Hakha khuasa Khrihfa biaknak a biami Khrihfabu upa hna!
===========
Chin Ramkulh Ralhrang Nih Hakha-Thantlang Lam Umkal Kho Dingin Tonbumh Biaruahnak An Ngei. Chin ramkulh, Hakha-Thantlang lam umkal kho dingin July 25 ni ah Chin ramkulh cozah zung meeting Hall ah Chin ramkulh Ralhrang hruaitu pawl tonbumh biaruahnak a ngei tiah theih a si.
Cu tonpumhnak ah SAC nih rian pekmi Chinram Chief Minister Dr. Vung Suan Thang, Monwya in Chin ramkulh ah nawlngeihnak lak (Feb. 1, 2021) hnu in an rak chiahmi Northwestern Command changtu Major General Myo Htut Hlaing nih an hruai hna tiah theih a si.
A bik in an caihmi anmah lei chimnak theih ning ahcun, Hakha-Thantlang lam umkal kho ding in tonbumh biaruahnak an ngei tiah SAC thawngzamh lei nih an langhtermi ah hmuh khawh a si. Anmah hruainak in, SAC ralhrang hruainak hramhram uknak tang ah a telmi ramkulh ministry zung in minister pawl le a hlei khun in, Thanthang khua nu/pa aiawhtu, Biaknak le hruaitu, Chin ramkulh zung kip bawi upa hna an i tel tiah theih a si.
Tu bantuk in, Hakha-Thantlang lam zulhnak le onnak kong he pehtlai in caihkhannak an ngeihmi an langhter hi zoh tik ah, Thantlang CDF nih a biapi hmunhma an khurnak Auto Tlang siseh, Hakha-Timit-Tita kahdohnak pehzulh in an tuah hnu le, Auto Tlang cu Ralhrang nih an lak cang tiah thanhnak an tuah hnu a si tiah theih a si.
A zei ko hme nan va ruah i uico hmanh a tluk lomi pawl khuakhan lairelnak ahhin nan i tel ve, na ca ah nunnak pek in ral a tumi Mipi ralkap zawn nan ruah lo hmanh ah nanmah zawn, nan chungkhar zawn hi nan ruat set lo maw?
Sualnak ngei lo mithat pawl an zen le an kuan, an hmanrua vialte i pekchanh nakding ah lam hon than ding kong lai an relnak ah a zei khi hme nan i thelh ve? Dothlennak ah kan i tel ve ko nan timi hi zeidah nan i telnak a si? Mipi sin ah rak kan let uh? Photo/ Uico le minung biaknak upa meeting an thut lio hmanthlak a si. Chinchiah ding/ Khrihfabu biaknak upa ka ti tik ah an zapi si loin.
Hakha an um ko bu ah cun kal lo awk tha ve lo si men lai,an auh hna i an kal duh lo cun Hakha an zammtak hau men lai tiah ka ruah. Hakha zamtak cu a har maw kan khua chuahtak in Ral kan do cio si. Remh hna sehlaw an remh thlu bak in hlei kha ciam put in van cheih rih uhlaw an phaisa dih si la an caan dih si la an lo ko la.
Hakha University Ah Cachimtu Saya/Mah An Um Lo Caah Lecturer Hna Cu Assistant Professor Pek Dingin An Auh Hna! Chin ramkulh, Khuapi Hakha University ah cachimtu an um ti lo caah Lecturer hna cu an lung tho hna seh tiin Assistant Professor rian pek dingin an lem hna i an auh hna, tiah theih a si.
Hakha University ah cachimtu an um lo caah Lecturer hna cu kum 2 te lawng rianášuan hnu in Assistant Professor nan si lai tiin an lung thawhnak dingin an lem hna nak kong cu July 21 i SAC kuttang fimcawnnak zung an ca chungah a um, tiah theih a si.
Assistant Professor si nakding ah PhD kai hau loin Assistant Professor rian hmuh khawh a sinak kong zong aa tel, tiah theih a si. 2017 kum thawk in Chinram um ralkap sii-inn hna ah ralkap siibawi hna cu kum 2 rian an ášuanter hna i an rian an dih in an duhmi Doctor line an kaiter hna i um an duhnak ralkap sii-inn ah an rak umter hna, tiah theih a si.
Asinain 2023 April thla ah Chin ramkulh ah an auhmi thazaang hi 2021 lio an rak auhmi thazaang nakin an tlawm deuh i 19 hrawng lawng an si. 2022 October thla in Chin ramkulh Thantlang khuapi kahdohnak ah SAC ralkap siibawi 2 an rak tlau i a thimi cazin ah an khumh cang hna. Officer 3 telh in SAC ralkap 6 zong an rak tlau, tiah theih a si.
