Hi bantukin kan hmai ii tuah kan duh lo a si ah cun, a rak langhter tamhmawinak pawl hi rak hmang hlah!!

Ngamdamnak Zung Nih A Kham Mi Tamhmawinak Skincare Pawl!!
=========================
Hi pawl hi rak caw bak hrimhrim hlah uh, a tang lei ah hmantlak in ka rak langhter mi pawl hi an si lai. Cu caah na nu na hoi pa le na chungkhar hna sin zong ah hi thil pawl hi hman lo dingin Sharing rak tuah ve hna.

Relchih, International Dai Community (IDC) Phu An Dirh, Ramchung ra leng um Dai miphun i funtomnak International Dai Community (IDC) cu 2022, August 14 ah dirh a si cang tiah IDC nih nihin October 13 ah cathanh an chuah tiah theih a si.’

Chin ramkulh, Mindat, Kanpetlet, Matupi le Paletwa peng ah a ummi Dai(Chin) miphun kar ah i dawtnak, i funtomnak, hmunkhat rianṭuan ṭinak he miphun ṭhanchonak rianṭuan dingah covo tampi sunghnak tampi kan ton tiah an cathanh chuahmi ah cun an langhter.

A cunglei ah langhtermi sunghnak in kan i chanhchuah ding ah a fekfuan mi phu pakhat dirh a hauh caah International Dai Community (IDC) phu dirhnak hi a si. International Dai Community (IDC) ah phu 7 an um i cu hna cu Dai Community India,

Dai Community India(Mizoram Branch), Dai Community (Myanmar), Dai Community(Malaysia), Dai Community( North America), Dai Literary and Culture Committee(Myanmar) le Dai Bible Translation Team phu hna an si, cu hna phu nih cun ṭha tein biaruahnak an ngeih hnu ah a tubantuk in IDC an dirhnak hi a si tiah theih a si.

Fa 7 Ngei Hringtu Pa Pakhat Amah Le Mah Hri Awh In A Nunnak Ai La, Mandalay ramṭhen, Meiktila(မိတ္ထီလာ) peng khua pakhat ah October 13, zinglei ah pa pakhat cu amah le mah hri awh in a nunnak ai la tiah Pyitaya(ပြည်သာယာ) mino mi bawmtu phu nih an chim.

Meiktila(မိတ္ထီလာ) peng Htamunekan(ထမုန်ကန်) khuakomh, Ngyuangpinta(ညောင်ပင်သာ) khua ummi kum 50 tluk pa pakhat cu a mah le mah hri awh in a nunnak ai lak caah a thi tiah Pyitaya(ပြည်သာယာ) mino mi bawmtu phu in ṭuanvo ngeitu pakhat nih an chim.

“An inn hmai thingkung ah hri in ai awk, kum 50 hrawng a si lai tiah zumh a si, fa 7 a ngeimi hringtu pa pakhat a si. A fa upabik hi kum 15 hrawnglawng a si rih, a nupi zong a nung dammi a si ko, amah cu midang Caw inn hngaktu a si tiin kan theih” tiah a chim.

Matupi Ah Phone Line Caan Sau A Rawk Rih Lai Tiah An Chim, A luancia ni 3 hrawng ah khan Chin ramkulh, Matupi ah phone line rawh hram a rak i thawk i, nihin October 13 tiang ah phone line a ngah rihlo tiah theih a si. Atu ah meng 70 hmun tower tung in thlahmi phone signal lawng in Matupi ah phone i chawnhkhawh a ngah tiah theih a si.

Tualchung mi hna nih an chimning ah cun “phone tower tung ah diesel a dih caah phone line a thihnak hi a si” tiah an chim. “Kan theih ning ah cun Chanpian khua ah diesel va cawk awk cu a um nain, va kal tik ah SAC ralkap nih tamtuk an rak i lak tawn caah a hohmanh nih va la duh lo” tiah tualchung mi pakhat nih a chim.

Htilin Ni Tlaklei Khua Ah Sualnak Ngeilo Tualchung Mi 4 An Kut Hnu Lei Hri Ṭem In Mei Khangh An Tong, Magway ramṭhen, Hṭilin nitlak lei khua ah sualnak ngeilo tualchung mi minung 4 cu an kut hnulei hri ṭem in SAC ralkap nih mei khangh in an thah hna tiah tualchung hriamtlai phu nih an chim.

