Georgia i kut in mee an relmi ah Biden nih a tei maw? Na chim palh sual lai.

Georgia i kut in mee an relmi ah Biden nih a tei maw? Na chim palh sual lai.
Georgia ah kut in mee an rel thanmi ah President Trump nih mee 2,462,857, Joe Biden nih mee 2,475,141 an hmuh tiah thawng an hun thanh tikah media hna nih Biden nih a tei cang tiah thawng an thanh i cu bak cun Biden tanhmi hna cu an bia ki a sang ngaingai. Cutin thawng a thanhtu media pawl, sorry, sorry!!!!!! Hihin a dong cang tiah maw nan ruah? A tanglei ka tialmi hi rel hmanh u!
Georgia ah hin election ni ah rel rih lomi voikhatnak ah mee 2600, voihnihnak ah mee 2700 le cazin chung khumh rih lomi memory stick pathum an hmunh chap than pin ah Georgia state i DeKalb County ah mee an vun fonh cuahmah i a dih lai tee taktak ah mee 9000 kha Biden lei ah fonh an timhmi kha an tlaih manh hna. Hi mee 9000 hi a cung i ka langhtermi total ahcun an fonh manh lo nain zeitlukin dah kut relmi hmanh ah fir an i timh rih ti cu a lang ko. Georgia ah hin kha bantuk aa ningcang lomi ngiathlai ding ah county dangdang ah Trump lei nih an thlahmi hna kha fiang tein hmu kho ding in a naihnak deuh in zoh kha an sianh hna lo ti a si.
Cucaah “Kum 2012 ah Rice University le Clemson University nih hlathlainak an tuahmi ah khan kut in mee relnak ah hin 2% tluk i palh khawh a si an ti. Atu tan ah hin 0.73% lawng palhnak kan hmuh…Cun Biden nih teinak a hmuhmi hi 0.5% nakin a tlawm deuh caah President Trump nih a herh a ti ahcun a kan relter than khawh ko. Kan rel than tikah cun mee vialte hi seh in kan rel (scan) than te lai,” tiah Georgia state i secretary Brad Raffensperger nih a ti. Cucaah Georgia ah hin Trump nih a herh a ti ahcun zeitik caan paoh ah a relter than khawhmi a si ko. Cucaah Georgia ah Biden nih a tei nan timi hi nan i chim sual lai. Rev. Biak Lian Vel
Cherhchanmi: Khrihfa thawngyhanhnak CBN news 11/19/2020 08:44:35 PM

Leave a Reply

Your email address will not be published. Required fields are marked *