Federal Democracy Ram An Ser Tak Tak Lai Maw?

Federal Democracy Ram An Ser Tak Tak Lai Maw?

PR Phunglam hi an hman khawh cang hnga Maw? Vuanci le Reng Sang ah tlukruan nak in hma a lak tak tak lai maw? Federal in ka kal lai ati caah! Tlangcung mi Party TEINAK hmuh awk le Federal cu Ṭhen khawh silo caah PR Phunglam hi hman ding ah Cozah nih a tuah hmasat awk asi. Tlangcung Party hna TEINAK hmuh awk ah Donkhan tu tuah lo hi, Federal Democracy a duh tak tak mi cozah le Kawl Party hna i an hmaban rian le i hmaithlak bik ding mi a si hnga.

2015 lio ah 58% Lawng teinak ahmuh ko nain Rian ah 80% i lak timi dirhhmuh hin cun Federal lamthluan ah an kal ti awk asi lai lo. 75% +1 in Phunghrampi Remding ah NLD nih Ṭhutdan a co khawh lo caah, Zeitindah Nationwide Reconciliation hi hmai a suan ter a herh bak mi asi fawn. 2015 lio bantukin 2008 Phung Hrampi kan remh lai ti ti loin, Phunghrampi suaisam Ṭhan ding ti lei kap ah a lak mi hi a tak in a tling khawh tak tak lai maw? (Federal kan phur hna lai an ti caah)

Ngunkhuai le ngunsawm tlukruan nak le Ramdang he pehtlaih nak nawl hi pine cu apek tak duh hna hnga maw? (Federal Mumal kan ngeih an ti caah). Media Zalon nak caah Pohma 501 (Ngin Suh Si le Naing Lut Lun) & Pohma 66(d) Ram thangchiat Upadi hi teh an thah sian hnga maw?

Justice aum khawh nak hnga Rule Of Law tah a hlut chuak kho tak tak hnga maw? Dinfel nak in le mithmai zoh loin Biaceihnak le Biaceihtu bawi kan ngeih ve cang nak hnga, Biaceihbawi kha Tamada nih rian pek mi asi ti lo a herh fawn. Tamada le cozah Lutlai hna mit hmai zoh bak lo mi Biaceih Bawipa le Biaceih zung asi hrim hrim a herh fawn.

Mah le kan caa cio in Siang Inn ah cawn nak nawl an kan pe khawh tak tak lai maw? Kan sunsak mi kan Ni Sunlawi cam tuak ah cozah zung khar Ni ah a cohlan khawh hnga maw? Mah tein i peh chawm ding le comments ah tial ve ding ah kan sawm cio hna. Credit: Saya Rung Kaw

Leave a Reply

Your email address will not be published. Required fields are marked *