Hakha-Gangaw Lam Ral Sining a Linsa, Khua 6 an Zaam!

Hakha-Gangaw Lam Ral Sining a Linsa, Khua 6 an Zaam!
============
March 17 thawk in SAC ralhrang pawl cu Gangaw lam lei ah an kal i nihin March 26 tiang ah Hakha-Gangaw lamkam i a ummi khua 6 nih an khua an chuahtak, tiah thawngpang kan theih. March 17 ah Hakha he meng 6 a hlatnak Nipi ah SAC ralhrang an phan i khuami 200 hrawng an zaam dih.

March 21 ah Zokhua pawng ah kahdohnak a chuak i Zokhua mi 800 hrawng an zaam hna. March 22 ah ralhrang pawl Zokhua ah an lut i zaan khat an riak. Zokhua upa pakhat nih, “Kan khua hi milu 800 hrawng kan si i kan zaam dih ti awk a si ko. A zaam lomi Khuathar ah inn 5 hrawng le Khuahlun ah inn 20 hrawng lawng an taang,” tiah The Chin Journal ah a chim.

SAC ralhrang pawl cu Zokhua in Tinam lei ah an lan tthan i, Ruavan, Malsawm, Hrawngvun le Tinam khuami cheukhat zong an zaam hna. Acheu hi Hakha lei panh in an zaam hna i acheu cu ramlak ah an zaam ve hna, tiah a cunglei upa nih a chim.

Hakha in SAC ralhrang 150 hrawng an kal i, Gangaw lei zong nih ralhrang 250 hrawng an rak kai i CDF,CNA karlak ceh in kah an timh hna, tiah miphun ralkap he naihniam cheukhat nih online ah an ttial.

Halkha pengchung Zokhua peng tlangthluan Gangaw lam lei ah ni 4 chung hrawng kahdohnak a faak. Khuate zeimawzat ramtang ah an zaam. CDF Hakha le CNA nih Kawl ralhrang pawl Gangaw lei ah tlung dingin a kalmi cu an kah cuahmah lio hna a si. Atu hi Gangaw lei in Kawl ralhrang 150 an rak kai lio i, Hakha lei in Ralhrang 250 hrawng an kal ve tiah theih a si.

CNA le CDF Hakha cu ralhrang nih karceh an timh tuahmah hna lio a si i, faak deuh in kahdohnak a chuah khawh caah kan mipi ralkap CNA/CDF caah thlazacampiak philh hna hlah usih. Kan ralkap hna Pathian nih umpi hna sehlaw, ttanpi hram ko hna seh!

Tlangtang an um lio ah a hlat pi-in lungtum 🪨 ngan ngan tlang in hrilh hnawh hna ah a ttha bik lai. Vietnam nih mirang pawl an rak doh hna dan asi ve. Lunghrilh dih in kadang ah an zam ko. Kan CDF Bawipa nih a Ven hna lai. Strategic operation tuah hau si cu. Lam chak lung ngan pi pi khi an rak rat lio bakah puah ding a si.

Nan hrangah thla kan cam peng, kan cam peng ko lai. Bawipa nih in kil veng hna seh law, ral tei khawh nak hlawhtlin nak in pe hna seh. Pathian nih, Avan mithiang rual hna bawmtu ding ah hun kan thlah piak hram ko sehlaw. Bawipa tu nih kan miphun pasal tha nusal tha him bawm ter hram ko seh. Credit: The Chin Journal

Ramri Tio khua ah Mipi Ralkap CNDF Ramri cong sakhaan cu Kawl Ralhrang nih an va chim i CNDF minung 4 an tlaih hna.
Tuzing deika Sml 5:30 hrawng ah Kawl ralhrang nih India border Rihkhuadar le Zokhuathar aa pehtlaihnak Hlei a congtu Mipi Ralkap CNDF Checkpoint an va chim i, CNDF ralkap 4 an tlaih hna tiah Chin Net ti a langhter.

Nizan March 25 ahkhan India le Myanmar pehtlaihnak Hlei cung ah mipi ralkap CNDF nih Chin Thantaar an thlai i, cucu online ah ai phozaar tuk caah Kawl Ralhrang nih an va kah hna si lai tiah an zumh. Ramri Hlei cung Thantaar zong Ralhrang nih anmah Thantaar an i thlai t’han.

