Ayadaw Khuapi Ah Hram Hram SAC Lut Ding In Mino Khawmhsuat Tu Khuabawi Pa An Kah Thah. Sagaing ramṭhen, Ayadaw khuapi chungah hram hram SAC lut dingin mino khawhsuat tu Khuabawi pa Aung Kye cu mipi ralkap nih an kah thah tiah Danger Force LPDF sin in kan theih.
2024, April 9 zing suimilam 8:45 tluk ah Ayadaw khuapi No. 1 khuabawi pa Aung Kye cu lakphak chawdawr in inn lei a ṭin pah ah SIG meithal 2 in an kah thah tiah theih a si.
Khuabawi pa Aung Kye hi SAC ralhrang Sah-Khah-Tah 10 ah captain dirhmun in rianṭuan mi a si pinah Ayadaw khuapi No.1 ah khuabawi rian zong a ṭuan chih rih. Khuapi chung tualchung mino 15 cu hram hram SAC ralhrang lut ding ah a khawmhsuat tu hna zong a si tiah an langhter.
Kahdohnak tuahtu hriamtlai phufonh hna cu Danger Force LPDF, Ayadaw peng LPDF Ṭetkhuai 2 le Monywa pengkomh Pah-Kah-Phah ṭangṭi phufonh hna an si tiah kan theih. Lungmili Post
Thawngpang dang: Thil sining cu, a luancia April 5 ah khan SAC ralhraang hna nih hin Vaphai khua i hmun a khuar mi PDF hna sakhaan cu kah ding ah rallam an rak sial i lampi an ton pah mi poah poah an tlaih hna hnu ah Tlangzawl khua i inn 2 chung ah an khumh hna.cuti an tlaih mi hna cu chun slm 2:00 tluk ah an thlah hna hna nain Tlangzawl khuami 5 cu an thil phur tu ding ah an kalpi hna.
Cu 5 lak ah cun lung zawtnak a ngei mi Pu Tluang Tim Zam zong aa tel ve i a ttih tuk hna caah a zaam.a tlik lio ah SAC ralhraang pakhat nih a hnu lei in a kah i a tlu,a tluk nak in a hun thawh zawn ah a dang SAC ralhraang 2 nih an kah than tiah theih a si.cu ni ah cun a tangmi minung 4 cu an tlah than hna tiah theih a si.
April 6 ah a ruak cu hmuh a si i,a ruak laak ah a kal mi hna cu SAC nih an kah hna caah an kir than i a zaanlei sang ah khuami hna nih muka in a ruak cu an zual i a rannak in an tlikpi tiah theih a si. Cu tin a ruak cu Du-Wai-Chaung thlan an an vui colh.Crd:CBN News