Hakha khuapi sianginn kanghnak kongah aho kutneh dah a si hnga!
==========
Hakha No.3 B.E.H.S A Kaang. Chin ramkulh, Hakha khua ah a um mi No. 3 B.E.H.S a kaang tiah thawng theih a si. August 5 zaanlei sml 6:30pm hrawng ah atu bantuk in No. 3 B.E.H.S a kangh hi a si. Sianginn kanghnak kong he pehtlai in zeiruang dah a kangh le mi zei nih dah an khangh ti cu a fiang theih a si rih lo caan thawng tling deuh in thanh khawh ṭhan kan rak i zuam lai.
Hakha Pyidawtha sang (HBC Biakinn pawng) No. 3 Siangsangrun (High School) inn nihin August 5 (Nirukni) Zaanlei sang ah a kang tiah kan theih. A kangmi a lang in a cuanmi khuami nih, “A kangh hi zaanlei sml. 5:30 fai hrawng ah si dawh a si, 5:45 ahhin a mei a lio (ngan) tuk cang,” tiah an chim.
A kanghnak a ruang bel hngalh a si rih lo, nain khua mi cheukhat nih, meihri a sawt mi in a si kho men tiah an ruah damh. A kanghnak hmun ah meithat mawtaw zong a phan cang tiah theih a si. A kangmi inn hi a thlanglei bik ummi David Van Bik Building tiah min an pek mi si dawh a si tiah kan theih.
No. 3 High School, Pyidawtha, Hakha cu American Baptist Mission (ABM) Sianginn a rak si i, Ralkap uknak chan lio ah ABM Sianginn cu Cozah nih nawlngeihnak an rak chuh i, caan saupi a rauh hnu ah High School sinak an rak pek mi a si.
Sianginn a kangmi cu an hmih khawh cang tiah khuami sin in kan theih. “a dihlak ningpi cun a mit dih rih lo nain, a tlangpi in a mit ti khawh si. A meici tete lawng a tang cang” tiah kan theih.
Chin ramkulh khuapi Hakha Pyidawtha sang um No. 3 sianginn cu nihin August 5 zanlei suimilam 6:00 hrawngah a kaang, tiah theih a si. Meithat motor pathum nih an phalh len ko nain zanlei suimilam 6:30 tiang ah an hmit kho rih lo. No.3 sianginn hi zeiruang ah dah a kangh ti cu hngalh a si rih lo.
Chin ramkulh Hakha khuapi Pyidawtha sang um siangsangrun No.3 cu nihin July 5, zanlei sang ah a kaang, tiah kan theih. “Zanlei suimilam 6:00 hrawng ah meikanghnak a chuah hi a si i zeiruang ah a kangh timi theih fian a si rih lo. Atu hi meithat motor pawl an phan” tiah tualchungmi pakhat nih a chim.
Karenni Ram Ah Thlakhat Chung Kahdohnak Voi 33 A Chuak; Ralhrang 84 An Thi 3 An Tlaih Hna. 2023, July thla chung lawng ah Karenni ramkulh ah kahdohnak voi 33 a chuak i SAC ralhrang lei 84 an thih pinah 3 kan tlaihkhih hna. Cu pinah ralhrang lei hriamthil tam ngai zong kan laak khawh chih, tiah Karenni Nationalities Defence Force(KNDF) nih cathanh an chuah.
Karenni ramkulh, Mese peng um SAC ralhrang sakhan pawl le ramri um an sakhan pawl zong June thla chung ah kan laak khawh hna caah SAC ralhrang le an kuttang hriamtlai pawl nih motor 100 leng in hriamthil tam ngai le pehtlaihnak thilri pawl cu tling tein an phurh hna i Loikaw khuapi ah luhpi in thazaang an chap hna, tiah an langhter.
July thla a zarh 3nak zong ah Shan ramkulh thlanglei Pinlaung khuapi in Loikaw khuapi chung ah a lutmi ralhrang thilri pawl a phurtu hna cu KNDF ṭangṭi phu hna nih an kahdoh hna caah an motor 3 a rawk i ralhrang lei 20 naak tlawm lo zong an thi, tiah an langhter chih.
Karenni ramkulh chung kahdohnak ah a faak ngaimi SAC ralhrang pawl nih chunglei kahdohnak le hriamngan kahnak voi tampi a tuah i July thla chung lawng ah cunglei in voi 42 a kah caah kum 11 ngakchia 1 telh in mipi 4 an nunnak liam i mipi 8 nih hliamhma an tuar. Cu pinah duhpaoh in an kahmi hriamngan ruang ah mipi 1 nunnak liam i 14 nih hliamhma an tuar. SAC ralhrang nih a ruang um loin mipi 7 zong an thah hna, tiah KNDF nih thawng an thanh.
Atu bantuk in SAC ralhrang nih cunglei le hriamngan pawl hmang in kahdohnak a tuahmi ruang ah mipi inn 13 a rawk i biaknak lei inn 2 zong an rawk chih. Cu pinah sii peknak inn 1 le sianginn 2 zong an rawk. Kahdohnak ah Karenni Nationalities Defence Force(KNDF) ralkap in minung 2 nih ram le miphun caah an nunnak an pek, tiah cathanh an chuahmi ah an langhter chih.