September 19, Htilin pengchung ah SAC ralkap le pyusawhṭi phufonh minung thazaang 100 hrawng cu rallam sial in an lut i, Angyiadaw(အညာတော) khua mi hna umnak inn 42 cu an khangh, an kir lei ah an khangh cianak inn pakhat chungah a kut hnulei hri ṭem bu in mei khangh a tongmi tualchung mi minung 4 ruak kan hmuh tiah Yaw- YDF nih nihin October 13 ah cathanh an chuah.

SAC ralkap nih an khanghmi khua hna cu, Angyiadaw(အညာတော) khua, Kanta(ကံသာ), Ponna(ပုဏ္ဏား), Aungtaung(အောင်းတောင်) khua telhin Htilin ni tlaklei he khua 6 an khangh cang. Ni tlaklei khua in a tlaumi hna cu Hein Htet (kum 18), Aung Phyo (kum 14), Ngyo Min (kum 17), Zin Min (kum 28), Zin Htun(kum 33), Maung Aye (kum 57) hna an si tiah an cathanh ah an langhter.

Mindat Peng, Baw (3) Khua Ah SAC Nih An Tlaihmi Minung 6 Lakah 4 Lawng An Thlah Than Hna!! Chin ramkulh, Mindat peng, Baw (3) khua ah, sualnak ngeilo mipi 6 cu SAC nih nizaan October 12 chun ah an tlaih hna tiah theih a si.
Cu tlaih a tongmi minung 6 cu covid-19 raikhamsi chunh dingah a kalmi an si i, an kalpah ah SAC nih an tlaih hna hi a si. Zeiruang ah dah an tlaih hna ti tu cu theih a si rih lo.

An tlaihmi minung 6 lakah minung 4 cu zaanlei ah an thlah than hna nain, minung 2 tu cu, Mindat khua SAC hrambunh Khah-Lah-Yiah 274 ralkap nih an hren rih ko hna tiah theih a si.

Paletwa Peng Education Board Hruainak In Siangakchia Ca An Cawng Kho Cang, Paletwa peng Education Board hruainak in Paletwa peng siangakchia hna cu, sianginn an kai kho cang nain cacawnnak caah a herhmi thilri tu cu chambaunak tampi a um rih, tiah theih a si.

“Harnak tampi lak ah sianginn cachimtu saya/mah nan cungah Paletwa Education Board nih lunglawmhnak nganpi kan ngei. Siangakchia hna nih ca cawnnak thilri an herh baumi lawng siloin sianginn cachimtu saya/mah te zong an chanbau rih, cucaah bawmhnak tampi kan herh ko, tiah Paletwa Education Board nih an mah social media ah an langhter.

Kyindwe Khua, Ralhrial Camp Ah, Ralhrial Mipi Hna Eidin/sii-aii An Chanbau!!, Chin ramkulh, Kanpetlet peng, Kyindwe(ကျင်ဒွေး) khua no.4, ThangKung(ထန်းကုန်း) ralhrial camp ah, ral a hrialmi mipi hna cu, eidin an dong i, sii-ai zong an chanbau ngai tiah theih a si.

Kyindwe khua, Thangkung ralhrial camp ahhin, chungkhar 14 an um i, an dihlak minung 84 an si. Ngakchia, pitar le putar hna cu an zawt caan ah sii-aii thlopbulnak zong an ngeih lo caah harnak an tong tiah khuami hna nih an chim.

“Thangkung ralhrial camp ummi hna cu, kan harsa ngai. Facang tun khat ah ks 60,000 in kan cawk. Ralhrial kan si fawn tikah, riantuan ding a har i, phaisa kawlnak lam a um lo caah, kan zawfaak sual lai ti hi kan phang tuk hringhran. Zeicatiah kan nih caah cun,

sii-ai cawk zong a harsa tuk. Cun kan fa le sianginn an kai i, sianginn thawhbur thawh ding zong kan ngei ti lo” tiah Thangkung ralhrial camp ummi pakhat nih a chim. Kanpetlet peng chung ahhin, ralhrial camp ah a ummi chungin minung 6 an nunnak a liam cang tiah kan theih.

Tedim Peng, Taingen SAC Check Gate Kahdoh An Tong!! Chin ramkulh, Tedim peng, Taingen SAC check gate cu, nihin October 13 zinglei sml 9 hrawnah, CDM-Siyin phu hna hruainak in an kah hna tiah khuami hna nih an chim. Kahdohnak ah, a thimi an um le um lo cu fiangin kan thei lo nain, mizaw zawnhnak in an i zawnh lio kan hmuh hna tiah khuami hna nih an chim. Crd-The Chin Post