Good News; Kan Chin pasaltha le caah thawngpang tha taktak theih a si!

CBCUSA An Biathli A Leng
==================================
Hi biathli hi nan theih cia le nan hngalh cia zong a si cang ko lai nain biathli a si caah a voikhat nak bik ah Kawlca in tial piak lo dingin nawl kan duh hmasa hna, Cun a chung ca a rel mi lawnglawng bak nih theih ding, copy laak in mah lei account ah thlah lo ding.Mi pakhat le pakhat sinah pemhter lo ding. CBCUSB nih U.S cozah sinah FBI (Federal Bureau of Investigation) minung pa 2 cu CNA Camp (Camp Victoria) ah thlah piak dingin an nawl hna tiah theih a si.

Cu FBI minung pa 2 hna cu Camp Victoria ah kum 1 chung bak um ding an si tiah theih a si. Cu kumkhat chungah cun CNA kan ralkap hna nih an hmai lei caah ah an mah tein dir kho ve hna seh, an mah teiin hriamnam i chuah kho ve hna seh timi ruahchanhnak he timhlamhnak ngeih hi a si tiah kan theih. CBCUSA zong nih kan Chin ram dohthlennak a tuah tu hna hi, a tu hnu kum 5-10 ah cun a tubantuk in an zohkhenh kho ti hna lai lo timi thawngpang zong a leng.

Cu an nawl nak hna kong he pehtlaiin ” FBI nih Camp Victoria ah va kal in, raltuknak caah hmanmi thilri tibantuk, hriamnam tibantuk, meithal ser tibantuk, bomb ser tibantuk in raltuknak caah hman dingmi thilri pawl cu, a phunphun in kum khat chungah FBI minung pa 2 hna nih cun chimh hna dingin CBCUSA nih U.S cozah sinah an nawl hi a si.

An hmai lei caah an mah tein dir kho ve hna seh. An mah tein hriamnam zong an serchuah kho ve hna seh. An mah kutkee tein dirin an mah kut chuak te hmang kho ve hna seh timi ruahchanhnak he timhlamhnak ngeih hi a si. A tu hnu kum 5 leng in cun CBCUSA zong nih an duh ningin an zohkhenh kho ti hna lai lo” tiah min langhter duh lomi pakhat nih a chim.

Cu pinah FBI minung pa 2 hna cu, Pakhat cu Visa a ngah cang i, Pakhat cu Visa a sungh caah an tang rih lo tiah kan theih. A rauh hlan ah Chin ramkulh, Camp Victoria an phan cang lai ti zongin thawngpang a leng. A tu bantuk mi vawleicung hmanh ah a lar bikmi FBI lei nih an cohlan mi hna zong hi Pathian khuakhan a si.

Cu hna pa 2 cu India ram, Mirozam in kan Chin ramkulh, Camp Victoria lei ah a thli tein a luh ding an si tiah theih a si. Cu thawngpang an thuhnak kong he pehtlaiin, tuan deuh ah khan ramdang lei nih CNA kan ralkap hna cu hriamnam sernak kan rak in cawk piak hna lai tiah an rak ti hna i, kan pa le nih an rak ngamh lo, an rak khirh hna tiah theih a si.

A ruang cu SAC ralhrang pawl nih cu thawngpang an theih sual a si ah cun, Camp Victoria kulh dihin cung lei he tang lei he an phomh lai ti cu theih cia a si bantukin kan Camp an lak sual lai tiah an phan caah a si timi thawngpang zong a leng. Cu bantuk thiamthiam in a tu zongah CBCUSA nih timhlamhnak a ngeih mi hi, SAC ralhrang nih an theih sual a si ah cun a poi ngaingai hnga mi a si.

Cu caah ah a tubantuk in CBCUSA nih timhlamhnak an ngeih mi hi, a tak ah tlam a tlin khawh nak hnga ding caah le ralhrang pawl nih an theih sual nak hnga lo thawngpang thuh i zuam in, CBCUSA riantuantu le tuanvo ngeitu hna ca zongah thlacaam bom cio ko hna usih. Hi bantuk thawngpang theih hi, Chinmi nih kan chunmang le kan zaanmang hmanh ah kan i manh bal lo mi a si i, CBCUSA riantuntu an cungah thlacaam bom ko hna usihlaw,

Kan ti khawh tawk in an damnak hnga ding caah le thlachuah an hmuhnak hnga ding caah Pathian sin tuah thlacaam bom zungzal ko hna usih .CBCUSA, ramdang um Chin miphun vailte le mipi lo cun dohthlennak tuah kan Pasaltha le, an mah lawngin cun a dir kho hnga ding an si lo caah, an ca tuah thlacaam bom ko hna usih.

Tlam a tlin khawh nak hnga ding caah a lamkip in Chinmi mipi vialte nih bomhnak peekin thlacaam bom ko hna usih. Hi thawngpang biathli a lengmi hi a dikmi le a hman mi taktak si hram ko sehlaw, Hi timhlamhnak thawngin kan pasaltha le an mah kutkee tein an dir kho i, an mah serchuah hriamnam te a hmang kho ve mi an si nak hnga thlacaam bom cio ko hna usih.

