Even. Tluang Lian; Thantlang Thil Lak I Ralring Ding, Share Chin Cio Hna!

THANTLANG THIL LAK I RALRIN DING Share chin cio hna
==========
Thantlang khua ah thaizing ni 13 le ni 14 ni hi thillak onh a si tiah thawng kan theih. Sopum lei le Khualhring tlang lei hi an i ralrin a herh men lai. Mipi kha phaw ah hman khawh an si.

Zeiruang ahdah ni 13 le ni 14, khi ni theng an onh hna? Kha hlanah an onh țung lo? Upa nih an nawl hna ruang ah maw an onh hna hnga? Cuti a si ko hmanhah fimzer ngaiin an onh a si kho. Chin Mipi vialte umkal i ralring cio hna u sih. Kan bomh khawh hna lo hmanhah dawnkhaantu si hram hlah usih.

CHIN MIPHUNNIH KAN I RAL RIN DINGMI. Nihin hi, kan Miphun nih teinak le luatnak hmu dingin kan kal cuahmah lio pi a si. Cucaah ruahlo pipi in a hung chuakmi buaibainak, kanmah le kanmah karlak i i al hniarnak tete hna an hung um tawn ko lai. Hibantuk buainak a hung um tikah, ahohmanh nih ingpuan in i la hlah u. Miphun caah hruaitu, Miphun caah pa dirhmun tuin dir cio u law, nemte le lungsau tein remdaihnak tuahnak lam kawl lengmang ko u.

Hihi khuachia nih, kan Miphun a rak kan doh lengmang tawnnak a si ko! Hi hnu zongah a kan tukforh lengmang ko rih lai. kan Miphun nih kan tei hrimhrim a herhmi a kan zuam cawhtu/Challenger ngan taktak a si. Hi bantuk hi thlacamnak le pa dirhmun i dirnak le hruaitu țha lungput in kan tei khawh lai.

Thlacamtu vialte nih kan Miphun lakah hi bantuk buainak a chuahtertu hi khuachia a si ti hi i fiang usih law, hi khuachia hi thlacamnak in kan doh i kan țem lengmang a herh. Kan Miphun; pengtlang khat le pengtlang khat, khua pakhat le khua pakhat, khuakhat le khuakhat a kan doh tertu khuachia, BAWIPA JESUH KHRIH MIN in kan doh i kan țeem.
Chin Miphun dihlak nan cungah remdaihnak le lung i khahnak THIANG THLARAU phan ko seh.

KAN PATHIAN NAWL I CAWN USIH. PATHIAN nih Vawlei hi a dawt hringhran caah, a FAPA ngeihchunte kha a pek ( Johan 3:16). JESUH KHRIH nih minung tampi a khamh khawhnak hnga a nunnak kha a pek! Cucaah Minung tampi a kan khamh khawh taktak. Cu ve bantukin kan Miphun kan i khamh khawh nak hnga zeizawn ahdah kan i pek awk cio a si ti kha ruat cio cang u.

Atu bantuk caan ah puar ko din ei le Happy birthday zong kan i suum rih hna lai. Online thil zuar le i Post te pawl zong kan ngawl chung rih hna lai. Kan tisa duhnak tuah i kan i sum rih hna lai. Kan i pek khawhnak zawn cio ah i pe cang hna usih. Mipi vialte nih rawl kan ul cang hna lai. Tisa duhnak rawl kan ul chih hna lai.

Mipi vialte nih rawl ul lengmang in kan i pe cang hna lai. Mipi vialte nih kan PATHIAN faak chinchin in kan au hna lai. Ramchung ummi vialte le ramleng ummi kan dihlakin zarh hnih chung hrawng, kan ram thil um tu ning zohin zing a ul kho nih zinglei, zanlei a ul kho nih zanriah tibantukin kan ul hna lai.

Zarhhnih chung taitai cu ka ulh khawh țung lai lo tiin, lungrethei hlah. BAWI JESUH intuarnak kha ruat law, na ti khawh chung kha rak i zuam ko. A ulh kho le a ti kho tampi an um ko lai. Pumpak kan thazaang le sining dirhmun aa lawh cio lo caah, kan i zuam khawhchung in kan i pe hna lai.

Covid ruang i kan i Lockdown bantukin thlacamnak khaan/hmun ah a tam khawh chung kan i Lockdown hna lai. Kan pumpak sualnak zong kan phuang cio hna lai. BAWIPA țih usih, a Hmai kawl cio ko hna usih. BAWIPA kan cung ah, aa lawmh ahcun, Khuaruahhar teinak kan hmuh lai.

BAWIPA nih, teinak hmuhter lawng a kan timhmi a si lo, AMAH zong ka hmu ve hna seh ti a kan duh. Cucaah thlacamnak le rawl ulhnak le lungțhumhnak le lamthalo mer taaknak in BAWIPA cu au hna usih. BAWIPA nih THIANG THLARAU toih zong a kan duh. Nan thlacamnak ah THIANG THLARAU țhawnnak phan ko seh. Share chin cio hna, KHRIH sal. Tluang Lian ( Martar)