Lung hi a faak kho tuk e! Zokhuathar mipi nih tuzing deika Rihkhuadar lei kahdohnak an zoh lio a si. Video hi an ka kuatmi a si.

SAC Ralkap Nih CNDF Ralkap 2 An Tlaih Hna, SAC ralkap Nih Ramri Ah An Thantar An Thlir Ṭhan! Chin ramkulh, Falam peng Rihkhuadar India-Myanmar hleidonh ah umhmun a khuar mi CNDF sakhan cu nawlngeihnak latu SAC ralkap hna nih nihin March 26 zinglei suimilam 5:40 ah luhhnawh in an kah hna.

SAC ralkap hna nih CNDF ralkap 2 cu an tlaih hna, tiah theih a si. Nizaan March 25 ah India-Myanmar ramri hleidonh ah CNDF thantar cu langsar ngai in Social Media ah hmuh ding a um hnu ah, cu thantar cu SAC ralkap hna nih an thlak ṭhan i, anmah thantar an thlir ṭhan, tiah tualchung mi nih an chim.

Mah miphun hriamtlai phu i kahnak ah Pasaltha Pa 2 an nunnak an liam! CNA le ZRA karlak ah kahdohnak a chuak, CNA ralkap pakhat a nunnak a liam. Chin ramkulh, Tedim peng India ramri ah CNA le ZRA karlak ah March 23 zaanlei 6:30pm in 7:00pm tiang kahdohnak a chuak i CNA ralkap pakhat Salai Tuan Peng Lian a nunnak a liam tiah theih a si.

CNA rianngeitu pakhat nih “ZRA pawl hi Folding pistol pawl an hmang. Cun M 16, AK 47 hna an hmang. An thazang hi 20 hrawng an si. Kanmah hmunhma kan khuarnak ah an rak kan kah” tiah Zalen ah a chim. CNA le ZRA karlak ah kahdohnak voihnih a chuak cang. 2022 December 17 zing sml 3:00am ah Ngawsing khua pawngah hmunhma a khuarmi ZRA phu cu CNA nib an rak kah bal cang hna.

Mara Army le CDF Mara karlak ah kahdohnak a chuak, CDF pakhat nunnak liam. Maraland Defense Force & Mara Army (MDF) nih Thantlang Peng, Ngaphai te khua ah CDF Mara hna cu an va fuh hna ruang ah kaphnih kahdohnak a chuak i CDF lei in Salai Pawpaw Mahein cu a nunnak a liam tiah thawng kan theih.

Thawng kan theih ning ah, “Atu a thimi pa hi Min Aung Hlaing nih Myanmar ram uknak hramhram in a laak hnu in CDM a tuah mi palek a si. Atu bantuk in thil a can hi nihin March 25 ah a si. A thi mi lawng hi thawng kan theih khawh rih,” tiah kan theih.

Mara Army le CDF-Mara fonh in Maraland Defense Force (MDF) an dirh mi an si i, Mara Army he fonh a duh lo mi hna cu CDF-Mara min in an dir tiah kan theih. CDF-Mara cu CJDC chungtel a si i CNF/CNA tel in Chinram chung CDF/ rammi rungvengtu ralkap hna he hmun khat ah a dirti mi a si.

Fimchan a si cangmi kan chan ahhin pengtlang ah extreme tuk cu mahhi a phi chuak a si ko. Pengtlang min kha miphun min bantuk in a kalpi i a hruhpimi tlang paoh ah thennak a tam i thanchonak zong a tlawm. Chinram ahcun Tedim le Tonzaang ah Zomi a hruhpimi an tamtuk caah a thencheu bikmi pengtlang an si ve. Hlan ahcun Chinram ah a rak thangcho bik pengtlang an rak si ko nain a tu ahcun hnu a tolh ziahmahmi an si cang. A 2nak ah Mara hi an si ve. Mara a hruhpimi (extreme) an tamtuk ve caah an ithen thluahmah rih lai. Poituk ko nain fim chimtu si hram ko seh. CDF-Mara thawng chin seh.

