Hakha Inn Hlang Dirhmun Hi Zaangfah Tuk An Si Ko

Hakha inn hlang dirhmun
***************
Keimah hi zei hmanh ka si lo. FB a hmang sawhsawh vemi ka si ko. Tu zing cu inbox ah bomh an ka hal tikah ka mit thli a ha ruangmang. Inn hlang kong te hi kan post piak law an ka ti. Nih chuak le capo herh hua ha lomi hmanh pei ka post peng ko cu ka ti. Ka el hna lo.

Kan dothlen nak caan a vun rau deuhdeuh, a lam kip in kan tha a dih ngaingai. bikin bank on lo a si tikah hin tangka lei harsat nak a tam ngai cang. Cu hna lak ah inn hlan chom in a nung mi hna, mi sawhsawh, acozah riantuan a si lomi hna dir hmun hi an har ngaingai. A dang zong kan har lo ti nak a si lo nain an nih cu hawi dang nak in inn man kha a hlei in pek an herh caah a fawi lo ngai ko lai.

Hi lio caan ah hincun inn ngeitu hna zongnih dawtnak, zawn uahnak le thin fual nak te he khua caan a that tikah pek te ding zong in theihthiam piak hna u sih law a tha hnga lo maw ka ti. Saya ka ttuan bia a si hrimhrim lo. A tu lio caan ah i bawm deuh hna usih. I theithiam deuh hna usih. Kut samh deuh hna usih tiah zangfah nawl bia tu deuh a si.
Cun inn hlangtu zong nih lung thiang tein inn ngei tu kha nawl a herh le nawl ve ding a si ko. Kan tei hna lai. Inn hlang in harsat nak a tongmi hna zawn ruah nak he na share piak khawh ve ko hna. Credit: Lainu Dawtu Aa Bor