Fahniang Zuun In Kei CDF, Kan Nu Zuun In Kei CDF!

Fahniang Zuun In Kei CDF
======
Ka Fa dam rak i zuam law, Papa he dam tein kan i tong than lai mu, Papa caah thlazacam rak daithlang hlah muh.
Christmas zing Papa Merry Christmas, Kan nih cu zawtnak ruang ah kan hmang kho lo, Nangmah na um ti lo hnu cun ee.

Sa thaw te zong kan ei kho lo ee na timi, Na biafang nih ka thinlung a suk. Zei tik ton than caan hngak in, Fanu Papa dam kaa zuam, Ka mitthli he ka rawl ei chung a pil kho lo. Ka umnak hmun cu nuamh duh ah ka kal, A si lo bang zei dang naknak in chung zuunngaih, In ka passport ka tah caan a tam, A fawi bak loh.

Kan Nu Zuun In Kei CDF; Ka dawtmi kan Nu nangmah kha nu can, Pa can dir hmun ah rak dir ko rih law, Kan tei hlan lo lung can rak i cuh ko rih muh, Na Ta nih kan ngai tuk ee.

Dam rak i zuam ulaw, Fa le ca pasal ca le chungkhar ah Bochan tlak nusal si rak i cuh ko rih mu……Kan ngaihnak hna ka hmur le kaa nih, A tlinh loh hei chim ahcun chim cawk khi, A si hnga lo. Sian lo ka far nang ngaihnak nih
A ka zawt ko nang ngaihnak mitthli he, Kaa hawikom nang kan ngai, Kan i ton than hlan lo kan umnak hmun le Hma cio in dam i zuam hna usih.

Kan tei tiang a lang in ka dirpi peng ko rih, Uh kan ngai tuk hna kan dawt tuk hna, Ka chungkhar ka Fa ka dawtmi kan Nu, Bawipa tu nih kan umnak hmun cio ah, Damnak he lam kan hruai ko seh.

Teinak Ka Hngak; Zei can ko hme kan muih rih lai, Zei can ko hme kan hraam rih lai, Ka chuangkhar he nuam te khuasak, Ka dawtmi he ni thla rel ti, Hawikom hna he nuamh ti caan kha. Khoi hme nan si keimah lawng in, Nan ka chiah ta ti awk ngai in, Hlamnak ngaihnak le mitthli he, Chungkhar hawikom le ka dawtmi, Kan ngai tuk hna.

Teinak Ka Hngak; Zei can ko hme kan muih rih lai, Zei can ko hme kan hraam rih lai, Ka chuangkhar he nuam te khuasak, Ka dawtmi he ni thla rel ti, Hawikom hna he nuamh ti caan kha. Khoi hme nan si keimah lawng in, Nan ka chiah ta ti awk ngai in, Hlamnak ngaihnak le mitthli he, Chungkhar hawikom le ka dawtmi, Kan ngai tuk hna.

Lai hri tannak ngei lo bang, Ar bang kan vai sin zei tiang khi dah, Nusal pasal kan si rih lai, Kan ram te hi par ve cang seh, Kan ram te hi ceu ve cang seh tiin…..Harnak he kan pahmi tuanbia, Har ngai in uknak tha lo lemh
Kan i timhmi tuanbia har ngai in, Kan cawlcanghmi hi tuanbia hi, Philh hna hlah usih uknak an lak, Kan duh lo zia kan pah cang, Tung hmai nawr usih.

Hlamnak ngaihnak le mitthli te zong, Din ta rih seh kan rian nganpi, Teiman thlu in tuan ko rih ning. Kan thaazaang cu Pathian a si, Kan teinak zong Pathian a si, Zei zong za te Pathian lawng te, Minung hmanh nih lungthul lo in, Kan doh ahcun Pathian nih cun, Umpi lo cun um ngai hnga maw? Hlamnak ngaihnak le mitthli te kha, Hulter duh ah pasal kaa cuh, Khua dei tik ah hlamnak ngaihnak le Mitthli te kha ka auh than lai diriam tein, Ka pom ka kuh lai i ka hlonh te lai tiin, Teinak ka hngak. Credit: Alice Țha Bor Chin

Note: Cu biazai cu dah ngai, a tha tuk e, Bawipa nih him tein inveng hramh hna sehlaw, tonnak caan tha zong Bawipa nih a khan than lai e.