Hakha Car Gate pawng ah Mawtaw cangsual nak in mual a kan liam tak

Breaking News: Hakha, Mie peng, Cinkhua khuami Hakha khuasa Pu Hleih Nawn nih tu zing suimilam 11:00 tluk hrawngah Hakha Car Gate pawng ah Mawtaw cangsual nak in mual a kan liam tak. “Thil um tu ning cu hi ti hin a si, lamkam ah mawtaw a dir ter i amah cu a zun a zung i cu ti cun mawtaw nih cun a nenh cu a si, mawtaw hnu lei hin mi pakhat khat nih nam hna seh law a dawh tiah, mipakhat nih Chin Post ah a chim.” Credit: Chin Post

Relchap, Indianapolis Chin Nu hna nih CDM caah Thazang an Chuah. Indianapolis khuasa Chin miphun hi Pathian thawngin kan tam zumhnak kong ah a si ahcun hmunkhat i fun hi a fawi lo, zei catiah kan zumh mi i khat ko hmanh seh law kan pomning phundang deuh cio in an si kho. Sihmanhsehlaw tutan ralkap ruangah kan ramnih fahnak a in tikah hin Indianapolis Chin nu hna kan zumhnak nih a kan then ti lo.

Kan Khrihfabu sinak aa dang cio mi zong nih a kan dawn lo. Hmunkhat ah kan riantuan mi chung tein Bawipa thluachuah kan don mi tete cio kan vun funtom hna i kan miphun hawi, kan laihritlai hna caah kan pekchanh cio. ▪️Cheukhat chungkhar cu a nu nih a dang tein a pek i an fanu nih a dang tein a pe ve mi kan hawi le zong kan hmuh hna tikah harsatnak kan tonmi lakah lunghmuihnak mitthli a luang.

Aa telcia mi nu dihlak 200 dengmang kan si. Aa tel rih lo mi zong kan in sawm hna. Kan u nau laihritlai kawlram ummi tanpi an herh caan hi tu bantuk caan te hi a si ko. Thisen in tialmi ram luatnak tuanbia ah nang na bau ding cu kan in siang hna lo.

Kawlram lei kan u nau pawl nan thachia hlah uh. Nanmah sinah nan tuarmi taksa in kan tuar ve lo nain kan thinlung dihlak in kan in tuarpi hna, kan nun kan in hromh hna. Bawipa nih damnak kan pe seh, kanmah rawl kan ei ko ahcun nan rawltam ter kan in siang hna lo. Teinak kan hmuh hlan tiang thachia lo tein rak tang u law nanmah leiah kan dir ve ko. Kan ti khawhnak zawn, kan ti khawh ningin hi ral hi kan do ti hna lai.

CDM felfai tein a tuahtu kan u, kan nau hna ram dawtu nan si. UPat nak kan in pek hna. CDM a tuah rih lo mi kan u le kan nau hna zong fak piin khua kan ruah piak uh tiah kan in sawm hna. Nangmah pakhat kha kan ram nih an herh tuk. Tutiang nu hna nih kan thawh mi hi $12,000 a si cang. Yangon, Nepyidaw, Hakha le Thantlang ah voikhatnak kuat an si cang. Mandalay le Kalaymyo ah kuat colh an si ve lai. A herh biknak zawn zoh in kan u nau hna zuanhnawh nan si lai. Credit: Sailo Nu