Note;SAC ralhrang sinah mah bia hi pemhter lo ding!. Khah ti a si le, CBCUSA sinah lomhnak bia a chim duh mi le, hi thawngpang kongah comments peek a duh mi na um sual a si ah cun a tang teah ruahnak le comments peek khawh a si. Na lung a tlin a si ah cun Share te zong rak tuah ve. (FBI kong le an sining cu ka tial ti lai.) Crd-WCN World Chin News

KIA Hriamnam Seh Zung Cu Bomb Thlak Ding In USDP MP Hlun Bullet Hla Shwe Nih SAC A Forh!, Nizan August 17, Naypyidaw ah thawngfianternak tuah lio ah, USDP Party chungtel le MP hlun Bullet Hla Shwe nih atu bantukin KIA hriamnam seh zung cu bomb thlak ding in ralkap cu a forh hna. KIO nih SAC ralkap a dohtu PDF cu hriamnam a pek hna caah KIA seh zung cu bomb thlak ding in timhtuahnak nan ngei maw, tiah Bullet Hla Shwe nih SAC sinah halnak a tuah.

Bullet Hla Shwe biahalnak cu SAC ralkap chimphuannak nawlngeitu Zaw Min Htun nih a let lo nain, KIA nih PDF cu hriamnam an bawmh hna caah KIA cu tapung an si, tiah Zaw Min Htun nih a chim. “Tapung cu tapung in kan hmuh peng cang hna lai. Ralhrang bawmtu KIA cu tapung an si,” tiah Zaw Min Htun nih cun a chim.

PDF An Bawmh Hna Caah KIA Hriamnam Seh Zung Bomb Thlak Ding In Bullet Hla Shwe Nih SAC A Forh: Nizan August 17, Naypyidaw ah thawngfianternak tuah lio ah, USDP Party chungtel le MP hlun Bullet Hla Shwe nih atu bantukin KIA hriamnam seh zung cu bomb thlak ding in ralkap cu a forh hna. KIO nih SAC ralkap a dohtu PDF cu hriamnam a pek hna caah KIA seh zung cu bomb thlak ding in timhtuahnak nan ngei maw, tiah Bullet Hla Shwe nih SAC sinah halnak a tuah.

Bullet Hla Shwe biahalnak cu SAC ralkap chimphuannak nawlngeitu Zaw Min Htun nih a let lo nain, KIA nih PDF cu hriamnam an bawmh hna caah KIA cu tapung an si, tiah Zaw Min Htun nih a chim. “Tapung cu tapung in kan hmuh peng cang hna lai. Ralhrang bawmtu KIA cu tapung an si,” tiah Zaw Min Htun nih cun a chim.

KNU Nih A Uk Penmi Hmunram Chung In Ralzam Minung Sing 3 Le Cheu Leng An Phan! KNU Kawtulay hmunram kahdohnak ruangah ralhrial in a zaammi hi sing 3 le cheu leng an phan cang. Sii-aii le eidin an herh tuk, tiah KNU nih cathanh an chuah.

Kawtulay hmunram chung ah Thahtone pengkomh Brigade 1, Taungngu Brigade 2, Nguanglaypin Brigade 3, Beik- Htarway pengkomh Brigade 4, Mutaw pengkomh Brigade 5 le Du Palaryar pengkomh Brigade 6 hna ah kahdohnak a chuah caah tualchung mi hna cu an zaam dih, tiah theih a si.

Thahtone pengkomh in ralzam 94,000 leng, Taungngu pengkomh in 7,600 hrawng, Nguanglaypin pengkomh in 6,000 hrawng, Mutaw pengkomh in 96,000 leng, Du Palaryar in 90,000 leng an um. An dihlak ah minung 356,000 leng an phan. Min cazin laak khawh lomi ralzam an um rih, tiah KNU nih an langhter.

Ralzam hna nih an herhmi eidin, ngandamnak le humhimnak cu KNU, KNLA le KNDO nih an tawlrelpiak hna i, ṭuanvo an laak hna, tiah theih a si. KNU kuttang KNLA le KNDO cu SAC ralkap he an i tuk lawng siloin, anmah hmunram chung in ral a zammi tualchung mi hna zong an si khawh chung in an zohkhenh, an kilven hna, tiah KNU nih an langhter.

Ralzam mi an tam chin lengmang caah an herhhai tawlrel a har chinchin cang. An herh bikmi cu, eidin tirawl le umnak hmun hi a si. Fur caan a si caah ruahkham angki le umnak thlam khuhnak ding ah plastic muka an herh tuk. Pumpak zong in siseh, bu zong in si seh, sui ngun chawva pek nan duh hna ahcun rak kan pehtlai u, tiah KNU nih cathanh an chuah.

Pale Khua Chung In A Chuak Kho Lo Mi CDM Ralkap 2 Cu PDF Nih An Chanhchuah Khawh Hna. Sagaing ramṭhen, Pale khuachung in a chuak kho lomi CDM ralkap 2 cu nizan August 17 zan sml 8:00 in 9:00 karah PDF nih an va chanh khawh hna, tiah theih a si. Kan va chanh hna lio ah cun SAC ralkap he kan i kap. CDM ralkap 2 cu lam dang in kan kalpi hna i a himnak hmun ah kan va chiah hna, tiah Southern YSO PDF Bo Aye Thaung nih a chim.

“CDM tuah kan duh, tiah ralkap 2 nih an rak kan chawnh caah PDF phu hnih nih kan chanhchuah hna. Atu cu a himnak hmun ah an um cang,” tiah a chim chap. CDM ralkap 2 cu Southern YSO PDF, Pale Battalion 4 hna i bawm in an va chanhchuah hna, tiah theih a si. August 16 lio zong ah Pale khua chung Administrative zung ah umhmun a khuarmi ralkap pawl cu Southern YSO PDF nih hriamngan in an rak kah hna caah ralkap 1 a thi i, 4 sii-inn an rak phan. Credit: The Chin Post