Hakha khua chung ah thawngpetu an um hrimhrim!

Hakha khua chung ah thawngpetu an um hrimhrim! Laimi lila an si! Nan pawngkam thil sining tha tein rak ngiat ve cio hna u. Thawngpetu cheukhat konglam zong theihpah a si cang. Mizapi sin ah phozaar le mualphoh a si te lai! Laimi thawngpetu pawl rak i ralring u! Nan chungta khar in a zungzal mualphoh nan tong lai hih! (Share loin rak i taar ve).

Hakha ah a um mi CCPR (Chin Center for Peace and Reconciliation) zung cu ralkap 20 hrawng nih an luh hnawh hna. Zung hngak zong an tlaih hna i pa zeizat an tlaih hna ti mi cu theih a si rih lo. CCPR zung chung cazin le catlap mei in an khangh i computer chung um mi an hrawh piak hna tiah theih a si. Zeiruang ah dah CCPR zung an luh hnawh ti mi cu hlat cuahmah lio a si.

Hakha CCPR zung ralkap nih an kulh; Chin Ramkulh, Hakha khuapi an dirhmi Chin Center for Peace and Reconciliation (CCPR) zung cu nihin March 9 zinglei sang ah ralkap nih an kulh dih. Hi kong he pehtlai in Chin State Administration Council zung chairman Pu Ngun San Aung nih, “CCPR zung an kulh le kulh lo zeihmanh ka thei lo. A konglam ka rak hlat ve lai. Thawngtu kan thanh than hna lai,” tiah a chim.

Atu hi Hakha University hmun chung zong ah ralkap nih umhmun an khuar. Cun, Falam le Tedim sii-innpi chung zong ah umhmun an khuar tiah theih a si. Hi kong ah Minister Gen. Han Win Aung zong pehtlaihnak kan tuah nain a phone a tlai lo. Credit: The Hakha Post