Hakha khualipi chungah kahdohnak a chuak nak kong update!

Hakha B.H.E.S No. 3 Sianginn Ah Kahdohnak A Chuak, Pawngkam Inn Cheukhat Meithal Kuan Nih A Khen!
=====
Chin ramkulh, khualipi Hakha khua chungah zahan zan November 13 ah kahdohnak a chuak, tiah Hakha ummi hna sinin theih a si. Hakha ummi pakhat nih, “November 13 zan sml 11:25 hrawngah B.H.E.S No. 3 siangsangrun ah kahdohnak a chuak. Bomb thawng le meithal thawng zong pehtlai in a thang,” tiah The Chin Post ah a chim.

B.H.E.S No. 3 siangsangrun ah zahan zan sml 11:25 hrawng ah meithal thawng cu sml a cheu chung hrawng pehtlai in a thang. Bomb thawng zong voi hnih hrawng a thang. Sianginn pawngkam inn cheukhat zong meithal kuan nih a khen. Voidang ahcun sianginn pawngkam ah meithal thawng zong a than bal lo caah kan lau ngaingai, tiah tualchung mi pakhat nih a chim.

B.H.E.S No. 3 siangsangrun chungah SAC ralkap zei mawzat nih umhmun an khuar i, sianginn leng ah an chuak bal theng lo. Khua maw caan lawng ah an chuak pah, tiah theih a si. Zahan zan meithal thawng pehtlai in a thangmi ruangah hliamhma pumi an um le um lo, theih a si rih lo.

ZRA MDF CNO/CNDF Hi Pituhsit Le BGF Level Lawng Ansi! NUG nih PDF CDF A niamsang an then ning hi tang lei bantukin asi. NUG Mahameih EAOs hruainak tang ah aum mi hriamtlai lawng hi PDF le CDF a sit tiah cohlan asi. Anmah lawng in Ralhrang doh awk ah sining le tindan, ngeihchiat le Hriamnam nih an tlinh lo caah EAO he i bawmh in raldoh mi lawng kha Ralkap Puitling ah NUG nih cohlan asi. Vawleipi le UN zong nih EAOs he aa kawp mi PDF le CDF lawng hi Ralkap Puitling (Ram Pumpi Caah Dohthlennak tuah tu) ah an cohlan.

Karenni cu PDF 20 leng kha an fonh hnu ah KNDF tiah min an pek. Karenni Hriamtlai phu KNPP he i bawmh in ral an do.
Kachin le Sakai Ramṭhen PDF zong KIA he i bawmh in ral an do ve. Karen PDF zong KNU/BKBA he i fonh in Ralhrang an doh ve. Rakhine ah cun anmah AA lawng bak in Ralhrang doh asi.

Chinram ah NUG le Vawleipi nih Ralkap Puitling ah cohlan mi cu CNA lawng asi. NUG le CNA hnatlaknak ah CNA le CNA he aa fonh mi hriamtlai lawng Chinram ah um seh, Kawlram Northwest cu CNA le a hawikom CDFs phu nih ṭuanvo lak seh ti asi (Pu Thla Hei Bia)

NUG nih DPFs le CDFs hmang in Federal Army siam a duh caah NUG PDFs hna cu Division 5 in a ṭhen hna. Eastern, Western, Northern, Southern, Centre Division/Command hna an si. Northwest Command/Division hi CNA le CDFs a hawikom hi (CJDC) a rinh hna.

ASEAN ah Ralkap Thazang a ṭhawngbik mi le vawleicung Ralkap level 38th asimi Ralhrang Rallokap do awk ah, Pengkulh le Pengtlang Ralkap lawng in asi khawh lo. CNA le a hawikom CDFs (CJDC) ah um a herh. Asilo ahcun CNA he hawikom (Alliance) si a herh.

