Raltuknak Tank 2 A Hrawkkho Tu Chin Ralkap Caah NUG Nih Sing 4000 Bawmhnak A Pek
========
2023 July 4 ni ah tuah mi NUG cozah a voi 22nak tonpumhnak ah Chin ralkap caah sing 4000 bawmh ding in biachahnak an tuah hi a si. Aluan cia 2023 April 13 lio ah Chin ralkap tangti phu hna nih Hakha peng Chuncung khua ah SAC ralhrang raltuknak Tank 2 telh in an motor run hna cu an rak hrawh piak dih hna.
Hi thanwgpang kan theih tik ah kan khuaruah a har i kan zaang a tlung ngai. Hi bantuk teinak nganpi a tuah kho tu Chin ralkap tangti phu hna cu upat nak kan in pek hna” tiah NUG Prime Minister U Mann Win Khaing Thann nih a chim.
Atu bantuk in Chin ralkap tangti phu nih SAC ralhrang raltuknak Tank 2 an hrawh mi cu tuanvo ngeitu hna nih a dikthlir tein an zohfel hnu ah laksawng pek dingin hnatlak nak an ngeih hi a si tiah NUG cozah nih an langh ter.
Lawmman laksawng sing 4000 cu CNF/A + CDAs tuanvo ngeitu hna sin ah pekchanhnak tuah a si tiah NUG nih an langh ter chih. Lunglei YMA, Electric sang hruai tu hna nih ṭha te in khua an ruah hnu ah July 2023, thok in ram dang mi phunglam lo in chawlehthal mi hna cu a harh ning in ṭuanvo kan lak hna lai tiah ralrin peknak an tuah.
Lunglei eletric sang tualchung mipi nih hi bantuk thil a tuah tu nan theih a si ahcun theihternak nan kan tuah colhnak lai kan in nawl hna. Cun nan inn a hlang mi hna zong ansi ah hi bantuk thil a tuah ahcun inn ngeitu nih theihternak nan kan tuah lai tiah theihternak an tuah.
Branch Executive Committe (BEC) nih a tu bantuk in timhlamhnak kan tuah mi a ruang cu kan khua kan ram chung himnak ding ah a si tiah Lunglei YMA nih an chim. Cun, ram dang mi dawr ah ra in chawlehthal aa tim mi paoh cu khua chung in ṭhawl an si lai tiah ralrin peknak an tuah.
Sudan ram mipem ralzaam hna umnak Nile peng ah hmaihu zawtnak tlangrai ah ruah mi a chuah ca ah ngakchia minung 13 an thi cang tiah theih asi. Hi zawknak tlangrai a chuaknak a ruang bik cu kahdohnak a tam tuk ca ah a si tiah international medical NGO nih langhternak a tuah.
Ngakchia hmaihu tlangrai in a zaw mi hna hi din-einak lei ah harsatnak an ngeih ruang ah a tu bantuk in an nunnak liam hi a si tiah Doctor Without Borders nih a chim. MSF Sudan nih a langhter ning cun, “Sudan White Nile peng ah hin kahdohnak a chuah hnu ah ralzaam dirhmun in a rak pem mi an karh chin chin cang. Mipem hna khuasaknak camp 9 ah hin mi thong tampi an um hna a bik in ngakchia le nu nau deuh ansi hna tiah an langhter.
June 6 in 27 tiang khan NGO nih ngakchia hmaihu zawtnak hrik a kai mi minung 223 tluk ansi. Hi hna lak ah doctor te nih zohkhanh mi ngakchia minung 13 an thi tiah theih asi. Hmaihu zawtnak hrik a kai mi hna tam deuh hi, cu hlan ah taksa lei ah ngandamlonak/harsatnak a rak ngei cia mi deuh ansi hna tiah an chim.