Federal Army adong le a hram.

Federal Army how it begin. Federal Army adong le a hram.
==================
Federal Army timi idea arak thok tu hna hi tlangcung hriamtlai phu 12 an rak I kawmh nak National Democratic Front in asi. Hi NDF a dir khawh nak ah biapi bik in thazaang a rak chuah tu hna cu KIO Chairman Maran Brang Seng, KNU Chairman Gen. Saw Bo Mya le NMSP Chairman Nai Shew Kyin an si. 1976 May thla ah KNU hmunlipi Marnepalaw ah an rak thok.

Tinhmi; Political lei ah miphun tluk ruan nak a um lai, mah le miphun kong ah mahte khuakhan lairel nak aum lai. Federal le democracy hram bumh mi ram kan ser lai. Cuti asi khawh nak ding ah; Federal Army kan ser lai. NDF chungtel ralkap cu Federal ralkap kan si tinak asi. Joint military command a um lai. Federal ralkap puitling sernak ding ah Cadet (ralbawi) training ser asi lai. Federal timi kong kan theih fian nak ding ah Federal University kan ser lai.

Ti pawl rak I timh asi. NDF timi bu atu ah a um ti lo na in Federal Democratic ram ser timi le Federal Army timi thlaici cu mipi thinlung ah a kheu I a nung. CRPH nih Sin ruahnak pek nak. CRPH nih biatak te in kawl ralhrang an vun dirawnh. Mipi madate a nei mi an sic aah kan dirkamh, kan pom cio hna.

Federal Army timi bia an vun chim. Asin a in hi CRPH nih hin Ralkap experience zong an neih bal lo caah Federal Army zeitin dah kan ser lai timi muisam fiang in an chim kho lo. Apoi lo. Ruahnak kan i cheu lai, kan i dirkamh hna lai. Ralhrang kan do tti hna lai.

CRPH sin ruahnak pek nak; Federal Army ti tik ah Federal phung ning in a kal a hau. Federal system ah cun State a um hma sa. Cu state pawl nih cun kan ifonh lai I Federal ram kan ser lai an ti hnu lawng ah Federal ram timi cu a um kho. Central timi Burma ram nih kan uar ngai mi Bahu nih cu tin ti uh kha tin ti u timi cu Federal I a ling ta let a si.

Federal cozah ah State a um hma sa a hauh bantuk in Federal army zong ah State cio nih ralkap kan neih mi hna an dir hmasa ahau. Cu state Army pawl an I fonh mi kha Federal Army timi cu asi. Burma ram ah system ttha tuk British chan ah an rak tuah ta cang mi a um.

Chin Riffles ( minung a tling mi Battalion 5 an rak um) Kachin Riffle (Karen Riffle Burma Riffle (Ne Win kha 4th Burma Riffle i commander arak si) timi an rak um bantuk in. Atu ah kha tining khan kan nun ter lai. CAN, KIA, SSA, KNLA ti bantuk pawl kha State army an si lai. Cu pawl vialte kan ifonh lai I Federal Army kan ser lai. A tak in kan tuah lai ti ah cun vuava duamdam in chim sawh chim, au thlorh au a ngah lo. A tak in ruah, fiang cikcek in muisam a cuan hnu ah tuah a hau mi asi.

Hmanthlak hi; NDF a rak dirh tu le Federal Army timi idea a rak thok tu KIO Chairman Maran Brang Seng le KNU Chairman Gen. Saw Bu Mya 1991 lio an hman thlak asi. Adang pakhat khi NDF Federal Army Uniform kai hruk nak hmanthlak asi. Marnepalaw 1993. Credit: Salai Bawi Lian Mang