Good News; Mipi Nih Theih Lai Kan I Ngaih Bik Mi Thawngpang Tha Kan Vun Thanh Hna!!

Thawngpang Tha Fonh!!
=====================
Sagaing ramṭhen Myinmu peng Hteesaung(ထီး‌ဆောင်းကျေရွာ) khua ah fektak in an dirkmi SAC ralhrang sakhan cu Nohawng 4 zing ah kan lak khawh tiah Zero ပြောက်ကျားတပ်ဖွဲ့ nih thawng an thanh.

Hi Sakhan an lak ah hin SAC ralhrang 15 an thi i a dang cu hliamhma he an zam. Mipi ralkap lei in ralkap 2 hliam an tuar.

Sagaing ramṭhen, Wetlet peng ah rallam a sialmi SAC ralkap cu, February ni 2 chun ah kah an ton caah a thimi le hliamhma pumi an um, tiah Electricity Guerrilla-Wetlet nih cathanh an chuah.

Wetlet ah umhmun a khuarmi SAC ralkap 30 hrawng cu Wetlet khua chaklei ah motor in rallam an sial lioah Konekyi khua pawng ah kan kah hna, tiah an langhter.

“SAC ralkap le Pyusawhti 30 hrawng cu an si lai. Bomb in kan puahhnawh hna hnu ah meithal in kan kah hna i SAC ralkap 5 an thi, 2 hliamhma an pu,” tiah Electricity Guerrilla-Wetlet in chimphuannak nawlngeitu Mon Kyi nih a chim.

SAC ralkap pawl cu lamhruang in kan bawh hna i kan kah hna caah hmai ah kal ngam ti loin Wetlet khua lei ah an kir ṭhan, tiah a chim chap.

Mandalay ramṭhen, Nganzun peng Thakyin khua nitlaklei thlanhmun pawng ah cycle in ralvengtu SAC ralkap pawl cu, bomb in kan puahhnawh hna caah ralkap pakhat telh in 5 an thi, tiah Youth Guerilla Counter Revolution (LPDF) hruaitu nih a chim.

February ni 3 zinglei sml 11:30AM hrawng ah Nganzun peng Thakyi khua ah umhmun khuarmi SAC ralkap cu cycle 5 in ralven ding in an kal i, an kir lei ah bomb in PDF nih an puahhnawh hna hi a si, tiah theih a si.

“Thakyin khua ah umhmun a khuarmi SAC ralkap chung in ralbawi ngan bik a si, tiah kan theih nain bo zeizatdah a si ti cu kan hngal lo. PDF a kan ngiartu le a kan auhnawh lengmangmi pa a si i bomb in kan puahhnawh caah a thi,” tiah Youth Guerilla Counter Revolution (LPDF) in hruaitu nih cun a chim.

SAC ralkap ruak le aa hliammi hna cu Skat motor in an laak hna i SAC ralkap nih duh paoh in meithal an thlah ko nain kanmah lei in a thimi le aa hliammi kan um lo, tiah Youth Guerilla Counter Revolution (LPDF) nih an langhter.

Cu kahdohnak ah Youth Guerilla Counter Revolution (LPDF) le Manshwekyia PDF hna i bawm in an kahdoh hna, tiah theih a si. Sagaing ramṭhen, Kalay khuachung ah SAC kuttang Irrigation zung cu God of Empire phu nih an khangh pin ah lamcawhnak Backhoe pakhat zong an khangh, tiah theih a si.

February ni 3 zan sml 7:45PM ah Irrigation zung cu an khangh i lamcawknak Backhoe pakhat zong an khangh, tiah theih a si. “Zan sml 7:45 ah Irrigation zung cu kan va khangh i, voi 3 tiang kan khangh. Zung chung ah a ummi SAC ralkap cu an tam lo.

Kalay khuachung hmun tampi ah SAC ralkap pawl cu an i ṭhen i, sentari an cawngh hna caah Irrigation zung chung a ummi cu an tam lo. Bomb kan puahmi zong a thang ngaingai, a thimi le aa hliammi kong cu kan thei rih lo,” tiah God of Empire nih an langhter.

