IB 355 Sakhaan Lak Kahdohnak Chung In Hriam Zuun 140 An Lak Khawh.Karen ram, Myawaddy peng, Tin-kan-nyi-naung khuathar um SAC IB 355 sakhaan lak kahdohnak chung ah hriam zuun 140 kan lak khawh tiah KNLA Headquarters nih thawng an thanh.
MOC 12 kuttang IB 355 cu March 7 zinglei sml 10:19am in kah hram an thawk i zaanlei sml 6:45pm hrawng ah KNLA Brigade 6 hruainak in dothlennak phu pawl nih an lak khawh hi a si.Sakhaan lak kahdohnak chung ah kaphnih lei a thi mi dirhmun KNLA nih an thanh lo.
Asinain IB 355 sakhaan lak kahdohnak chung ah SAC lei he, dothlennak phu lei he a thi mi an um tiah thawng kan theih tiah Mizzima nih a langhter.Tin-kan-nyi-naung khuathar telh in Myawaddy peng chung um SAC ralkap sakhaan pawl cu KNLA Brigade 6 hruainak in dothlennak phu pawl nih an kah i kaphnih karlak kahdohnak a fah caah SAC nih kahdohnak vanlawng leng ah thilphor vanlawng pawl hmang in Myawaddy peng kiangkap vialte nifatin in bom a thlak.
Tin-kan-nyi-naung le Myawaddy ah a cang mi kahdohnak pawl chung ah IB 355 leng ah Tin-kan-nyi-naung palek sakhaan, SAC nih kum 35 leng hmunhma an rak khuarnak Hpa-lu sakhaan hna cu KNLA Brigade 6 hruainak in dothlennak phu pawl nih an lak.
Up Date :Kalay Peng, Kantha Khua Kahdohnak Ah SAC Ralkap Ruak 3 An Lak Khawh i Meithal Zuun 20 Leng le Kuanzen Tampi An Lak Khawh. Kalay peng, Kantha khua ah a rak lut mi SAC ralkap, pyusawhti le PDF phu pawl karlak, March 10 ah kahdohnak a chuak i SAC ralkap ruak 3 le meithal zuun 20 leng le kuanzen tampi an lak khawh tiah NUG Ministry of Defense nih thawng an thanh.
Thazang 80 hrawng SAC ralkap le pyusawhti phufonh pawl cu February thla chung ah SAC ralkap nih an sungh mi Kantha khua sakhaan la kho ášhan ding in an rak luh caah kaphnih karlak kahdohnak a chuah hi a si.
Kahdohnak chung ah SAC ralkap ruak 3 an lak khawh i meithal zuun 24, kuan 1200, bomrap 2, kuanbawm 24 an lak khawh tiah theih a si.Kantha khua kahdohnak ah Kalay pengkomh battalion pawl, Special force pawl, drone phu pawl, RKDF, HNB, S2UG, EFDF, TCDF, GRF le Kalay peng PDO hna an i bawm tiah theih a si.Credit : The Chinland Post