Hakha um Mipi I Ralrin nak le Ralkap Teinak Lam

Hakha um Mipi I Ralrin nak le Ralkap Teinak Lam
====================
NLD cozah cu 31.3.2021 a dih cang lai. 1.4.2021 Cozah thar an kai cang lai. NLD cozah cu vawlei cung ram nih Legitimacy an ti peng rih. Ralkap Ni hlan poah cu a leng chuah lo a tha bik. Mah le sang runven ding tinmhtuah nak ngeih a tha. Ralkap cu tukden, thah, hrem an tuah peng lai caah Mino a bu in um lo ding le leng chuah lo a tha bik. Hakha zong Martial Law an chuah sual lai.

UNHRC 46th meeting ah IIMM riantuan nak le ICC, ICJ a tuan ding an cohlang ii fehternak an tuah cang. MAH le hawi cu khuaci an mui cang lai. A tuan le tlai long an si cang. The 47th reqular session is set to be help on 21 June 2021 to 9 July 2021 an ti cang.Nawl an zulh lo si cun Drone si loah pakhat khat in an tuk te ko lai.

Quad member ram 4 zong nih July ni 14 hlan tiang lawng kan nih zoh cang lai an ti rih. An vawlei umnak Sui le Ngun vial te an kal tak dih a hau te ko lai.

Ralkap Teinak lam kawl a hau. Khua chungah lamkham mual a ngeih lo. Ralkap an luh an chuahnak , Ralkap an rak rat nak thei ah cun ra kho lo ding tiang Lam kamhkhanh a tha. Khua chung le Lam kip ah Social Pushnishment, Boycott poster, Cozah nih Lih thawng zamh nan si tbt tam pi tuah a tha. Ram dang nih an nih tuk hna tikah Ralkap le Palek a ho inn hmanh luh ter lo ding Poster tar piak a tha.

MAH le hawi an rumnak an chungkhat caah maw rian nan tuah rih ko lai maw?Mipi nunnak caah dah nan tuan lai. Tuluk sin lawngah bawmnak ngah ding an si cang. Tuluk company 2 mei an dua cang ka in MAH zeitluk in dah Tuluk cozah nih warning an pek colh. Tuluk Company le Oil pepline kan nih kuai piak dih lai tiah hmantlak tar chih ding a tha .
Acung lei bantuk in kan tuah i kan zulh a si cun Talkap le Palek an cawlhcangh nak tha a der deuh lai lam kawl a tha. Credit: Robert Ling

Relchap, Africa ram Anglican Bishop pa Desmon Tutu 1984 ah Noble Peace Prize an pekmi pa nih, ” Kan umnak hmun cio in kan tuah khawhtawk thiltha tlawm tete kha kan tuah cio lai i cu kan tuah cio mi thiltha tlawm tete aa fonh dih ahcun kan vawlei pi caah thatnak nganpi a chuah ter lai, ” a ti. Nihin ah kan kawlram buainak kong cu kan theih cio mi a si. Ramchung ummi hna he ramleng ummi hna he kan thinlung a alh, fahnak, mitthli tlak tahai hram nak in kan khat. Nikhat a chuak kan tha deuh lai maw kan ti thla hnih dengmang tiangah zei hlei lo an zual deuhdeuh, minung fahnak, harnak an pek chinchin hna tikah minung leiin ruah ahcun ruahchan nak a dong, lung a dong. A sinain kan umnak hmun te cio in kan tuah khawh cio mi te a um. Ramchung mi caah cun CDM ah i telnak in, duh lonak langhter nak ah i tel nak in, duhlo nak a langhter mi hna ti te maw rawl te maw rak pek nak in i tel khawh a si. Ramleng ummi ca zongah thlacam nakin siseh, nikhat ah nazi pakhat te kan tuanmi kan riantuan man te thawhnak in siseh kan i tel kho dih. Cu tlawm tete cio aa fonh tikah thil lianngan pi a chuah ter khawh. Kawlram thatnak dingah na tuah khawh mi thiltha hmete kha Bawipa nih a tu tuah ve dingin an herh ko.

Tutu nih a ti than mi cu, “Ka pumpak minung sinak cu nangmah minung sinak he aa tlai, cu ti cun minung kan si ti hna lai,” a ti. Kanmah cu a luatmi ram ah kan um ko hnga. Sihmanhsehlaw kan laihritlai u nau hna nih minung sinak covo an co ve lo ahcun vawleicung minung kan sinak a tling kho lo. Minung kan sinak ah vawlei mi dihlak kan sining aa hrawm mi kan si.

Ramchung kan u nau hna nan tuarnak kan i hrawm. Bawipa nih a rauh hlan ah luatnak lam kan sial piak hram ko seh. Kan biakmi Pathian hi a khul a nuar bal lo. Kan tahhram nak a thei tu a si. Bawipa nih kawlram cu ramnuam bik le ramtha bik ah a rauh hlanah nanmah, kanmah hna hmang in a ser lai tiah zumhnak he. CBCUSA Women Department