Esther Van Hnem Sung: 2019 Nov thla dongh lei ah kan pa he khual kan tlawng

2019 Nov thla dongh lei ah kan pa he khual kan tlawng. Kan phak bal lo nak khua si kaw khuachung kan luh le cang ah ka zohmi cu Christmas caah inn an ttamhmi pawl, lam an ttamh ning pawl le Christmas hla an chuah maw chuah lo ti hrawnghrang khi a si. Kan kir lei ah lungsi lo nawn in “An khua cu Christmas thlam a leng lo tuk” ka vun ti dih bak ah tu tan kan rak chuahmi Christmas hla hi ka lung ah a hung chuak.

2020 cu Christmas lai ngaih a um lo tuk kan ti poah ah a ka ruah termi cu Christmas kan hmuh dan hi a si. Kan lawmh hnawh chanmi hi fiang tak tak sih law tukum Christmas hi a dang hnga loh ka ti. Kan lawmh dan le kan thutdir dan cu a dang men lai nain a sunlawinak a zor hnga loh.

Caan tampi cu a hrawnghrang ah kan rak i za i kan rak buai ruang ah a muru taktak kan rak kheng loh hi teh! Cucu tu kum nih ka nun ah a thar in a ka cawn piak. Cu ruang ah hi hla hi tu kum pin luan ter ding ka ruat kho hrim hrim loh. Zeimawzat caah that hnemnak um ve hmanh maw tiah ka sia herh.

A cam tuak cu a ni le a thla ah kan tuah ko lai nain a sullam le a nun tu cu nitin kan nun ah i nun pi ding a si ti hi …Bawipa nih kan thinlung ah a thar in kan fian ter ko seh! Theihfian ah cun NIFATIN HI CHRISTMAS A SI.

God bless you all! Nifatin Hi Christmas A Si, Artist: Esther VH Sung, Studio: Morris Recording Studio, Audio and Video : Morris Sang, Music : LK Sailo.

Leave a Reply

Your email address will not be published. Required fields are marked *