God of Empire phu nih Kalay khuachung ah kahdohnak voikhat kan tuah paoh ah kyats sing 3 in sing 4 hrawng kan dih lengmang caah, mizapi nih nan kan bawmhchanh naklai kan in nawl hna, tiah an langhter.

Wetlet Peng Ah Rallam A Sialmi SAC Ralkap Kah An Ton Caah 5 An Thi, Sagaing ramṭhen, Wetlet peng ah rallam a sialmi SAC ralkap cu, February ni 2 chun ah kah an ton caah a thimi le hliamhma pumi an um, tiah Electricity Guerrilla-Wetlet nih cathanh an chuah.

Wetlet ah umhmun a khuarmi SAC ralkap 30 hrawng cu Wetlet khua chaklei ah motor in rallam an sial lioah Konekyi khua pawng ah kan kah hna, tiah an langhter.

“SAC ralkap le Pyusawhti 30 hrawng cu an si lai. Bomb in kan puahhnawh hna hnu ah meithal in kan kah hna i SAC ralkap 5 an thi, 2 hliamhma an pu,” tiah Electricity Guerrilla-Wetlet in chimphuannak nawlngeitu Mon Kyi nih a chim.

SAC ralkap pawl cu lamhruang in kan bawh hna i kan kah hna caah hmai ah kal ngam ti loin Wetlet khua lei ah an kir ṭhan, tiah a chim chap.

Kah a tongmi SAC ralkap le Electricity Guerrilla-Wetle phu kar ah a luancia January ni 22 in 27 tiang Wetlet peng khuate cheukhat ah voi 5 tiang kahdohnak a rak chuak, tiah theih a si.

SAC Ralkap Cohlannak Lamzawh Ding In Sang Khat Ah Minung 10 Cio Chuah Ding Tiah SAC Nih Nawl An Chuah, SAC ralkap cohlannak lamzawh ding in sang khat ah minung 10 cio chuah ding le pengkip ah tuah ding in SAC nih nawl an chuah, tiah theih a si.

SAC nih nawlngeihnak an laak kum 2 tlin camtuak ah, ramkomh kawlram khuapi tam ngai ah daite um in SAC ralkap uk duhlonak rak langhter hnu ah pengkip ah SAC ralkap cohlannak le dirpinak lamzawh ding in SAC nih hramhram in timtuahnak an ngei, tiah theih a si.

“Sang khat minung pakhat nan chuak lai. A chuak duh lomi kyats 5,000 nan thawh lai i, sang khat ah minung 10 thimmi hna an nikhat nihlawh le dih-heu nan rin dih hna lai an kan ti. SAC ralkap cohlannak lamzawh ah a kalmi cu ṭha tein humhimnak kan in laak hna lai an kan ti,” tiah Myaungmya peng tualchung mi pakhat nih a chim.

SAC ralkap cohlannak lamzawhnak ah sang khat minung 10 cio hrelh loin nan chuak lai, tiah SAC nih kawhnak ca an chuahmi Khit Thit Media nih an phozar. Naypyidaw zong ah ralkap cohlan le dirpinak lamzawhtu hna ca ah ralkap le palik nih sentari cawnghnak buk an sial i humhimnak laakpiak ding cazin an chuahmi vialte zong Khit Thit Media nih an phozarpiak hna, tiah theih a si.

Nganzun Peng Ah SAC Ralkap Cu PDF Nih Bomb In An Puahhnawh Hna Caah 5 An Thi, Mandalay ramṭhen, Nganzun peng Thakyin khua nitlaklei thlanhmun pawng ah cycle in ralvengtu SAC ralkap pawl cu, bomb in kan puahhnawh hna caah ralkap pakhat telh in 5 an thi, tiah Youth Guerilla Counter Revolution (LPDF) hruaitu nih a chim.

February ni 3 zinglei sml 11:30AM hrawng ah Nganzun peng Thakyi khua ah umhmun khuarmi SAC ralkap cu cycle 5 in ralven ding in an kal i, an kir lei ah bomb in PDF nih an puahhnawh hna hi a si, tiah theih a si.

“Thakyin khua ah umhmun a khuarmi SAC ralkap chung in ralbawi ngan bik a si, tiah kan theih nain bo zeizatdah a si ti cu kan hngal lo. PDF a kan ngiartu le a kan auhnawh lengmangmi pa a si i bomb in kan puahhnawh caah a thi,” tiah Youth Guerilla Counter Revolution (LPDF) in hruaitu nih cun a chim.

