Mansi Peng Chung SAC Ralkap Makyingone Byuha Sakhan Cu KIA Nih A Ningpi In An Laak.Kachin ramkulh, Mansi peng chung um SAC ralkap Makyingone Byuha sakhan cu Kachin ralkap KIA nih a ningpi in an laak i hriamnam tam ngai zong an laak, tiah KIA thawng laaknak hrampi nih an chim.
Makyingone Byuha sakhan hi nizan March 3, zanlei suimilam 3:40 ah KIA nih an laak, tiah theih a si.”Mansi peng chung ah a um mi SAC ralkap Makyingone Byuha sakhan cu Kachin ralkap KIA nih zanlei suimilam 2:30 in an kah i zanlei suimilam 3:40 ah a ningpi in an laak khawh. Cu sakhan kahdohnak ah cun hriamngan le hriamhme tam ngai zong an laak khawh,” tiah KIA thawng laaknak hrampi nih cun an chim.
Thawngpang Dang Rak Rel Chih :Kalay-Taingen Motor Lampi Hman Rih Lo Ding In CDF CDM Siyin Nih Mizapi Sin Ah Theihternak An Tuah.Kalaymyo le a kiangkap kahdohnak a fah ruang ah CDF CDM Siyin nih Kalay-Taingen motor lampi cu hman rih lo ding in nizan March 3 ah mizapi sin ah ralrin peknak cathanh an chuah.
Kalay-Taingen motor lampi cung ah phungning lo in a um mi vialte zong cathanh kan chuah ni thawk in i ṭhialkam dih u, nan i ṭhialkam lo ahcun dantat nan si lai, tiah CDF CDM Siyin nih cun an cathanh chuah mi ah an langhter.
A liamcia thla chung ah tualchung hriamtlai ṭangṭi phu nih Taingen sakhan an laak hnu in Kalay-Taingen motor lampi kong ah ṭuanvo a ngeitu CDF CDM Siyin nih caan zeimawzat chung cu Kalay-Taingen lampi ah khualtlawn an awnh lo nain Kalaymyo le a kiangkap ah SAC ralkap le tualchung hriamtlai phu kar kahdohnak a fah ṭhan caah nizan March 3 ni thawk in Kalay-Taingen motor lampi cu an phihkhar ṭhan.Credit : The Chin Post