Matupi Peng Ah SAC Ralkap Kuttang Um Palik Bawi Kan Tlaih Tiah CDF-Matupi Nih An Thanh!
===========
Chin ramkulh, Matupi peng ah SAC ralkap kuttang um palik bawi, Chain May Aung cu July 26 ah raltuk timhlamhnak kan ngeihnak hmun pakhat ah meithal le kuanfang hna he kan tlaih, tiah Chin tualchung hriamtlai phu CDF-Matupi nih nihin July 28 ah cathanh an chuah. Chin ramkulh, Matupi pengchung ah SAC ralhrang kuttang palik bawi Police Second lieutenant Chan Myat Aung cu July 26 ah hriamnan he kan tlaih, tiah CDF- Matupi nih cathanh an chuah.
July 26, zaanlei suimilam 3:30 hrawng, Matupi-Hakha lampi Hpanaing khua le Matupi pengkomh zung kar ah raltu ding in timhtuahnak kan ngeih lio ah SAC kuttang um palik bawi Chain May Aung cu pistol pakhat, kutcheh bomb lung hnih le kuan zun 58 he kan tlaih, tiah an thanhmi ahcun an langhter.
Matupi-Hakha lampi um Hpaning khua le Matupi pengkomh zung karlak hmunhma pakhat ah July 26, zanlei suimilam 3:30 ah CDF-Matupi nih raltu ding in (operation)check nak kan tuah lio ah Pistol meithal 1, kut cheh bom 2, kuan fang 58 he Matupi peng Police Second lieutenant Chan Myat Aung cu kan tlaih tiah July 28 ah cathanh an chuah. Hi check nak an tuahnak ah CDF- Matupi in hliam a tuarmi um lo in hnulei kan tolh kho ṭhan, tiah CDF-Matupi nih cathanh an chuahmi ah an langhter.
Chin ramkulh, Matupi pengchung ah SAC ralhrang kuttang palik bawi (Deputy Superintendent of Police) 1 cu July 26 ah hriamthil hna he kan tlaih, tiah Chinland Defense Force-Matupi nih cathanh an chuah.
Matupi-Hakha lampi um Hpanine khua le Matupi pengkomh zung karlak hmunhma pakhat ah July 26, zanlei suimilam 3:30 tluk ah CDF-Matupi nih check naak an tuah lio ah Pistol meithal 1, kut cheh bomb 2, kuan fang 58 he Matupi peng palik sakhan uktu pa 2nak bawi simi (Deputy Superintendent of Police) Chan Myae Aung cu atu bantuk in an tlaih hi a si, tiah kan theih. Hi check naak an tuahnak ah Chinland Defense Force-Matupi in hliam a tuarmi um lo in hnulei kan tolh kho ṭhan, tiah CDF-Matupi nih cathanh an chuahmi ah an langhter.
Chin Ramkulh Thlanglei Ni 10 Chung Kahdohnak Ah SAC Ralhrang 50 Tluk An Thi. Chin ramkulh thlanglei hmunram ah SAC ralhrang phu 2 ah rallam sial mi hna le Chin ralkap tangti phu kar ni 10 chung kahdohnak ah ralhrang lei 50 tluk an thi i hliamtuar zong an tam tiah CDF-Kanpetlet tuanvo ngeitu Htun Ling Thang nih a chim.
“Rallam sial ralhrang phu 2 chungah a thi mi hi 50 tluk an si cang, hliamtuar zong an tam ngai, hi chungah Bomb puahhnawh nak in 20 nak tlawm lo an thi, kahdohnak ah meithal he Bomb he cun 50 tluk cu an thih lai zumh a si” tiah a cunglei upa nih a chim. Hi kahdohnak ah CDF-Kanpetlet ralkap in minung 2 nunnak a liam i CNA ralkap pakhat le PDF-Minbo Battalion(6) in ralkap pakhat hliam an tuar.
Kanpetlet peng Cindwe (ကျင်ဒွေး) khua ah riahcaw le hriamnam chanh ah a ra mi ralhrang thazaang 300 leng, motor 20 leng hna le Chin ralkap tangti phu kar ah a luan cia July 14 in kahdohnak a ral chuak. Ralhrang hna cu a tu ah Cindwe khua an phak lai nak ah meng 10 tluk lawng aa duh i ni 3 tluk an rau rih lai. Ralhrang thazaang 300 a ra mi hna cu July 24 zanlei suimilam 5 ah CDF-Mindat le tangti phu nih an kah hna caah ralhrang 3 an thi.
