Hakha Khuapi Chungah A Lar Ngaimi Le Mipi Khuaruahhar In!

Hakha Khuapi Chungah A Lar Ngaimi Le Mipi Khuaruahhar In!
==============
Water tank (tipung pi) ah ti rawn loin amah tein tii akhahnak video cu Hakha khuapi chungah a lar taktak. Halkha ah khuaruah har thil a tlung, A taktak si ah cun thil kal ning kel a si lo caah khuaruah har cu si ko. Asi tak ko kan inn thlang asi khua ruah har asi.

Bawipa cu um lo mi zong um ter kho tu a si kho loh mi zg a si ter kho cu le Bawipa ca ah cun asi kho loh mi a um loh ti nak kha lung a dong mi thazang a kan pek nak asi ko. Lai ee Bawipa lglg hi i bochan ko hna uh sih law.

Mah ban tuk kha Mizo Ram Aizawl ah a rak cang bel mi a si le ai lo ko nan zei a cang mi a um lo an ti. A ti kha pungdang ah rawn i khawn ding si thil pakhat khat si ko lai chek te ding in. Mah kong hi a video ah an chimmi vun ngai chih te, Chinland 7 Post Facebook Page ah ngai khawh a si lai.

Hi kong he pehtlai in Halkha Canaan sangah thil a cangmi a si, tiah thawngpang theih a si. Cheukhat nih cun an zumh lem ve lo, nain video thlahtu le pawngkam nih cun a tak a si ko, tiah an chimh cio ve. Mithmuh lo caah cun khuaruahhar ngaingai cu a si ko.

21.9.2021 Thantlang Khua Dir Hmun; 21. 9. 2021 Thantlang Khua a hnu bik khuachuah tak mi Chungkhar Dawng 4 (covid zaw mi dawng 2 ) cu tluang te in khua kan chuahtak khawh. Thantlang Khuapi Cu Ram buai hlan ah Inn 1800 lengkai kan si. Minung 10000 lengkai deuh kan rak si .21..9 2021 ni ah cun Inn Dawng (3 ) le a minung ( 28 ) lawng nih Khua an hngah.

Thantlang Khua a kan hngah piak mi hna cu; 1. Rev. J. No Mang te chung le anzoh mihna ngaktah anfa le minung (20)
2. Pi Kil Tang, Ni Ceu Nu le A Fapa (3), 3. Evan. Rin Chan Aa techung le Nu Thluai Cia, Sayamah Thui Cin (inn khat ah an um) minung (5).

Hi Khua hngak chungkhar 3 hna hi Pathian Mifa, Miphun le Ram caah Rawl ulh in Thla a cam peng mi an si. An chungkhar cio cung ah Thantlang Khuapi kan i lawm. Pathian nih um pi ko hna seh .Kan Thantlang Khua Pathian nih Hum him piak ko seh. Hi ti hin kan kal tak ko.

(Biakilh: Thantlang khua Sipin Committee Chairman Pu Ram Khar nih a Facebook cahmai ah a tial mi kan hun taar chin mi a si.)

Hakha le Thantlang ca ah lehrul kan cham; Ralhraang pahnih an thi tiah CDF-Mindat nih an thanh. 2021 September 18 ah Council Ralhraang pawl nih Hakha le Thantlang khua chung ah hriamnam a hme he a ngan he, ningcang lo in an kah ca ah sualnak ngei lo khuami an thi, hma an pu. Rammi hna inn an kaang i sungh zatlaknak tampi an tuar.

Cu an tuahsernak ca i lehrul chamnak ah CDF-Mindat nih September 19 ah Mindat khua chung kahdohnak kan tuah i Council ralhraang lei in pahnih an thi, hma faakpi a pu mi an um, tiah an thanh.