Good News!! Ramdang in a rak tlungmi an buaicem mi Bawmhchanh khawhnak lam a um!!

Ramdang in a rak tlungmi an buaicem mi Bawmhchanh khawhnak lam a um
==================================
USA Ramchung um mi le Ramdang um mi hna caah India ram lei in Khualei tlunkal na duh ah cun zeitik can poh ah Bawmhchanh khawh na si.
USA / Australia / Canada/ Norway/ Denmark a dangdang in a rak tlungmi nih Flight ah nan thil a tling lo mi le a tang timi thawng kan rak theih poi kan ti ngai, a hlan kan in a tan lo nak hnga ding chimh khawh nan si.

1. US in India (Delhi) na tlun tik ah vanlawng ah na thil tling lo mi a tang mi kongah, tluang tein Delhi na phakpi khawh nak dingah bawmhchanh khawh na si.

2. India ah chungkhat a ngei lo mi le, tlunkal nak kongah ai harh deuh mi caah bawmh khawh na si.

3. Delhi in Aizawl lei na tlun tik zongah US in thil nai phurh mi a tam tuk zongah a phurh ning a tlawmnak bik in bawmhchanh khawh na si.

4. US in na Visa thlakhat ca lawng an in pek I, thlahnih na caam sual zongah thinphan awk a um loh bawmhchanh khawh thiam na si.
Delhi lei in khualei tlunkal na duh phawt ah cun zeihmanh thinphang hlah a zeizong tein kan rak in tawlrel dih hna lai. Contact No-919560334589, Crd-Elvis Lian

Myanmar Ram Pumpi Huap In Nikhat Chung Ah SAC Ralkap Chungtel Minung 71 An Thi, Myanmar ramchung ram pumpi huap in November 18, nikhat chung ah theih khawhtawk cazin ning in SAC ralkap chungtel minung 71 an thi tiah tualchung hriamtlai phu hna nih cathanh an chuah.

November 18, nikhat chung kahdohnak ah Magway ramṭhen Myaing in SAC ralkap 7 le Pakokku in 20 an thi, Sagaing ramṭhen Myinmu ah 4, Chaung U ah 5, Mandalay ramṭhen Myinchain ah 15, Yangon ramṭhen Khayan ah 1, Karenni ramkulh Demoso ah 3, Shan ramkulh Lashio ah 16 tiin nikhat chung ah SAC ralkap 71 an thi. Sagaing ramṭhen Khin U in tualchung hriamtlai PDF leiin minung 2 an nunnak a liam ve tiah theih a si.

Falam Christian Minister Fellowship Cathanh, Falam Christian Minister Fellowship Cathanh, East Lairam, Falam khuapi Falam Christian Minister Fellowship nih cun Falam khuachung le Khrihfabu kip sinah a tanglei bantukin nawlnak a tuah.

FCMF EC meeting nih biachahnak a ngeih mi cu kum 2022 Christmas le kum 2023 kumthar Program hman ning kongkau ah a tanglei langtermi bantukin Falam khuachung Khrihfabu kip zate le chungkhar kip nih zulh cio dingin FCMF nih nawlnak an tuah.

Khrihfabu kip nih lenglei ah thawngthei lo dingin Pathian thangthatnak le rawldumnak tuah khawh dingcun hman ding. Biakinn tamhnak ( decoration) cu biakinn chung lawngah tuah ding, biakinn lenglei tamh lo ding. Pumpak inn ngeitu zong nih lenglei inn tamh lo ding, khuachung kip ah tamhnak tuah lo ding. Carolling tuah in vah lo ding. Sweet December lawmhnak zaantim Program le kumthar hngahnak Midnight Service tuah lo ding.

Tayatchaung Peng Ah Vanlawng Khalh Cawnnak Ah An Hmanmi Vanlawng Pakhat A Tla, A Thimi An Umlo, Taningtharyi ramṭhen, Tayatchaung peng ah nihin November 19, zinglei ah SAC ralkap nih vanlawng khalh cawnnak ah an hmanmi vanlawng pakhat a tla, asinain vanlawng khaltu le a hnuzultu bel a thi mi an um lo tiah tualchung mi hna nih an chim.

Nihin, November 19 zinglei suimilam 10:00 ah Htawai pengkomh Tayatchaung peng Kyauizat(ကျွဲဇပ်) khua le Chaungwapin(ချောင်း ၀ ပြင်) khua kar ah vanlawng pakhat leikuang lak ah a tla, a tlami vanlawng cu cawnnak ah hmanmi vanlawng phun a si tiah theih a si.

SAC Ralkap Sakhan Cu KNDF Nih Sniper In An Kahdoh Hna Caah SAC Ralkap 5 An Thi, Karenni ramkulh Hparuso le Demoso peng ah ummi SAC ralkap sakhan hna cu KNDF nih sniper hmang in an kahdoh hna caah SAC ralkap 5 an thi tiah theih a si. Nizaan November 18, chunhnu suimilam 1:00 hrawng ah Hparuso khah-mah-yiah 428 in SAC ralkap hna cu Karenni ralkap KNDF battalion 4 nih sniper hmang in an va kahdoh hna i SAC ralkap 3 an thi tiah KNDF/ battalion 4 nih nihin November 19 ah cathanh an chuah.

Cun November 17, ah Demoso peng ni tlaklei ah ummi Sinmataung SAC ralkap sakhan cu KNDF battalion 7, battalion 1 le battalion 9 phuthum fonh nih an kalhnawh hna i an va kah hna caah kaphnih kar kahdohnak caan tlawmpal a chuak i SAC ralkap minung 2 an thi tiah KNDF battalion 7 nih fehternak an tuah tiah theih a si.

SAC Nih KIA Le AA Telh In Tlangcung Hriamtlai Chungtel Minung 41 Luatnak An Pek Hna, KIA, AA, RCSS/SSA le KNU chungtel simi minung 41 cu thongtla dirhmun in luatnak kan pek hna tiah SAC ralkap nih thawng thanhnak an tuah tiah theih a si.

KIA, AA le KNU phu hna cu SAC ralkap he kan hnu hrawng ah kaphnih kar kahdohnak fak ngaiin a tuahmi tlangcung hriamtlai phu an si.
A luancia thla chung ah KIA nih puai an tuahnak hmunah SAC ralkap nih van lei kahdohnak a tuah caah SAC ralkap cungah lehrulh chamnak kan tuah hrimhrim lai tiah tlangcung hriamtlai phu hna nih fak ngai in ralrin peknak an rak tuah.

RCSS/SSA phu hna cu SAC ralkap he daihnak sernak ding ah biaruahnak a ngei mi phu an si tiah theih a si. SAC ralkap hna nih thongtla luatnak a pekmi hna chung ah KIA chungtel 17, AA in 17, RCSS/SSA in 5 le KNU in 2 tiin an dihlak ah 41 an i tel.