Cucaah Pengkulh le Pengtlang Lawng Kilven Ding Ah dirhmi hriamtlai vialte cu Pithusit Level le BGF (Boarder Guard Force) Level lawng in Vawleipi nih hmuh asi. ZRA/ZRO cu Zomi phun umnak lawng ven awk ah dirh mi asi caah Pituhsit le BGF level lawng asi. MAH cu Thura an pek. MAH he an bawmh caah Ralhrang ZRA asi ko.

Pengkulh le Pengtlang lawng veng din in dirh mi CNO/CNDF, MDF le CJDC ah aa fonh lomi CDF vialte cu nan thachia hlah uh. Pituhsit le BGF level lawng an si ko. CDF Mindat zong hi anmah lawng in um an duh zungzal, CNA an huat I, an I hawikom duh lo ahcun Pituhsit le BGF level an phan ve te lai. CNO/CNDF hi Chin min sak ruangmang in Falam miphun umnak lawng ah Ralkap a si mi an si. Kap Peng Thang tiah min sak I, ZU hmanh a tlaih lo mi pa bantuk an si ko.

Pituhsit level lawng asi mi CNDF ralbawipa Peter Thang CNA cu lut tlak ah kan ruah lo a ti mi cu khuaruahhar lo awk a ṭha ve lo. Ngakchia nih Tar bia a chimh asi. Pituhsit le BGF level sinak in I hlihphuah nan duh ahcun CJDC ah lut dih uh. CNA hruainak tang ah um in a tawi ah um cang ko rawh uh. Phu hnih ah aum mi Pengtlang CDF zong phukhat ah I fonh cang uh. Phukhat um awk ah le CNA, CJDC he pumkhat an si ter khawh lo tu Policy thlen dih cang uh.

Pumkhat si khawh lo nak Thazang pektu Pengtlang Upa le Politicians rual zong nan bu in chuah cang hna seh, CHIN MIPHUN LE CHINRAM caah Virus le Cancer an si. CNA ah siloin Pengtlang lawng ah ramdang nih phaisa kan thawh mi hi Pituhsih le BGF ah nan siam hna tu asi. Ralhrang thluk khawh tu ralkap siam tu nan si lo hi mu.

Fianternak: CNA ah siloin Pengtlang lawng ah Ramdang nih phaisa kan thawh mi hi Pituhsit le BGF ah nan siam hna tu asi. Ralhrang thluk khawh tu Ralkap siam tu nan si lo hi mu. Pumkhat si khawh awk ah nawlnak capar asi. Pengkulh le Pengtlang ca lawng ah dirh mi cu anmah nih a lianpi le a thawngṭha tuk mi ah an I ruah zong ah NUG le Vawleipi mit ah cuai an tling lo. CNA an lut duh lo ahcun CJDC ah member si dih hna seh timi capar asi. Mit a ngeih mi nih hmuh uh law, Hna a ngeih mi vialte nih Theihhngalh cang rawh uh. Ralhrang thluk ve awk ah Thazang khawmsuat cang usih. Ralhrang thluk a duh ngaingai mi caah CNA he hawikom a har lai lo.

CDF phukhat nih 60MM an siam ve. Timit ah an hmang le a alh khawh lo an ti! NUG Kuttang PDF Wetlet Nih Hloh An Duh Hna Caah An Tuk Mi Bo Cakei Phu Nih Kutsiam Meithal Lian In Rallokap Sakhan An Kah! Ankah mi Rallokap Sakhan: Sakai Ramthen, Wetlet Peng Sinmaka Sakhan. A kap tu LDF phu hi Kan hnu zarh ah NUG Kuttang PDF Wetlet nih an kah mi Bo Cakei te phu kha an si.

PDF Wetlet nih a nung in tlaih an duh ko nain Bo Cakei cu azam manh. A ralbawi chuekhat cu an thlah rih hna lo. Dalaan bantukin an hrem hna/ an thah hna. NUG nih an hlat lio asi. A sual mi cu Bo Cakei siseh, PDF Wetlet siseh, dantat an si tiah an thanh cang.