July 25 zinglei ah Nat-sin-kon (နတ်စင်ကုန်း) pawng ah kahdohnak a chuak than i ralhrang lei a thi mi le hliam tuar an um. CDF-Kanpetlet ralkap pakhat hliam fak lo a tuar tiah CDF-Kanpetlet nih July 26 ah an langhter. Mah pin ah Kanpetlet khua lei ah ralhrang thazaang thlen dingin a ra mi ralhrang 100 leng hna zong an rat pah lampi ah Chin ralkap hna nih an kah than hna.
Chin-Magway (မကွေး) ramri humhak dingin a ra mi ralhrang hna zong July 24 ni ah Chin ralkap tangti phu hna nih hmun 2 ah bawh in an rak kah hna caah ralhrang 20 an thi i hliamtuar mi zong an tam. Chin ralkap tangti phu in minung 9 hliam an tuar tiah NUG nih July 26 ah an langhter.
Aluan cia July 16 kahdohnak ah ralhrang 6 an thi, July 18 Masatui (မဆာတွီ) khua pawng kahdohnak ah ralhrang 8 an thi, raltuknak vanlawng 5 nih voi 20 tluk a vun bawmh hna i Masatui (မဆာတွီ) khua Biakinn telh in inn 7 a rak rawk. Chin-Magway (မကွေး) ramri um mipi 3000 renglo cu inn le lo chuahtak in ral an zam caah sii-ai, eidin le caan karlak umnak inn Muka zong an herh lio a si tiah kan theih.
Saw Peng Ah CDF, PDF Ṭangṭi Phu Nih SAC Ralhrang An Kah Hna Caah 4 An Thi. Magway ramṭhen, Saw peng, Kanchaung khua pawng ah kahdohnak a chuak i SAC ralhrang 4 an thi, tiah NUG runvennak vuanci nih thawngthanhnak a tuah.
July 26, chun suimilam 12:00 renglo ah Gangaw pengkomh, Saw peng Kanchaung khua pawng ah SAC ralhrang nih thazaang 130 hrawng in rallam an rak sial caah mipi ralkap (PDF) Gangaw pengkomh No. 3,5,8,13 Battalion, CDF-Mindat, CDF-Kanpalet, Saw-PDF (YRPA), YDF-Saw ṭangṭi phufonh hna nih an kah doh hna, tiah NUG nih a langhter.
Kahdohnak ah SAC ralhrang 4 an thi pinah hliam a pumi zong an um. Kahdohnak cu zanlei suimilam 3:00 renglo tluk tiang a chuak i ṭangṭi phufonh hna cu nunnak liammi le hliamhma tuarmi umlo in hnulei an tolh kho ṭhan, tiah a langhter chih.
Kyats 20,000 Ca Chuah Timh Mi Cu NUG Cozah Nih An Cohlang Lo. SAC ralhrang cozah kuttang Center Bank nih tuthla July 31 ah Kyats 20,000 ca kan chuah lai tiah July 23 nih ah thawngthanh nak an rak tuah mi cu phungning lo in chuah mi thil a si caah kan cohlang lo tiah Ministry of Planning, Finance and Investment-NUG nih July 27 nih thanhca an chuah.
SAC ralhrang nih mipi cungah zeirel lo in caan sau deuh uknak tlaih khawhnak ding le lainawnnak zong pehzulh in an tuah khawhnak hnga ding caah bawmchan tu tangka lei herhbau mi cu phihkhar nak ding caah a tubantuk in Kyats 20,000 ca chuah an timh mi a si.
Phungning lo uknak la tu SAC ralhrang si hna seh, an mah he aa pehtlai mi phu siseh, an mah kuttang ah riantuan tu vialte hna le tangka thar a chuak ding mi hna cu phungning lo in serchuah mi thil a si.
Hi tangka chuahnak ruangah tangka man a ngeih lai lo pin ah mipi hna riantuan mi le an thlenti man cu kamkhat lei in rakfir piak bantuk a si. Cucaah SAC ralhrang nih mipi cungah harnak le fahnak tamtuk an kan pek cang pin ah a tu ah harnak an kan pek rih ding mi cu cohlan khawh ding thil a si lo.
Cucaah SAC ralhrang kuttang Center Bank nih chuah ding Kyats 20,000 ca cu NUG cozah nih kan cohlan lo piin phungning lo in chuah mi tangka a si tiah NUG cozah nih mipi sin ah thawngthanh nak a tuah.