Germany President Nih Russian President Putin Sinah Zei bia dah a chim cang!

Ukaraine Le Russia Buainak Kongah Germany President Nih Putin Cu Zangfah A Nawl
============
Ukraine le Russia buianak kong Russia President Walter Steimeier nih cun Russia president Putin cu Europe ah kahdohnak si loin remnak tuah dingin zangfah a nawl.

Ukraine le Russia ram buainak ah Germany president Walter Steimeier cun Russia president Putin cu Europe ah doawknak si loin remnak tuahtu si sawn dingah zangfah a dil. February 13, zarhpi ni ah Germany hlutdaw meeting an nei ih, cumi ahcun Steinmeier cu kum 5 dang Germany president tuan peh dingin an hril. Cumi hnuah President Steinmeier in Russia president Putin thu a cahmi a si.

Steinmeier cun “Kei cun Russia hnenah dil duhmi ka nei ih, Ukraine an khuahhkhirh ringringmi cu phelh thlang dingah ka simthei duh. Buainak ,khat le khat doawk tumnak siloin remawnak sawn tuah ding kan si ih, remnak tuah duhtu kan hnenah Russia khal tel ve dingin president Putin cu zangfah ka dil duh a si,” tin a sim.

Ukraine le Russia ram buainak cu remnak lam hnakin doawk lam an naih deuhdeuh sawn ih, Russia in Ukraine ramri nor in an do asile US cun Ukraine humhim hngal an tum ve. Cuvek a thleng asile an lamtang ciar ral an tho ve dingih, ralpi vei thumnak khal suak thei a si tin US president Biden cun an sim zo.

Tu ah ,Russia cun Ukraine ramri ih a retmi ralkap ting 1 tlun pawl an kawhkir sal duh lo tlunah ralkap dang a kuat bet ciamco sawn ih, Belarus thawn khalin Ukraine ramri ah raldo zirnak an nei rero. US khalin theitawk in Ukraine kiangkap ah ralkap a kuat rero ve ih, ralthuam khal nasa ten a rak somdawl zo.

Tutiang ahcun remnak an naih lo zetih, khat le khat kap aw thei ringring dinhmun ah an um. Ukraine mipi tam tuk cu “Putin Thi Seh” timi capi kengin an ram sungah lamzawhnak an nei dutdo rero zo. Ukraine cozah khal Russia lamin ramri nor ih in do asile raldo kan man zo tin an sim ve.

Ukraine buainak in vawlei ralpi a chuak kho men tiah American President Joe Biden nih a chim. Russia le Ukraine ramțhen ah a ummi Russia ralkap le American ralkap karlak ah buaibai nak nganpi a chuak kho tiah American President Joe Biden nih ralrinnak a pek hna, American rammi hna Ukraine ram i a ummi an um cun rianrang deuh chuak ding in a fial hna.

Vawleicung ah a țhawngbik mi ralkap bu hna lak ah pakhat a si mi Russia ralkap bu he zuamcawhnak a si lawng hmanh si lo in a ruang dangdang ruang ah a fak deuh mi buaibainak a chuah khawh caah Ukraine i a um mi American rammi hna cu a tubakin Ukraine ram, chuah tak ding a si tiah American President Joe Biden nih NBC zatlang bu he ton biaruahnak ah a chim.

Russia nih Ukraine kha a doh sual hmanh ah Ukraine ram i a ummi American rammi hna chanhchuahnak ding ah ralkap zong ka thlah hna la loh tiah President Biden nih a chim. American ralkap le Russia ralkap karlak kah dohnak a chuah sual hmanh ah American le Russia, rambhnih karlak i kahdohnak lawng si loin vawleipi he aa pehtlaimi vawlei ralpi pakhat a si tiah a chim chap.

US president Joe Biden nih Ukraine le Russia buainak nih hin vawlei cung ralpi a chuah ter khawh men tiah a chim.
Ukraine le Russia ramri ahhin US ralkap le Russia ralkap an i dir onh cang caah zei ti maw in i kahnak chuak sual sehlaw US le Russia ram hnih karlak kahnak men lawng siloin vawlei cung ralpi a tho lai tiah Biden nih a chim.