CDF a vun pot kaa ahkhan MA (AA sin training kaimi) le CDF-Mara/ MPC tiah an rak um. MA cu support tu mipi an rak ngei lo caah fund an ngei lo. CDF-Mara/MPC tu cu CDF min an hman caah Mara lawng si loin Chinmi pengtlang dang zong nih pumpak in an rak dirhkamh cio hna. Fund an vun ngah bakin an firkhutnak an vun chuah i, MDF min in bukhat ah an ifonh i Chinmi doh dingah an dir deih ko.

Cheukhat (Thantlang peng deuh ah a ummi) nih MDF cu an pom ve lo caah CDF min in nihin tiang an dir ve. A fiangmi cu MDF min in cun zei tik hmanh ah an ifonh kho ti lai lo. Ka chim duhmi cu MDF an rak si hlan i mipi phaisa te kha tu ahcun mipi thahnak phaisa ah aa chuah diam ko. Na chimmi hi mipi nih an fiang chin thluahmah ko cang lai i CNF lawngah fund an pek cio te lai. CNF thawnnak tu ah an cang te ko lai.

Ralhrang doh ding kan ti caantha i lak riangmang i mahle khuaram cio phung kan i ser hna tu ah cun kan i kap taktak hoi cang hihi dakaw kan si cuh kawlrawn lei zg an mah le mah an i kap cang. Kan nih Chin a dang phu zong a rem lo mi kan tam len rih lai phan a um ko. CNA hruai nak tang teah khan siseh law cu lam a rak tluang ngai hnga nang ee kei ee ti um hnga lo.

Kawl ralhrang kap lo in mah miphun a simi kaw ralhrang a do mi a kap mi cu zoh ti bak lo ding an si. Kan miphun ning in tan i a ci hmih zok an hau. MAH, Kawl ralhrang phu hmanh kah hmasa loin mah miphun khat hna kah hmasa cu thin an khenh ngai.

Ci hmih ding hrimhrim an si Atu kan nih USA um mi zong Akan do taktak lio asi cu $100 c kan tawh hmasa hna I Koika ah kan tangka aum dih zong an theih lo $1000 tawh than ding asi I kan thaw cio duh ti lo CDF mara kan vun dir I Akan do tuk ning hi Amak.

Kawl ralhrang kut in kan thih hmanh a poi tuk ai ee kan ti lio ah hi bantuk mah le mah i tuk doh nak thawng theih cu lung a fak hring hran ko ee. A thi cang mi caah kan ngaih a chia tuk ee. A tu lio ii hi bantuk thawng rel hi cu a poi bak . Miphun dang nih nehsawh awk in. Thawng dik thawng fiang a si ah cun a poi bak ko lai.

FB cung i a phanmi thilcang tete zoh tikah AA asiloah Rakhine nih hin Chinmi kan lung ai rual lo hi caanttha ah i laak in tthencheu a kan zuam ve ko rua. Paletwa le Rakhine ram i a ummi Khumi hi Chin ah telh lo in Khumi timi a dang te in an langhter ttheu. Tahchunnak ah ralzaam kong an ttial tikah Khumi le Chinmi tibantuk in Rakhine news nih an langhter tawn.

Rakhine ram chung i a ummi Asho Chin karlak zong ah i Kah lonak a karh ziahmah mi a lo ve. An min hnu i Chin timi khi hloh i Asho timi identity thar ser ai timmi group an um ve a lang. Mara Army hi AA nih a train hna ti a si. CNF/A he ttan ai timmi Atu tiang cu an lo lo. Paletwa le Chinram peng dang karlak bak i a ummi an si tikah Chin Ramkulh chung hriamtlai cawlcanghnak ah a biapi ngaihnak hmun ah a ummi an si.

Hi thil tete hi AA le Rakhine miphun cawlcanghnak he ai pehtlai kho men, pehtlai lo kho men. Nain thil a cangmi tete le an cannak hmunhma zoh tik ah AA hi an bia cu ngaih a nuam nain Chinmi caah saduhthah ttha a ngei lai ti cu zumh a har ko.