EU Nih Myanmar Ralkap Le Russian Phihkharnak An Tuah Cang Hna Lai

๐‘๐ฎ๐ฌ๐ฌ๐ข๐š๐ง ๐Ž๐Ÿ๐Ÿ๐ข๐œ๐ข๐š๐ฅ๐ฌ ๐ฅ๐ž ๐Œ๐ฒ๐š๐ง๐ฆ๐š๐ซ ๐‘๐š๐ฅ๐ค๐š๐ฉ ๐œ๐ฎ๐ง๐ ๐š๐ก ๐๐ก๐ข๐ก๐ค๐ก๐š๐ซ๐ง๐š๐ค ๐“๐ฎ๐š๐ก ๐๐ข๐ง๐ ๐ข๐ง ๐„๐” ๐š ๐‹๐ฎ๐ง๐ ๐ญ๐ฅ๐ข๐ง๐ 
============================
Tu thla awtka i Myanmar ralkap nih nawl an laak ruangah an cungah phihkharnak tuah dingin le, Myanmar ram thanchonak dingah, tiin bomhnak an pekmi zong i letthan dingin EU foreign ministers pawl lungtlinnak an tuah. Cun, Kremlin a dohtu Alexey Navalny thong a thlatu Russian officials pawl zong Blacklist cazin ah khumh viar hna dingin hnatlakpinak an tuah. Amahbelte EU nih hin Myanmar he chawlehnak a tuahmi hi cu kan phit lai lo, zeicahtiah kan tuah sual a si ah cun mipi an tuartuk lai, ti kan phang, tiin EU foreign policy chief Josep Borrell nih Monday ah a chim.

โ€œTutan ralkap nawllaknak ah tuanvo a ngeimi pumpaak ralkap minung le an chawlehnak thazaang pawl thlurh in phihkharnak tuahpiak hna dingin lungtlinnak kan ngei. Myanmar ram thanchonak dingah, tiin bomhnak phaisa kan pekmi vialte cu leet than dingin kan hnatlaknak kan tuah,โ€ tiah Borrell nih a chim. Feb. 1 ah khan civil hruaitu Suu Kyi cu ralkap nih a nawlngeihnak an chuh hlei ah an tlaih i an erh. Cu ti thatlonak an tuahmi nih cun vawleicung pumpi nih sual an phawt ngaingai hna. Ralkap nih nawl an lakmi ralchanh in lam le suul kipah democracy aupi in duhlonak a langhtertu mipi hna cu thisen chuahnak tiang in ralkap nih a thazaang a hman hnawhhna.

Senior General Min Aung Hlaing telhchih in a dang ralkapbawi tampi cungah phihkharnak kan tuah, tiin UK, Canada, New Zealand, le US zong nih an thanh colh. Sual a phawtu an karh chinchin ko bu zongah cun Tatmadaw tiin rammi nih theihmi Myanmar ralkap nih cun mipi kutah uknak pek than a duh hlei rih lo i, โ€œElection a tharin kan tuah than lai i, a teimi party kut ah uknak kan ap lai,โ€ tiin a ti peng ko rih. Nikum i EU nih human rights phung a thar in an sermi chirhchan in, Navalny a hremtu Russian officials 4 hna an cungah European diplomats pawl nih phihkharnak tuah a si lai, tiah AFP news agency ah an chim. Officials 4 hna an min bel an langhter lem lo. Moscow cungah dantatnak faakpiin tuah hna seh, tiin an aupimi ning rup in cun tutan EU cawlcanghnak hi a hmual fah dawh a si lo.

President Putin a pennak hmun dingin chawva in a dirhtohtu mirum taktak pawl zong an nehnang zawt viar dingin Navalny lei tang mipi le European lawmakers pawl nih Brussels ah tonnak a ngeimi EU ministers pawl sinah an duhnak an langhter. โ€œTutan i Russian officials cung i phihkharnak kan tuahmi nih ai tinhmi cu, Russia officials nih an tuahmi thil a cheukhat cungah kan lung a tling hrimhrim lo, tiin thawng hei thanh bantuk khi a si,โ€ tiah German Foreign Minister Heiko Maas nih a chim. โ€œAsinain, pehzulh in Russia he ton biaruahnak kan ngeih hi a biapimi a si ko rih,โ€ tiin a chim. Phihkharnak tuahpiak dingin an i tinhmi an miluzat set hi Rorrell nih a chim fiang lo. Official tein an min ka langhter te lai i, zarkhat chungah cun phihkharnak zong a takin kan tuah colh ko lai, tiin Borrell nih a chim.