Vawlei cungah ralkap thazang a tthawng bak ve mi pakhat Russia ralkap an si caah hin cu hlan thilcang dang he ai lo hrim lo. Cucaah cun Ukraine ram ah a um mi American mi dihlak atu a rannak in kir dih u law a ttha tiah NCB sin ahcun a chim. Russia nih hin Ukraine ram hi tu sehlaw nan mah chanh awk ah ralkap kan thlah lai lo tiah a peh.

Ukraine le Russia buainak cu daih ai tim ti lo, a zualhma chin lengmang ko. Tutan buainak hi buainak sawhsawh asi lo caah fawi tein cun thil a kal lai lo, Russia ralkap 70% tluk cu ready an si cang ti asi. Nichuah lei Ukraine mino tampi zong training an Kai cuahmah ve ti a si hoi. Zei asi hmanh ah nuclear puah lai an phan tuk caah tutiang meithal a puak rih lo i asi ko. Zeidah hmailei ahcun an lawh te lai thinphang an si ko.

Zeiruang bik ah dah Russia nih Ukraine tuk aduh? Ukraine cu Russia in pa te asi caah le Soviet Union ram a rak si caah NATO luh ding a sian lo tuk le a tihtuk ruangah a rak si theng lo. Ukraine ah Russian holh a hmangmi (Russian miphun) 15 million (30%) an um i Ukraine tam milu cheuthum cheukhat tluk an si.

Ukraine ramah ralkap bawi tampi le cozah riansang Russian miphun tamtuk nih an tuan, Russia thisen an si bangin tanhnak in an khat. Ningcang loin thil tihnung a um tikah dingtein biaceihnak hmanh kalpi khawh asi ti lo. Ukraine cozah nih a tuah ngam lo i a tuah kho fawn lo tikah NATO ah luh lawngah a ramchung buainak hi an tolrel khawh ding khi asi.

Ukraine cu NATO I a luh ve citcet ahcun Russia caah sunghnak faktuk asi hlei ah tu i Ukraine ram i a ummi Russian miphun pawl athli in Russia ram caah a rak tangmi pawl tampi nih harnak faktuk an ton ding cu a fiang, cheukhat cu thih dah pekmi zong an um len kho. Crimea zong lak than a fawi tuk caah Russia caah cun a ramchung vun tuk bantuk dirhmun tluk deng asi ve.

Cutikah Russia nih ai thawh i Ukraine hi zeitihmanh ah NATO chungtel ah lut hlah seh, tiin a nawr hna. Cucu NATO caah asi kho lomi asi ve, zeicatiah mizeipaoh an lung tho tein NATO chungtel luh a duhmi cohlan siseh timi cu Russia tih ah an phung an hrawk hau ding cu an duh ve naisai lo. Cucaah hi buainak cu Israel le Arab pawl buainak bantuk a dih kho ti lo men! Tih zong a nung kho taktak khi asi.

Ukraine cuh in Russia le NATO ram pawl buainak leiah an panh chin lengmang. Thin a phang pah ziar. Ukraine cu Soviet Union pi a kuai hlan ah chungtel zong a rak si. Ram biapi taktak a si. Asinain a kuai hnuah Ukraine cu amah tein a dir. Caan a kal deuh tikah NATO ram pawl nih a lem lengmang i fonh dengdeng a um cang.

Russia nih Ukraine in Crimea a lak hnu chinchin khan cun NATO ram pawl le Ukraine pehtlaihnak a tha chin lengmang.
Russia a thinphang tuk cang. Hmurka cun a lem khawh ding a si lo caah thazaang bak in lak a timh cang. Cucaah Russia hi aa biatak taktak lio a si.

An karlak cakuat ahcun Russia nih Ukraine hi zungzal in NATO lut kho lo ding in kham u’ a ti hna. Cun Europe in nichuah leiah NATO nih hriamnam le ralkap an chiahmi zong Russia nih lak than ding in a hal hna. NATO ram upa nih press conference ah a chimmi cu “NATO luh a duhmi cu kham phung a si lo. A duhmi poah luh khawh a si” a ti. Kan ralkap le hriamnam kong tu cu ceih dingmi thil an si lo” an ti.