Miphun Caah A Sangbik Tuanvo Kan Neih Lio caan! Miphun le ram caah nun thap in hriam kan tlaih i ral kan doh lio ah ‘duty’ ral kan ven lio caan hi a sangbik mi rian kan tuan lio caan a si. Ral na ven lio ah na hawile vialte nunnak kha na kut chung ah a um. Cucaah na daitlan sual a si ahcun nangmah ruang ah na hawi le nunnak a liam lai.
Zei tluk kan tha a ba zong ah ral kan ven lio ah cun i hngilh lo le daithlan lo hi a bia pi tuk. A ruang cu; na hawi le vialte an nunnak na kut chung ah a um lio caan hi ral na ven lio caan hi a si.
Ral kah lio ahcun mah le zawn cio in kah a si tikah hma a pu mi le ral hruang in a chuak khawh lo mi hna va chanh hna khi kan rian ngan bik a si. Chimh duh mi cu ; ral kan kah lio nak in ral kan ven lio caan hi a bia deuh.
Bia le lam phak ah voikhat cu; ral ram kan kal nak hi thlakhat a si cang i, ka ba ngai. Zan ah ral ka ven i tlompal ka thu ahkhin ka mit a ku colh…ka hngilh sual lai ‘ti ka phang caah ka hna khaw kaa dok i tlompal cu ai ning deuh nain ka mit cu ka chinh than lengmang, Mah tihin cu a si khawh lailo ka ti i, thakbare menphek ka phurh mi kha pum nga nak tam a si dah? ka ei i ka chung a lin dih.. Mah hnu cun ka duty caan cu tha te in ka lim.
Miphun caah rian kan tuan lio ah a sangbik mi le a bia bik mi tuan vo kan neih lio caan hi ‘duty’ ral kan ven lio caan hi a si. A sangbik mi tuanvo kan neih lio caan hi a tha bik in tuanvo kan lak khawh mi hi kan himnak lam tha bik cu a si.
Vanlawng Bomb Athlak Mi Khi ‘Anmah tu Ancei Deuh Teh lai. Raltuknak lei a dawthletmi mithiam APCSS professor Dr, Mimi Winbat nih achimmi cu; Kawl ralhrang pawl nih vanlawng in, voikhat bomb an thlak mi khi ‘US dorlar in ting 2 [ dorlar-200000] a dih a ti. Voi 10 bomb an thlak mi ahkhin dorlar ting 20 a dih lai tinak a si.
Vanlawng ahmangmi le bomb hna khi Russia sin a cawk mi an si. Khelkhat in kan chim ahcun Russia hi Ukraine he an buai lio a si caah a hartuk lio can a si. Cucaah Kawl ralhrang pawl nih. Vanlawng a hmang mi le bomb a hmang mi khi,Russia nih a lak in a pek nemnam hna lo…. A zuarh tu in a zuarh hna. Chim duh mi cu mahtluk a sipuayi atlak lio ah Russia sinah hriamnam a cawk mi khi caan a rauh deuh tik ahcun cawknak phaisa neih lo dirhmun ah a dir teh lai ‘ti hi zumh cio a si.
Bomb a thlak mi nihhin target piont ‘tinhmi a khen lem lo… tinhmi a khenmi cu; mipi lawng a si. Dohthlennak a tuahmi hmunhma ah bomb a thlak mi zoh tikah an iralring lo caan ah athlakmi kut dongh in relkhim mi le zei maw can te ah a va khen sual mi hna tlomte lawng khi an vanlawng thazaang hmual a neih nak cu a si ko.
Ka hawipa nih a ka chim balmi cu; pakhat pa hi ‘Vui’ kah ding ah ai thawh i a riah caw a dih hnu ah inn ah a rak tlung i riah caw a rak lak than lengmang i, a hnu ah ahcun vui kap cu chim lo ‘sakuh’ hmanh a kap kho lo pinah rawl ei awk nei lo dirhmun tiang a phan a ka ti.
Cu ve bantuk in atutan ralhrang hna nih vanlawng in bomb a kan thlak mi hi tinhmi khen lem lo in an neihmi phaisa tu a dih lai i, a hnu ahcun rawl ei awk hmanh neih lo dirhmun bantuk khi an phanh lailo. ti hi chim khawh a si lo. Cucaah a vanlawng le bomb a hman mi hi kanmah nak in amah tu a cei deuh teh lai. Credit: Van Neih Thang