General Khin Ngunt hi sianghngakchia thattu order chuahtu si an ti

Myanmar palitiik le Dalan (ralrin awk)
=================
Laimi upa cheukhat le kawlmi ramkhel cuantu nih Kawlram palitiik cu fak ngaimi an rak chim mi um, cucu Ralkap nih aa naa ting ningcang le Mizapi nih Ralkap uknak an duh lo ning hi a si. 1962 ah Ne Win nih aa naa ting, pu Hrang Nawl te pawl Tapung an tho. 1988 ah Than Shwe le Saw Maung nih dictatorship in aa naa ting than. Sianghleiruun le Pi Suh Kyi nih Ralkap cu fak taktak in an doh, Sianghleiruun sianghngakchia minung 350 leng Ralkap nih an thah hna.

1988 Lai sianghleiruun zong hriamtlai (CNA/CNF) hlanbia Tapung an tho, 88 lio ahhin General Khin Ngunt hi sianghngakchia thattu order chuahtu si an ti. 88 lio ahhin tihnung taktak mi cu DALAN timi hi si. Innpa chaktlang maw bawi rem lo mi cu a thli tein report khawh a si i, Saram tluk Ralkap nih an thatmi hi tlawm dawh si lo.
88 cu Khuapi deuh cawlcanghnak si caah khuapi an him lo, sa le ral lak ah khua an sa. A fak taktak mi ram pumpi buaibainak a si.

2007 SR Phungki lamzawhnak hi Kawlram tuanbia ahcun meisei tuksum a si ve,1962-1988 – 2007 kar hi lubo Ralkap uk nak chia emem in a peh mi a si. Kawlmi caah an pastor (Taw per in an biakmi Phungki) pawl ceilak tuksum ngamsam in an thah hna nak saffron Revolution a si. Ralkap uknak chia thlak dingah khuapi tam deuh duhnak langhter a si nain uknak a thlah duh hleilo,Mipi lei cun an him deuh nain Phungki an thah mi a tlawm ve lo.

2017 ah Rakhine ram Rohingya 1 million deng cihmih (genocide) in Buddies le muslin buaibainak cu Ralkap nih action fak taktak in a lak kum si. Nu le hngakchiat hual lo bak in that le nawn, tlaihrem le inn lo vialte a duah kha a si.

2021 Ralkap nih aa naa ting than hoi, Kawlram pumpi ah mee dik lo an ti, Hakha Thantlang hrawng zongah mee dik lo um tiah UEC upa cu an tlaih hna i, Rungtlang ah thlakhat chung mee an check ter hna nain mee dik lo um lo tiah (Pu Nawl Uk) nih a chim kha si. Mee dik lo timi nak in MAH hri thlai a ttih deuh caah si ko ti zong ka tial bal ve.
General Z hruainak in non-violence bak in ram pumpi Civil Disobedience Movement an tuah, khuangzi le Pathian te Zauk phung a thawtnam theihtuk cang hnu ahcun Mino nih dictatorship kuttang um cu an ruat kho tilo. An fimnak le thiamnak, Chanthar IT bak in thlapi thlathum nak an phan cang.

Ralhrang Ralkap nih thazaang hmang in minung 800 dengmang an thah cang hna; Kan hmuh cio bang tuksum meisei an si i, Muslin kalsual ISIS hmanh nih Ralhrang kawl ralkap cu an ttih hna. Ralhrang caah Justices a um lo.Cucu tihnung khun nak a si.

Cucu 88 maw 07 maw 21 kum hi dah a ropui bik le ttihnung bik le zeidah teinak hmuh te lai tiah Palitiik thiam hna nih an cuanhmi cu si, Keicu 1988 le 2007 cu mui depdup chan si caah 2021 hi a ropui bik te lai i, General Z nih CDM in teinak an hmu hrimhrim lai tihi ka zumh peng ko i an tei fawn lai.

Cucaah tulio Kawlram cu Justices um lo, General Khin Ngunt chan M.I chan zong kha ttihnung taktak mi si, Hakha sipuaizii tama pawl cheukhat cu an hawile nih a thlitein MI sinah an leirawi hna i an khuasak a rawk mi an tlawm lo, Tidim lebang cu kalaymyo Thongci thonginn ah aa aihram an rak tlawmlo.

I tulio caan zong hi i ralrin taktak a hau lio can si, Hakha Thantlang hrawng CNA/CNF a surrender mi nih minung zeizatdah a thlitein an report hna i thonginn an rak phah, Sipuaizii tama pawl an mah le mah Thohhlanzii sinah an i report i minung zeizatdah lungretheih vansang au in an rak um.

Cucaah Tulio cu tanhmi ngeih bak loin Miphun ah a khua ah chungkhar ah dawtnak he raltha tein i humzul nak ngeih kan herh lio caan a si. Dr. Sa Sa bia bang Kan chuncaw le zanriah kan i hrawm caan a si hau, kan ngeihmi kan i cheuboh caan a si hau, Lungkhat thinkhat in khua kan khaan tti caan a si hau, Upa in hngakchiat bik tiang kan i kilven caan a si herh.

Dawtmi nu le pa, u le nau hna Myanmar dirhmun nan hmuh ah na nu le pa, na Unau le chungkhat khuami caah nan lungretheih ve maw? Zohhmanh uh! Lam cung mipi hi an dawtmi nupi le fa, nu le pa, pasal le fa le chuah tak zam i inn tin tilo an tam dakaw. Ho dah thaizing kong kan hngal piak ttung hna lo i, an Thaizing kong an i hngal ve tung lo. I Dawt caan si, Caan chiat lio caan a si. Credit: Peng Za Hnin