Federal Ralkap Sernak ka Hmun Ning

Federal Ralkap Sernak ka Hmun Ning
=================
CRPH nih Federal ralkap sernak dingah tlangcung hriamtlai 15 Bu kan ngei cang an ti. SAC nih CRPH Unlawful Association voihnih an thanh cang. Ralkap cu Mipi zawnruahnak zangfahnak angei lo mi an si.MAH nih anaa-ating mi hi 2008 phunghram pomah 40(c) pomah 410 ning a si lo. Pomah 417, 418 anaa alak ii pomah 419 cozah a ser. An mah nih phunghram ah ser ii an mah nih phunghram an buar than mi a si. Thimnak a dik lo ii Mee 10 million fruad an um ti mi hi a dik lo mi a si. Mee a palh mi cu a um ko lai nain Result cu a hman ko lai.

A ruang MO Immigartion Dept Inntaungsuh cazin Up-to date a si lo. NCR ngei lo zongah kum 18 tlin cun mee pek khawh a si. SAC lobby an hlan mi Dr. Ngun le ABM an chim mi hi a dik lo mi a si. NLD party hrawh duh ah le Daw Suh thangchiat an duh caah a si ko. Cun Ralkap a rumnak le an thut dan kal tak an duh lo caah anaa- an ting mi a si ko ti hi ka hmun ning a si. Ralkap nih kumcan sau pi tlangcung miphun kan ci hmih a kan timh lengah ralkap chung ah tlangcung mi a hlein khrihfa a si mi poh cu rangsang an pe duh hna lo tiah vawlei cung pi nih theih an si ko nain Dr. Ngun le ABM nih an nih thei ter duh lo.

Kawlram ah Federal ralkap ser hi thil har tuk a si lai. Kawl ralkap hi ting 4 leng cu an si lai caah Raltuk ding ralkap ting 3 ansi lai tiah ruah damh a si . A dang cu ralkap Medical, engineers le Ti ralkap an si lai. A tu lio ah cun Rampi buai lio a si tikah kawl miphun cu hriam an tlai lo caah hriamtlai mi tlangcung miphun an kan bochan lio a si.

CRPH nih 2008 phunghram kan hrawh an ti,Fedaral Democracy kan ser lai,Tlangcung hriamtlai Lawful Association an thanh cang. Phunghram cozah kan ngei cang an ti.Tlangcung miphun caah a za rih ko tiah ka hmuh ning a si. Phunghram tial tikah Joint Chief of Staff kum 5 chung lawng tuan khawhnak upadi ser a tha. A herh ah cun tlangcung hriamtlai caah bawmkhawhnak lam kawl piak ding a si.

Tlangcung hriamtlai nih an kah hna lo si cun caan sau a buai rih lai. Mipi cu hriamnam ngei mi kan silo caah an kap peng ko hna lai. Ram a rawk chin lai. R2P, UN hna cu an luh zongah caan saupi an rau rih lai. Ramdang nih hriamnam in an tuk si cun Syria ram bantuk in Cozah pahnih le Russia bawm mi Ralkap Bu le NATO bawmh mi Bu hnih in a chuah khawh mi a si.

Ralhrang ralkap an hrangchin lai ii Sandahpiah mi an zor deuh lai, CDM zong a zor kho mi a si. A tu lio te ah cun Federal ralkap ser lo ii CRPH nih tlangcung hriamtlai nan mah le hmun hma cio Ralhrang ralkap tu cang hna uh ti in thawng thanh ding a si ko. Teinak lam tha bik zong a si. Credit: Robert Ling