan ah Pastor pakhat nih chungkhar thlacampinak va ngeih a si lai sihmanhsehlaw ṭhutpinak le pumhnak cu tuah khawh a si rih lai lo. Mithi inn rawl dumpinak zong innpa le chungkhat lawng nih telpi a si lai. Zaan a riakmi ruak cu a thaizing sml 10:00am hlan ah vui a si lai.

4. Thawhṭhan tuahnak: Thawhṭhan cu sang le veng in pumpak inn ah tuah khawh a si lai lo. Biakinn ah ngandamnak lei zulhphung ning tein pumh a si lai. Zapi rawl dumṭinak um a ngah lai lo i pumh dih ah lakphak, changeu le tilum i dangh tiang lawng a ngah lai.

Pacan CNA, CNF le fapa CDF karlak thil sining! Chin Miphun cu miphun tling pakhat kan si. Holh, caa, nunphung, biaknak a ngei mi miphun kan si.UN zong nih miphun pakhat ah cohlan mi kan si. Union of Burma kan rak dirh hlan ah kan mah tein aa uk aa hruaimi miphun kan si. 1947 Feb 12 Panglong biatiamnak ruangah Union of Burma ram rak dir a si.

Miphun pakhat le pakhat karlak ah thleidannak a um lai lo. Kawl fangkhat a hmuh ahcun Chin pa zong fangkhat tiah biakam a si. Cu ti cun miphun aa dang mi nih inn pakhat ah khusak ding in lungtlinnak ngeih a rak si. Hmanhseh kan zapi inn sak mi cu miphun lian ka si ai timi miphun kawl miphun nih inn pi in kan ihnak khan tiang nawl ngeihnak an kauh cuahmah. Innpi, coka, ihnak khan, inhmun tiang kha an kuttang ah chiah an timh.

Hi inn pi hi kan zapi sak mi a si. A ho miphun kutcungah a um awk a si lo. Kan zapi hrawm mi a si. Miphun pi ai timi kawl miphun pawl nih kan ihnak khan chung a um mi kan biaknak, kan nunphung, kan caa, kan holh cu hrawh piak dih in kawl miphun ah can ter a kan timh. Cucu Pathian a bia mi miphun in milem a bia mi miphun ah ser cu an duh lo ruangah hriamtlaih in ramtang ah ah dohthlennak rak tuah a si. KNU, KIA nih hriam an tlai colh.

Kan Chin miphun chung in Hrang Nawl nih rak thawk ve. An tlam a rak tling lo. 88 hnu in Sianghnakchia hna le ram daw tu hna nih Chin Miphun dohthlennak cu an rak thawk ve. A tu hin cun kum 34 chung an kal cang. Ram tang an luh hriam an tlaih ahhin hi kaw rlakap le miphun pi kan si ti aa ruat mi hna hi kan kah hna lai i kan tei hna lai ti cu an rak ruat hrim lai lo. Miphun pakhat kan si hi!

Kan miphun cu kan mah tein uk kan duh. Mi zei miphun kuttang ah um kan duh lo ti hi! Miphun zalonnak kan duh ti hi a si ko. Kawl cozah he chawnh awk a tthat lo caah miphun a dawmi mifim cathiam hna nih ramdang miphun dang hna sinah kan milphun kong cu au pi a si. UN tiang kan phan kho. Curuangah ramdang ah laimi tampi ramdang kan phak khawh nak hi a si.

Tu chun ni ah MAH nih uknak a lak ruangah kan Chin ram ah Defense Force cu dirh cio a si. Miphun dawtu pasal ttha hna nih nunnak an pek cuahmah. MAH nih hin uknak laa hlah seh law CDF a chuak lai lo. Nain CNA, CNF cu a um peng lai. A ruang cu CDF nih an ruah mi cu kawlralkap kah le kawl ralkap tei kha a biapu cem ah an chiah (PAD, Education,….etc cu chia rih sih). Mah le pengtlang kha CDF nithawng pakhat tangah chiah kha a si bik.

CNA, CNF nih cun nation building, miphun pi kan si timi lungput…..etc an doh mi a si( Kawl miphun lung put). phundang kan chim ahcun kan ram cu kanmah tein uk kan duh ti khi a si. Kun 34 miphun dohthlnak a tuah cang mi CNA, CNF zeirel lo kan um tawn mi hi lung a faak ko. Ramdang um nih bia in an vun cheh CDF nih an hna theih in an soisel hna.

CDF hruaitu pawl nih level khat in nan zoh hna. Tutiangah CDF cungah ngeihchiatnak pakhat hmanh a langhter lo. CDF cu a fapa bantuk in a hmuh mi a si. Fapa cu pa a si bantuk in a aipuan caan a um lai a lungfah caan a um lai, a ngeihchiat caan a um lai ti cu a ruah cia ko pacan dirhmun i mu. A fa ah aa ruah mi CDF cungah ngeihchiat, hmaichiat in a um bal lo bia zong a chim bal lo. Cucu puitling pa can dirhmun cu a si.

Kan chuah kan sem hlan in dohthlennak a rak tuah mi CNA, CNF hi upat hna u sih. Tu hmanh ah rakap thazang le hriamnam thazang in bia kan chim cang. Kan bawh keuh tuk rih caah rawl tampi ei rih ko hna u sih. Hmuh ton tampi ngei rih ko u sih. Kan ning hngal tuk rih hlah seh.

Hlan ah mah zuat uico pakhat cung hmanhah nawl a ngei ve lo nih kuttang ah minung zaa leng um cun a zia cu aa dan ve awk hmeteh. Mindat nih zeitluk CNA,CNF doh zapi a thei a si. Senthang nih kawi an tlaih. Kum 34 miphun ralkap (CNA) nih BG pathum li lawng an ngei hna. CDF nih A rau lo ah an ngei colh ve. Note: Ho hmanh buai lo ding. Salai Elishama TN