Halkha I A Um Mi Ralkap Hi 100 Hmanh An Tling Lo

Halkha i an tlaih mi minung pakhat he kan i chawn.
================
Halkha i a um mi ralkap hi 100 hmanh an tling lo. 30 in 60 kar an si ee ati. Halkha mino nih ralkap 300 in 500 kar dirh kho u si law kanmah le meithal cio he Halkha cu kan laak khawh colh ko hnga ati. Ka lungchung i ka ruah mite pei na van ka ruah hi tiah ka hei ti ve. Lai zenthong pakhat chung ah kuan cik 12 aa tlum. Minung pakhat nih zenthong 10 an ngeih mi ah ralkap 10 nih an ngeih mi zenthong nih a zat lo.

Minung 500 nih minutes 1 ah zunkhat cio an puah ahcun 12×500 kuanfang 6000 ralkap sin a phan cang. Tite hna kan vaa ceih len. Cubantuk cun hei dirh kho taktak ulaw Khua dang nih an in cawn ve hna hnga an in bawm hna hnga le a tha tuk hnga ka hei ti. Keimah hmanh nih cu ti nan dir ko ahcun $5000 tiah bia ka kamh. Credit: Siang Cunguk

Relchap, Jesuh Khrih Tem-innak le Kawlram Mi Tem-innak. A tu zarh cu Khrih tem-in zarh a si. Jerusalem khualipi ah lianngannak he zahan Zarhpini cu a lut ko nain, a khualtlawn lampi long a si rih. A fuhpanhmi taktak cu Kalvary Lu Ruh Hmun Golgotha a si. Misual taktak pawl vailamtahnak in an thihnak hmun a si. Khrih nih tuk le velh le hremnak tuar in, a thihnak ding hmun a si cu a theih ko. A hmuichawn, misual mi hna khamhnak rian lim khawh ding hi rian lim a duh. Cu caah, sualnak ngei lo Pathian Fapa Khrih nih hi hmun cu hrial a tim lo. Pumsa in vawlei ah a um lio a si caah minung nih kan tem-in ning tein lungretheih le fahnak cu a tuar ve. A taktak in “A liim cang” tiah a ti (John 19:30). Leicung mi vialte kan caah Van innka pi cu a on cang. A Pa Pathian sunparnak cu a hrawm.

Nihin Burma rammi vialte nih nihin tiang an zawhmi lam cu a har taktak. Mi tampi nih an ton khawh mi thil tihnung cu an hngalh. Lam an zawh chan an hngalh fian tuak caah hrial an tim lo. Minung tampi nih an nunnak an sung cang. Nain, an duhmi lam kawltung an phanh tiang zawh an i tiim ko. Tu zarh cu Khrih tem-in zarh kan ti bantuk in, Kawlram mi nih fak khun in an temtuar zarh a si ve. Kawlram democracy innka an on khawh dengmang cang. Anmah long in rinh awk an tha lo. Jesuh Khrih zong lungrethei tuk in Geshemani dum ah thla a cam lio ah “vancung in vancungmi pakhat nih a rung hnemh” (Luke 22:43) bantuk in, kan miphun hawi hna le Kawlram mipi hi hnemh an hau ve hna. Bawipa vancungmi can-ai ah a hnemtu ding cu ramdang ummi hi kan si.

Kawlram democracy innka pi cu atu tan ah aa on khawh ahcun ram mipi nih on zungzal an duh cang lai. Ahohmanh nih an khar kho ti lai lo. Khrih nih kan vancung innka pi cu a on cang. A duhmi paoh nih vancung mithiang mi hna he len khawh kan si cang. Kutka tawh ngeitu cu Khrih a si. Amah kan fuh tikah cu innka pi cu amah tein aa ong. Vancung Pennak chungah kan lut kho. Kan nun lio ah vawlei le van thluachuah cu kan don zungzal. Kawlram mi vialte caah Pathian sin ah thla campiak cio hna usih. Ram hruaitu upa le kan ram caah riantuantu vialte hna an damnak le himnak caah thlacamnak in bawm hna usih. Pathian nih kan dihlak kan huppheng kho seh! Amen. Credit: Rev. Dr. C Duh Kam