11 November 2022, ah Bo Cakei te nih kutisam bomb le Meithal lian in an kah hna. Minites 20 -25 chung an i kah. Uirual cu maw ka nu kan khamh tuah u, kan lo dih cang tiah an kio len. An kah mi Bomb le kuan vialte Sakhan ah an tla dih. Uirual a thih zat kan theih khawh rih lo tiah Bo Cakei nih ati. Hmapu in a aihram lenmi au kan theih hna tiah a ti. Rallokap nih khua chung ah Hriam ngan an kah lengmang i mipi an kan thah lengmang caah tu bantukin kan kah hna hi asi tiah Bo Cakei nih a ti.

November 7 ah Sinmakan Sakhan um Uirual nih, Khua chung ah Hriamngan an kah caah, Nu 1 a thi, kum 2 ngakchia pa hma fak pi in a tuar tiah Bo Cakei nih a ti. NUG Kuttang lo LDFs phu 5 i fonh in an kah hna. Bo Cakei nih a hruai hna. (ဗိုလ်ကျားကြီးအဖွဲ့၊ ကျားသစ်နက်ပြောက်ကျားအဖွဲ့၊ ACID အဖွဲ့၊ မတ္တရာပြည်သူ့ကာကွယ်ရေးအဖွဲ့နှင့် လျှပ်စီးပြောက်ကျားအဖွဲ့).

Fianternak: NUG sual phawtnak capar asilo. Kawlrawn PDF hi 500 dengmang an um. NUG kuttang ah 200 leng an um. Adang cu NUG kuttang lo lawng an si. Chinram lawng ah Pengtlang CDF an tam asi lo. Kawlrawn lei ah an tam deuh. Nain mah le mah aa kah mi an um tuk theng lo. CHIN MI zong mah le mah i kah ti hla usih. CDF phukhat nih 60MM an siam ve. Timit ah an hmang le a alh khawh lo an ti.’

NUG Kuttang PDF Wetlet Nih LDF Wetlet An Kah Hna An Tlaihhna i Fak Piin An Hremh Hna. Chinram lawng ah asilo. Kawl Miphun PDF zong mah le mah an i doh cang. Makui Ramṭhen, NUG Kuttang Wetlet PDF cu GZSTF – Wetlet tiah min an pek. Pituh Ukchizihmu Pu Ni Myo Aung nih a hruai hna. LDF hi Bo Cakei nih a hruai hna.

Pu Ni Myo Aung te nih Sakurt Motor khat lak in an va kah hna. PDFs le Police tiang an I kal pi hna. Bo Cakei cu a zam khawh nain, a ralbawi 2 an thi, Tampi an tlaih hna I fak piin an hremh hna. Dalaan bangin an hrem hna. NUG Zulhphung ning (Code Of Conduct) biaceih ding asi nain fak piin an hrem hna. An thlah cang mi Ko Sin Zaw, Bo Cakei ralbawi pa cu thih deng in an vuak caah tirawl a eidin khawh rih lo.

A pumpuluk in hmarun lawng te asi. A thi khawh men ti asi. Bo Cakei te PDF Page Admin Ko Chiat Ci Mg cu an tlaih nak ni 17 leng asi cang nain an thlah rih lo. Bia hal awk a dih rih lo an ti. An thah mi, an tlaih mi, an hremh mi an nupi, an pi le an pu, an chungkhat hna nih Dalaan bangin hremh that mi ansi caah kan i lungsak khawh lai lo. Rallokap he dohnak ah an thih ahcun kan I lungsak tuk lai, Dinfelnak le thildik a chuah khawh nak hnga bia kan ceih piak uh an ti ve.

NUG MOD zunguk Pu Naing Htoo Aung nih hlathlaibu kan dirh lai i kan hlathlai lai, thil dih a chuah khawh nak hngal kan bawmh cio uh a ti. GZ hriamtlai phu dang ah virus le cancer bangin a karh hlan ah kan hmih a herh ati. Kawlte PDF LDF cu NUG biachahnak kan ngai lai/ kan zulh lai an ti. Kanmah le mah aa doh mi le Mah minung cu Dalaan in a thah sual mi CHIMMI Hriamtlaiphun cu CNA Tlangtlak le biaceihnak kan duh lo.

