Hakha Passport Zung Pawng Kahnak Update
==================
Zahan June 27 zan ah Hakha khuathar lei kap ah kahdohnak a chuakmi kha Passport zung pawngkam ah a si, tiah tualchung mi hna nih an chim.
Zahan zan suimilam 9:09 hrawngah meithal thawng pehtlai in a thang. Passport zung pawngkam hrawng cu mino nih an kah. Caan tlawmpal cu meithal thawng pehtlai in a thang, tiah min langhter a duh lomi pakhat nih The Chin Post ah a chim.
Hihin June 28 zingka teiin SAC ralkap le palik cu Passport zung pawngkam ah sentari an cawng. Mi chawkvai tu cu an chek hna lo. Passport zung pawng ummi dothlatnak zung(Sah Tung Lung,စစစ) ah SAC ralkap le palik an khat i zung cu hman an thlak len, tiah theih a si.
Passport zung lutlaitu hi mi puarhrang ngaingai mi a si i, zung lutchuak tualchung mi hna zong aw hrang le hrocer rumro in a chawnh biak tawn hna, tiah Passport zung kal mi cheukhat nih an chim.
Nihin Hakha ah langta oitam lakte a rak zuan le ttum kha, Hakha um Chinmi palek pawl kha kan caah dalaan nan si tiah UC nih a ti hna caah a laak hna i hmundang ah an tthial hna,kan hnulei ka rak thanhmi kha nihin ah atakin an tuah.
Nihin june 28 ah Jet, Langta a rak zuangmi nih khan Thantlang siizung pawngah oithum a bom/kah tiah kan theih.
Zahan passport zung oihnih nolh in an kahmi ah ralhrang pakhat a thi tiah kan theihchap.
Chin ramkulh, Hakha khua ah a um mi Passport zung ah SAC ralkap le CDF-Hakha hna karlak ah kahdohnak a chuah dih hnu ah Hakha khua helnak lam (မြို့ပတ်လမ်း) ah a um mi Tai-yin sizung tualchung mipi umnak inn(တိုင်းရင်းဆေးရုံ ကွာတာ) chung ah bom a tla i a puak tiah theih a si.
June 27 zaan sml 8:30pm hrawng ah Hakha khua ah a um mi Passport zung ah himnak a la mi SAC ralkap le palek pawl cu CDF-Hakha nih an kah hna i mins 5 tluk kahdohnak a rau tiah theih a si. CDF-Hakha rianngeitu pakhat nih “Passport zung chung ah a um mi palek le ralkap hi 10 hrawng an si tawn tiah kan theih.
Cun Passport zung rianṭuantu upa pawl zong nih Pistol an i tlaih cio tiah kan theih fawn. Cucaah nizaan kha mins 5 tluk hrawng meithal in kan va kah hna” tiah Khonumthung Burmese ah a chim. Kahdohnak chung ah SAC lei a thi mi an um le um lo a fiang in theih a si lo. CDF-Hakha hriamtlai pawl him tein an kir kho tiah theih a si.
SAC ralkap pawl nih CDF-Hakha hriamtlai pawl an um lai tiah an ruahdamhnak hmun pawl ah hriamngan lung 3 le meithal in an kah caah khua helnak lam (မြို့ပတ်လမ်း) ah a um mi Tai-yin sizung tual(တိုင်းရင်းဆေရုံး ကွာတာ) ah bom a tla i inn chanphio, thlalaawng hna a rawh leng ah cu inn lonh ah a um mi an sak cuahmah lio mi inn zong kuan tampi nih a khen tiah theih a si.
Hakha khua Passport zung rianngeitu hna nih an zung a rak panh mi mipi pawl kha hrang ngai le bongal ngai in an chawnhbiak lengmang hna tiah theih a si. June 28 zinglei zong ah Passport zung pawngkam ah SAC ralkap le palek pawl tampi an rak phan i himnak an lak. Passport zung le (စသုံးလုံး) zung zong hman an thlak len tiah Khonumthung Burmese nih a langhter. Hakha Khua Passport Zung Ah Kahdohnak A Chuah Hnu In Pengkomh Tai-Yin Sizung Tualchung Mipi Umnak Bom Nih A Khen