Fak Piin Khua Ruat Rih! Pu Ngun Cung Lian.

Fak Piin Khua Ruat Rih! Pu Ngun Cung Lian.
=====================
Kawl ralkap nih Myanmar rampi cu hramhram in a tlaihhrem i sualpi dingin pu Ngun Cung Lian cu an bawm i a cohlan hna ti bantukin ka theih i ka lungțhalo, pu Ngun Cung Lian cu kawl ralkap uknak duhlo ruangah kumpi kum 30 tluk ram tangah sifah harnak a phuntling tuar in a nunnak aa pemi Lai Pasalțha pakhat a rak si.

2010 ah kawl ralkap nih anmah sinah rianțuan dingin an sawm i a thisen le a nunnak pek in a rak dohmi hna kawl ralkap cu an duhnak tuahpiak dingin a nun aa pe ţhan, atu hi a voi hnihnak aa nawlh asi lai cu a cohlan hna ah cun.
Pu Ngun Cung Lian mifim khuaruat kho bak ah kan rak ruah, mi nih an in ceihphai len zongah kan zumhnak a rak zor bal lo miphun a dawtu Pasalțha pakhat a si kan ti nikhat khat ah cun kan miphun caah zeibantuk thil ţha dah a chuahpi te lai cu tiin kan ngiat peng mi na si.

Atu lio ah cozah rianțuan hmanh nih ralkap kut tangah rian kan țuan kho lo an ti i an rian an ngol dih lak ah na thawngpang ka theih cu ka khuaruah a har ko,sinain an sinah cun rian na țuan lai cu ka zum bak lo nang cu khrihfa zumtu țha na si caah mițhalo hna sinah naa fonh lai cu ka zum lo.

Nangmah ca lawngin khua a ruatmi bel na si sual ah cun kan in rak zumhnak na miphun nih kan in bochan le kan in uar tukmi na sinak vialte cu nangmah tein naa hloh bantuk a si lai i miphun leirawitu ah naa ser bantuk a si lai. Na thisen le nunnak pek in kumpi kum 30 deng na rak dohmi hna kha philh hrimhrim hlah, Na nun chung caan tawite ah mipi fahnak a petu le harnak a petu mițhalo hna sinah cun rak i fonh hrimhrim hlah tiah bia kan cah. A sinah a phak khawh nakhnga tampin rak Share cio u. Credit: Salai Thang Ltc