Falam Khuapi Inn Kangh Ruangah Pastor Mang Hlei Zing Le Mi Rah Zing Nih An Kan Liam Tak

Chin Ramkulh Falam khuapi hti-yik (ထီးရိပ်) thlang ah inn kanghnak a chuak i a pawngkam inn inn li zong a kangh chih hna tiah theih a si. Hi kong he pehtlai in Falam um min langhter duh lo pakhat nih, “Atu inn a kaang mi hi a dihlak ah inn nga a si. A kangh hi suimilaam 3:30AM tluk ah a si. A kangh in Falam meithat zung nih an fuh colh hna i atu cu mei an hmih khawh cang” tiah The Hakha Post ah a chim.

Hi inn kangh ruang ah aa hliam mi le a thimi hi minung paruk an si tiah theih a si. Inn a kaang mi hna hi Pu Kiam Si inn, Pu Zaw Tun inn, Pi Mang Hlei Zing inn, Nu Pen inn, Pu Biak Vum Inn, Sayama Thiam Te te hna pawl i inn an si. Cun, mei nih a kangh taktak mi hi cu inn 6 a si nain runven khawh nakhnga ca ah Pu Tawi te inn, Pu Khua Lian Pum te dawr le U Cin te inn pawl an theh hna tiah theih a si.

Hi inn kangh ruangah a kan liam takmi hna cu, Pastor Mang Hlei Zing (Pu No Zam Fanu) – A Kum (70) le a inn umpi tu Nu Rah Zing (Kum – 52) cu an inn karbak ah meisa kang ut mi in a thicia in an hmu. Falam Baptist Association Hall, Falam ah an ret ih an pahnih ruak in, tu sun (Jan 12, 2021) Lampa thlanmual ah an vui ding. Service caan – 3:00 pm
Hram: GCO le Salai Siang Cung Luai.

Relchap lo cu a pam tuk, Vawleicung khuaza vantawi ah a ummi Chin miphun hna, USA ram caah thlacam kan sawm hna. Vawleicung le USA ah democracy limhang a zornak hnga lo, zalawng tein miphun covo a dirhkamhtu, Vawleicung ah remhnak, tlukruannak a umnak hnga, miphun pakhat le pakhat hmuh thiamnak a lennak ram, biaknak kongah namneh a um lo nak ram?

American founding fathers hna chunmang a rawknak hnga lo, US ram nih democracy a zohkhenh khawh lo ahcun Vawleicung ah dictatorship uknak rim a karh lai caah kum 240 an hman cangmi zaukphung a nun peng khawhnak hnga, Vawleicung ram le miphun kip caah nucan/pacan dirhmun ah a dir zungzalnak lai, thlacam kan sawm hna. Pathian cu kan thlacamnak leh dingah a kan hngak ko. Thlacam hi Chin miphun kan hriamnam thabik le kan teinak si hram seh: Nan miphun hawi,
Thlaawr Bawihrin, Indianapolis.