Cucaah NATO leiah aa fonh khawh ahcun Soviet Union kuai thawng pi kha Russia caah cun a thar in a thang than ding a si caah tei a rial kho men. NATO ram pawl nih teh Russia ngamh zat an ngamh lai maw? Zeitin dah an karlak ahbia an thluk te lai timi theih kan duh cio ngaimi a si.

A taktak ni le caan a phanh tik i NATO ram pawl nih an ti te lai tiah ka ruahmi cu: (Hruaitu nem an si caah) Ukraine hi NATO ah kan luhter lai lo. Amah tein a um ko lai. Cucaah nanmah (Russia) zong daite in kir ko ve ko u an ti lai i a dai te men lai tiah ka ruah. A libhsat ruk lio a si i ka ruahnak tawite in.

Biden: Ukraine na tuk ahcun fak taktak in lehrulhnak kan tuah lai! Russia nih Ukraine a tuk ahcun fak taktak in lehrulhnak kan tuah lai tiah US president Biden nih a chim. Russia nih hin Ukraine ramri ahhin a ralkap 150000 lengkai hriamnam tling te he a chiah cang hna. Cu a ralkap vialte cu Ukraine ram i a luh ter hna ahcun vawlei cung thil sining tampi ai thleng kho tiah Biden nih cun a chim.

US nih hin a herh si ahcun kan ralkap le NATO ralkap pawl Ukraine ram i chiah ding ah buainak kan nei lo i, amah Russia president Putin pumpak zong hi fak ngai in phihkharnak kan tuah lai tiah a peh rih. “Russia nih hin Ukraine ram ah amah duh poh in tuah khawh mi cozah dirh a duh” tiah British nih cun a langhter.

Russia nih hin US le NATO ralkap pawl Ukraine ram chung luh ding hi a ttih ngai mi a si. Cun Ukraine nih NATO member sinak a sok mi zong cohlan lo ding in heh tiah a buaipi. Asinain NATO member i cohlan kong ah Russia nih nawl a ngei lo tiah NATO lei ttuanvo ngeitu nih an langhter.

Russia le Ukraine buainak a zual, UK nih a embassy rianttuantu cheukhat a lak cang hna! Russia le Ukraine buainak cu a rak sosa tuk cang, ai kap kho colh dirhmun ah an dir ko cang. Russia nih a hriamnam nganpipi cu Ukraine ramri ah ready tein a dir ter cang hna, Russia hi Ukraine caah cun zeitihman in tei awktha asi lai lo timi cu aa fiang caah NATO nih biatak tein Ukraine cu an dirpi ve.

Denmark, Spain, France le Netherlands nih cun Vanlawng le tilawng Eastern Europe leiah an kuat colh ve i Joe Biden nih ralkap 10,000 tluk kuat dingin timhlamhnak a ngei ve, UK nih Russia i a Embassy pawl cu a auh dih colh ve hna. Nuclear War a chuak sual lai maw timi hi thin dom in mifim tampi nih an cuanh cio lio asi.

Tulio vawlei cung a buaitertu pakhat a si mi Russia le Ukraine buainak a san chin lengmang ruangah UKnih a embassy rianttuantu cheukhat a ram ah a kirter hna tiah Aljajeera nih a ttial. UK nih hin ruah lo piin ral tho kho dirhmun bantuk ah a ruah caah a rianttuantu cheukhat a lak hna nak hi a si.

Russia nih cun Ukraine he an i ramri ah a ralkap nuai 1 bak a chiah cang hna. Cun NATO zong nih vawlei cung raltuknak vanlawng ttha bik zei maw zat le raltuknak tilawng zong blacksea lei ah a kuat ve cang. UK nih hin a ralkap zei maw zat zong tuan deuh pi khan a chiah cang hna. Tutiang ahcun ralkap dang chiahchap cu ai tim rih lo tiah a langhter. Credit: Luther Tin Hre, Chelsea Bawi