Hakha Khuachung Cawlcanghnak Ding Thawngthanhnak!
74 nak CHIN MIPHUN NI
=========
Hakha Khuachung Cawlcanghnak Ding Thawngthanhnak. Silence Strike 20 FEBRUARY 2022; Suimilam 10:00 am – 4:00 pm tiang leng chuak loin Silence Strike kan ngei hna lai.
Kan Miphun Ni ah SAC ralhrang nih khuakhanpiak mi cawlcanghnak le program tete zong um ai kun, mizapi lei in i teltum hrimhrim lo ding zong Chin miphun zapi kan rian a si. Caankarlak Hakha Peng Zatlang Uknak. Kum 74 Chin Miphun Ni Hakha khuapi chung cawlcanghnak Ding thawngthanhnak 19 February 2022.
Min Aung Hlaing le a ralhrang hna nih hramhram in uknak an laak ruangah kum 73k Chin Miphun Ni cu, hrambram uknak duh lo langhternak lamzawh pah in kan rak himang hna. Cu ti thiamthiam in tu kum Chin Miphun Ni zong Hakha chung ah cun hlunghlai ngai in a hmang kho ding dirhmun kan si lo.
SAC ralhrang nih ram chung mizapi an kan tuahto ning a chiat chin lengmang cu zapi nih hngalh a si. Fimcawnnak kong ah siseh, chawleh chawhrawinak kong ah siseh, nifatin nun khuasaknak kong ah siseh, a lam kip in mizapi cu harnak a kan pek. Kan sunhsak i hlunghlai ngai in kan rak tuah zungzal mi kan Chin Miphun Ni kong hmanh ah kanmah tein khuakhan lairel zalonnak chuh dih a kan timtu SAC ralhrang hi Chin miphun nih lungrual tein kan tei hlan lo kan doh na a herh.
Kanmah kong ah kanmah tein khuakhan le lairel khawh kan duh i, Federal Democracy tlamtlang in a nun khawh nakhnga mizapi nih ram kan khel cuahmah lio a si bantukin, kan Miphun Ni ah SAC ralhrang nih khuakhanpiak mi cawlcanghnak le program tete zong um ai kun, mizapi lei in i teltum hrimhrim lo ding zong Chin miphun zapi kan rian a si.
Cu a si caah, hramhram uknak kan duh lonak, kan dohnak le kanmah tein aa uk-hruai kho mi kan sinak langhternak ah, Kum 74k Chin Miphun Ni cu a hohmanh leng chuak loin mah le inn cio in ulh a si lai, tiah Hakha khuachung mizapi upatnak hmaizahnak he thawng kan in thanh hna. Information and Record Department Interim Hakha Township Administration.
Caan Karlak Hakha Peng Zatlang Uknak Dirhnak Kong Thawngthanhnak; 1. Rammi mizapi duhnak he ralchanh in ralhrang phu nih hramhram in rampi nawingeihnak an laknak kum khat a tling cang. Hramhram in nawingeihnak an laknak cu Kawlram mizapi nih kan cohlang lo. Chinland ramchung, Hakha peng mizapi zong nih kan cohlang lo. Cucaah a lamkip in duh lonak langhter a si i, hriamnam tlai in dohthlennak a tuah mi dirhmun tiang kan phan.
2. Mizapi nawingeihnak hramhram in laknak nih zapi nun-khuasaknak le chawleh chawhrawlnak fakpi in a tumchukter. Innlo tampi hrawhpiak kan tong i, rammi tampi umnak ngei loin ral kan zam. An duh paoh in rammi an kan tlaih, an kan hrem i mizapi thisen tampi a luang.
3. Ralhrang nih an nawingeihnak an fehter khawh nakhnga lo le an hlawh a tlin nakhnga lo, rammi kan dihlak nih lungrual tein kan dohthlen lio a si. Cucaah kanmah kan kong cu kanmah tein kan i tawirel i kan i ukhruai khawh nakhnga, Hakha khuapi chung le Pengtlang hna telh in, “Caan Karlak Hakha Peng Zatlang Uknak” (Interim Hakha Township Administration) cu dirh a si cang, tiah thawng kan in thanh hna.
4. Hramhram uknak lak le namneh uknak phun paohpaoh cu kan duh lo cash, Can Karlak Hakha Peng Zatlang Uknak nih 2022 Nohawng 1 thok in kan tel hlan tiang dohthlennak cu pehzulh in kan tuan lai. Cun, Federal Democracy Ram sersiamnak caah le Hakha peng chung ukhruainak he aa pehtlai mi thil vialte cu “Caan Karlak Hakha Peng Zatlang Uknak” nih tuanvo la in tawlrel a si cang lai. Caan Karlak Hakha Peng Zatlang Uknak, Write to Iang Chin Sung.