SAC ralkap ruak le aa hliammi hna cu Skat motor in an laak hna i SAC ralkap nih duh paoh in meithal an thlah ko nain kanmah lei in a thimi le aa hliammi kan um lo, tiah Youth Guerilla Counter Revolution (LPDF) nih an langhter.
Cu kahdohnak ah Youth Guerilla Counter Revolution (LPDF) le Manshwekyia PDF hna i bawm in an kahdoh hna, tiah theih a si.

Matupi Fimcawnnak Board Nih 2022 Cacawn Kum Ah Siangngakchia 300 Leng Awng Lehhmah An Pek Hna, Chin ramkulh, Matupi peng ah 2022 cacawn kum, NUG nih hunmi sianginn ah a kaimi siangngakchia le cachimtu saya/mah vialte cu “Matupi Fimcawnnak Board” nih upatnak le awng lehhmah an pek hna, tiah theih a si.

NUG fimcawnnak kuttang, Matupi Peng Fimcawnnak Board nih 2022 cacawn kum ah sianginn a kaimi, sianglairun Grade 8 siangngakchia 300 leng cu sianglairun awng lehhmah kan pek hna, tiah an langhter. Cu pin ah sianglairun siangngakchia cachimtu saya/mah 821 cu upat peknak lehhmah kan chuahpiak hna, tiah Matupi Fimcawnnak Board nih cathanh an chuah.

Vote Cazin Latu Meithattu Pa Thah A Ton Hnu In Tualchung Mi 20 Leng Tlaih An Tong, Yangon ramṭhen, Hlaing peng ah vote cazin latu Lu Aye cu thah a tong, tiah theih a si.

February ni 3 zanlei sml 3:00PM hrawng ah Hlaing peng Zeyarmingalar 2 lam ah vote cazin latu, SAC ralkap thawngpetu meithat phu chungtel Lu Aye cu min hngalh lo phu nih an thah, tiah theih a si.

Thah a ton hnu in Zeyarmingalar 2 lam ah SAC ralkap nih khual cazin an check i tualchung mi 20 leng tlaih an tong, tiah theih a si.

“SAC ralkap thawngpetu Lu Aye thah a ton hnu in SAC ralkap nih, thah a tonnak hmun pawngkam hrawng ah a ummi mino hna le tualchung mi hna cu an tlaih hna. Lakphak dawrngeitupa zong an tlaih,” tiah theih a si. Cu ṭhiamṭhiam in Yangon ramṭhen, Tungkhuah peng Yepawkan khuabawi Kyaw Myo Lin thah a tong, tiah theih a si.

February ni 3 zinglei sml 11:30AM ah Yepawkam khua, khuabawi Kyaw Myo Lin cu a innhmai ah min hngalh lomi hriamtlai nih a paw ah a kah caah a thi, tiah theih a si.

SAC Nih Martial Law An Chuah Hnu Ah God Of Empire Nih Kalay Khuachung Ah A Ummi Irrigation Zung An Khangh, Sagaing ramṭhen, Kalay khuachung ah SAC kuttang Irrigation zung cu God of Empire phu nih an khangh pin ah lamcawhnak Backhoe pakhat zong an khangh, tiah theih a si.

February ni 3 zan sml 7:45PM ah Irrigation zung cu an khangh i lamcawknak Backhoe pakhat zong an khangh, tiah theih a si. “Zan sml 7:45 ah Irrigation zung cu kan va khangh i, voi 3 tiang kan khangh. Zung chung ah a ummi SAC ralkap cu an tam lo.

Kalay khuachung hmun tampi ah SAC ralkap pawl cu an i ṭhen i, sentari an cawngh hna caah Irrigation zung chung a ummi cu an tam lo. Bomb kan puahmi zong a thang ngaingai, a thimi le aa hliammi kong cu kan thei rih lo,” tiah God of Empire nih an langhter.

God of Empire phu nih Kalay khuachung ah kahdohnak voikhat kan tuah paoh ah kyats sing 3 in sing 4 hrawng kan dih lengmang caah, mizapi nih nan kan bawmhchanh naklai kan in nawl hna, tiah an langhter.