Tlangtlak ah Dalaan In mi thah ding in kan um. Mah le mah Pengtlang upa nih remh zong kan timh hna lo. Pengtlang CDF hrim nih CNA cu zei ah kan rello. Kannih NUG nih bia an kan ceih lai lo. CNF/CNA cu NUG Mahameih hmasat le Mahamei thabik asi caah CNA sin ah nawl an pek dih tihi kan hngalh awk asi.

CDF Mara le MDF an i kahnak cu an i remh khawh ko lai. Mara ve ve an si caah, a dang a bawmhtu CDF dang belte hi an remh khawh ti hna lai lo. Mei a alh hlan ah tlangtlak zawkzawk a herh. Mara miphun anmah le mah cu an i daw tuk. Adih dong tiang aa sik khawh ding ansi lo. Cucaah Mara le Mara i remh cu a har lo. A rau lai lo, an i remh khawh colh ko lai. CDF Mara Bawmhtu ZZLMS belte MDF nih an remh kho hnga maw?

Mara miphun le miphun dang karlak ah thil cang mi le kahdoh nak hi kan remh zawkzawk lo ahcun a herh lo ah a um sawhsawh mi Mipi tampi thah dawh kan si. Social Media ah, Mara miphun an comments zoh tikah kan in thah ve hna lai timi lawngte asi. Saiha in MDF duhlo tu vialte chuak dih uh an ti hoi.

CDF Mara le MDF remh a fawi lai ka ti nak cu Mara veve an si caah asi. CDF Hruaitu B Ko hi MDF upa ah an thimh ahcun a dai khawh men. Anih hi Pastor asi. Paletwa ah Ticket a duh nain, NLD EC le Mara miphun nih Ticket an pek lo caa a lung a fak.

MDF an tuah tikah Upa ah an thim lo caah CDF a chuah pi hna. MP Za Cung cu chakhri a tlaih i a duh poah in a merh mi pa si. Pu Paul Smith nih an kan liam tak caah amah ai ah Pu B Ko hi an thimh ahcun hmunkhat ah um a fawi te lai.
Dalaan tiah an puh i an thah sual mi pa hi thisen ah Lautu asi. Biaknak in Mara asi caah Lautu le Mara nih tuanvo an ngeih ve ve.

Fianternak: CDF ah lungkhat lonak um seh tiah ka tial mi asilo. Pumkhat si dih usih, CNA ah direct in siseh, indirect in siseh, pumkhat si usih, Pumkhat sinak le lungkhat thinkhat ngei in raltei usih, Federal ram kan lutpi uh timi saduhthah nak lianpi he asi. Dalaan cu hremh le vuak in thah ti lo ding in le kutpar in tongh lo ding in kan nawl hna.

Biaceih nak tuin, lairel usih law a sualnak rup in thongthlak, a innlo hrawk piak, khuami sinak in dawi, tbk in hmalak ding ah kan nawl duh mi hna asi. Rule Of Law um seh, Upadi hmai ah mikip I ruang cang usih, Democracy um sehlaw, Federal Muisam leng cang seh timi chunmang he asi. MDF, CDF Mara le CDF Lautu ah ahodah a dik i, ahodah a sual timi kan langhter duh nak asi lo. Mara miphun thangchiat seh tinak asilo.

Mi Roling John Mang Tling, Dr. Sa Sa, Salai Htet Ni bantuk Mara Mino tampi chuah hna seh timi saduhthah nak lianpi le Mara miphun duhpi nak he asi deuh. Chinram le Kawlram hruaitu ah Mara Miphun an thimh hna hi nan philh sual lo nak hnga darkhing tumtu Capar zong si hram seh tiah duhpinak relcawk lo he, ca kan kuat hna bia asi. Credit: Joseph R. Thang