Hakha Khuapi Chung Kahdohnak Ah Palik Pakhat A Thi
=============
Nizaan Jun 9 zaanlei suimilam 5 – 6 kar hrawngah Hakha khuapi chung, Palik sakhan pawnghrawng ah Chin ralkap le SAC palik/ralkap an i kap i, SAC lei in palik pakhat a thi, tiah theih a si.
Hi kong he pehtlai in min langhter a duh lomi Hakha khuapi chung um pakhat nih cun, “A thimi palik pa hi Laimi a si i, Tiphul khuami Pu Hniang Bik a si an ti,” tiah The Chin Post ah a chim.
Sagaing ramṭhen, Myinmu peng, Tawchaung khua palek sakhaan cu PDF phu pawl nih an kah hna i sakhaan bawizik telh in ralkap le palek 9 an thi tiah Black Eagle Defense Force – MMU nih an thanh.
June 6 zinglei sml 2:15am hrawng ah Myinmu peng, Tawchaung khua ah a um mi palek sakhaan cu PDF phufonh pawl nih vanlei, vawlei lei, Drone, hriamngan le meithal hna hmang in an kah hna tiah theih a si. Kahdohnak chung ah SAC lei in sakhaan bawizik telh in ralkap le palek 9 an thi, 5 fak pi in an i hliam. PDF phufonh lei 2 fak tuk lo in an i hliam tiah theih a si.
Sagaing ramṭhen, Myinmu peng, Tawchaung khua palek sakhaan cu PDF phu pawl nih an kah hna i sakhaan bawizik telh in ralkap le palek 9 an thi tiah Black Eagle Defense Force – MMU nih an thanh.
June 6 zinglei sml 2:15am hrawng ah Myinmu peng, Tawchaung khua ah a um mi palek sakhaan cu PDF phufonh pawl nih vanlei, vawlei lei, Drone, hriamngan le meithal hna hmang in an kah hna tiah theih a si. Kahdohnak chung ah SAC lei in sakhaan bawizik telh in ralkap le palek 9 an thi, 5 fak pi in an i hliam. PDF phufonh lei 2 fak tuk lo in an i hliam tiah theih a si.
Sagaing ramṭhen, Monywa-Mandalay lamcung ah a um mi Nyaungpinwon sakhaan cu PDF phufonh pawl nih an kah hna i sakhaan bawicem telh in palek 7 an thi tiah LPDF nih an thanh.
June 8 zaanlei sml 4:21pm hrawng ah PDF B03, LPDF phu 2 fonh nih palek sakhaan an kah hi a si i Myingyan B07, Zero Guerrilla phu, Kyaukse pengkomh B01, Shwebo B15, Sataungmoekyo, LPDF le Aungthapyay LPDF phufonh hna zong nih kahdohnak an bawmh hna hi a si.
“Kahdohnak chung ah Drone 7 in bom lung 14 kan thlak. Vawlei lei in kahdohnak a tuah mi pawl kan pehtlaih hna tik ah sakhaan bawicem telh in 7 an thi tiah kan theih. Anmah lei nih hriamngan, meithal hna in an kan kah thlorh nain kanmah lei kan him” tiah Kyaukse pengkomh B01 S.B.C nih Khit Thit ah a chim. May 3 zong ah Nyaungpinwon sakhaan cu PDF phufonh pawl nih Drone 5 in bom lung 9 an rak thlak bel cang.