Navalny tlaihkhihnak kongah siseh, a bia an chahnak kongah siseh, an hremnak kongah siseh, direct in pehtlaihnak a ngeimi pawl an cungah phihkharnak kan tuah hrimhrim a hau, tiin a chim. โ€œTutan EU cawlcanghnak hi chimawk theih lo i bia bon an nolhmi bantuk men a si (broken record)โ€ tiah Russian Deputy Foreign Minister Alexander Grushko nih Russiaโ€™s state news agency RIA Novosti ah a chim. Tu thla chungah Borrell hi ram aiawh in (diplomatic) Moscow a vung i, cu ah cun an rak tlaih. Cu lio hrawnghrang te cu Kremlin nih European diplimats 3 bak a ram in a thawl hna lio te a si. Cu thawngpang nih cun EU velcheh pumpi an thin a phawh ngaingai hna. 2014 lio i Russia nih Crimea a laak hnu le eastern Ukraine ah Moscow nih hmunhma ai halh chin vima hnu in khan EU foreign ministers pawl nih

Russia cungah a hunghung in phihkharnak tuah an thok cang. Soviet chan lio i mehse an hmanmi Novichok sivai hmangin August lio i Navalny a rawitu Russian officials 6 zong October ah khan EU nih blacklist ah a chiah cang hna.
Navalny hi Russia ram chungah Putin a dohtubik pasaltha a si i, tuursivai an chunh ruang i Germany sizung lei ah a vai thlop. An ram lei a hung panh le cangka tu thla chungah an tlaih than i, kum 3 thong thlaak dingin bia an chahpiak. Thong an thlak ruangah ram pumpi ah duhlonak an langhter i, an tak ai hup dihmi security forces nih mipi a thongthong in an tlaih hna i an erh cang hna, tiah theih a si.

Sunday i an tuahmi EU foreign ministers 8 meeting an tuahnak hmun ah chawva in Putin a dirhtohtubik mirum taktak pawl an cung zongah phihkharnak tuah ve dingin EU upa pawl cu Navalny a hawile 2 nih heh tiah an hneek hna.
โ€œKhual a tlawng ve theng lo mi, cun ramdang zongah chawlehnak a tuah ve lem lo mi Kremlin officials 10 cung lawng i phihkharnak nan tuah a si ah cun, tutan phihkharnak nan tuahmi hi cutluk cun hmual a ngei lai lo,โ€ tiin Navalny a bawmtubik Leonid Volkov nih journalists sinah a chim.

๐•๐ž๐ง๐ž๐ณ๐ฎ๐ž๐ฅ๐š, ๐๐ž๐ฅ๐š๐ซ๐ฎ๐ฌ; Democracy zeiah nan rel lo caah le human rights nan chiatchuah caah, tiin Venezuelan officials 19 cungah EU ministers pawl nih phihkharnak an tuah. December lio i thimnak nan tuahmi hi democracy phungning in a si lo, tiin EU nih sual an phawt hna hnu ah a tu bantukin phihkharnak an tuah hna hi a si. Belarus an President Alexander Lukashenko a cozah nih mipi a tuahto ning hna a that lo caah, an cung zongah avoilinak phihkharnak tuah dingin EU ministers pawl khuakhaannak an ngei.

Cun, China nih Hong Kong a buaitermi zong EU ministers nih an i ngiat ve cang i, a tu lio i Beijing nih a kuttum ai rengh salailing lio ah hin hlah maw kan tongh lawlaw colh ve ah a that ko lai, tiin EU ministers pawl biaceihnak an ngei. Hong Kongโ€™s civil society dirkamh hna dingin Brussels nih a lam a kawl hmasa ta lai i, cu hnu ah boruak a thatlo a si ah cun faakdeuhin nunchimhnak kan tuah te ko lai, tiah Borrell nih a chim. Credit: Chelsea Bawi