Hakha Caah Thawngpang Tha Taktak A Si Cang!
Febuary 7 Thawkin Kalaymyo Thil Phor Motor Chuahluh A Ngah Cang Lai!
================
Thawngpang tha, February ni 7 in cun Kalay- Falam, Hakha, Thangtlang tbt; thilphor motor luh chuah angah cang lai , Kalaymyo ah covid zawtnak ngeitu an karh chin lengmang caah khual tlawng phortu motor lawng siloin thilri phortu motor hna zong an phihkhamnak hi zarhkhat lengkai a si cang.
Sehmanhsehlaw Febuary 7 in cun thilri phortu motor ngan ke (12) pawl cu chuahluh a ngah cang lai tiah theih a si.
Asinain driver le a zultu hna cu covid zawtnak ngei le ngei lo checkup tuah hnu lawngah Negative an si lawngah kalter an si lai. Khual tlawngmi phortu motor dang tibantuk cu chuahluh a ngah rih lo tiah theih a si tiah Zalen nih a tial.
Tuanbia bantuk in kawl ram chungah a cang mi Ralkhel buianak cu ramkhel in phisin daihter khawh nak caah Democracy lam he aa khat in phisin a si lai. Sing Ya Tuh rampi ni zong caan fate tuahkahwh lonak dir hmun a phan i,A zungzal daihnak caah ceihhmai a herh nak kong zong hlangcung mi hriamtlai (EAOs) sinah Nah Sah Kah Council hruaitu Min Aung Hlaing nih ca a kuat hna tiahtheihter langhter nak a tuah.
Nah Sah Kah hraitu Min Aung Hliang nih Kum fate kumthar nawlchuah ah a rak chim cia bantuk im Kum 2022 cu Sing Ya Tuh rampi ni a si mi he khat in daihnak lam thar pawl cu, Kal hramthawk a si cang lai caah Kokek minung thazaang sungh lo ding in ceihhmai a rak si cang bantuk in riantuan, tunavo aherh tiah February ni 6 ah langter theihter nak cathanh a chuah.
Mah cathanh chuah nak ah kum 75 leng chung rauh a si mi ramchung hriamnam kahdohnak buainak pawl cu minthut daihter a rak si cang i, sungh cia a si mi mipi thazaang pawl cu, Theihthiam tuarthiam in ataang mi thazaang, thinlung thazaang hna in rampi thanchonak caah hman aherh nak kong zong a langhter chap. Ramkhel party hna zong nih, Kuk 5 chungah Democracy le Federal hrambunh a si mi Rampi thnchonak caah i ceihhmai a rak si cang caah mah lam cungah phakter dingin ti zong in Min Aung Hliang nih a langhter.
A bikin ralhrang phu pawl in langhter a si mi phu pawng pawng si loin Tlangcungmi hiamtlai phu pawl zapi cu NCA minthut ah siseh, minthu lo a si ah February ni 12 ah tuah hnga ding rampi ni ah, Kai ding tel ve ding aherh nak kong zong a langhter chap. Mah tuah hnga ding ceihhmainak meeting cu kai hngading caan cu hlanah kan rak ceih cia mi caan he aakhat lo i pungsan thar.
Ceihhmainak in khirhthan kankuat um loin zalawng tein ceihmaih khawh ding in theihter aherh ti zong in a chim. A bikin ahlan tonbiaruhnak ceih hnga ding akonglam cu chimcia theiter cia a si. Zalonnak lei ah zaangder nak a umnak kong, a tu tonbiaruahnak ah cun zeihmanh chim cia loin, zei a konglam hmanh theihter hau loin mah le mah saduhthah ningin ceihhmai a si lai ti zongin a chim.
Nah Sah Kah nih aa timh mi cu rampi ah zalon nuamtein chimrel khawh nak, Tirawl riahcaw tlamtling tein khawn khawh nak, ralkhel timtuah nak zongin a tlingmi adik mi party democracy, A fehnak hnga ding lam le fereral hrambunh a si mi rampi sersiam khawh nak zong hi a si ti zongin a chim. Cu ruang ah Sing Ya Tuh rampi ni cu Tlangcung mi EAOs hna nih caan hman tein kai in Zalong tein ceihhmai a si nak kong cu Nah Sah Kah lei nih cathanh an chuah. Mah cathanh chuah nak in zungzal daihnak cu a herh mi pawl caah khirhmi dohlhalh mi um loin ceihkhawh nak pawl pek a si lai ti zong a langhter.
