Eorupean Union Nih NUG Cozah Cohlannak Mual Dintawi Update!

EU NIH NUG COZAH COHLANNAK MUAL DINTAWI : PG(71)
===========
EU European Union timi cu Zurop (Europe) ram 27 pawlkomh bu asi. Head Quarter cu Belgium khualipi Brussel ah aum. Russia le Tuluk nih an huat tak tak mi ram hna an si. UK cu EU in a chuak cang. Brexit timi kha nan theih cio ko lai dah. Brexit sullam cu: British Exit From EU tinak asi. Brexit ruang ah UK PM Cameron, DASSK hawipa a rian aa phuah. Ram (10) in thawk mi asi.

Ram (27) nih an hmangmi Phaisa (Currency) tlap cu EURO asi. 27EU an si bakin, USD ($) cu EURO nih a tei colh. Vawleipi Currency timi phaisa man sangbik 1nk: UK £ (Sterlin Pound) asi. 2nk EURO, 3nk ah US dollar ti asi. Confederation or Autonomous in aa hruai mi an si. Phaisa, Ralkap le Economic, Business, Marketing, Health & Education, etc an i hrawm.

EU nih MPs 705 an ngei. Upadi, Laws an ser i, biachahnak le dantat nak, Economics, Business, Humanitarian (Mi harsa Bawmhchan rian – Good Smaritan rian), tbk cu an kalpi tawn. 705 MPs EU nih, biachahnak le Lairel ning in hmalak asi. Supreme Power an pek hna. 705MPs i EUBHlutdaw meeting nih, Mipi Cozah ah, NUG a cohlan i, MAH le SAC cu phihkarhnak le Dantatnak an tuah, Ram hruaitu vialte sinah cakuat in, theihter dih ding timi kha, tulio Media Veng ah a laar bik mi asi. Amikip nih Halleluiyah Amen pek cio mi asi.

Ahmaan, Ka lungtlin, Ka Amen, kan ti cio. EU lairelnak cu, lungthin muru in, Kan Thlarau tiang in, kan cawnglawmh i, buaipi cio asi. Kan Unau “Mara” le Kan Laitlai “LAI” Cheukhat belte, Lungthlitum, CDF Ttl le Thanhca ah kan buai khim ve. Thilṭha le remdeihnak (PEACE) chuapitu sihramseh, tilawng ka thlacamnak asi. Pengtlang thlarau cu thahin, a cihmih sehlaw, pumkhat sinak thlarau revival tu tlung hram seh tiah kanrian cio, Saduhtah cio ko hna.

SAC le MAH, Crony, Sipuazi le Smugglings (Economics & Business) vialte phih ding, Dollar an ngeih lonak hnga tuahto ding ti asi. SAC le a minung hna nih tambik Dollar hmuhnak cu, 1nk: Gasoline timi Zinan le Kokek Datkhu (Natural Gases), 2nk: Banks, 3nk: Company.

Zinan le Gas lutchuaknak vialte phih, MAH le SAC Companies vialte dantat, Kawlram Center Bank le aa pehlai mi lam vialte phih dih ding, ti asi. SAC chan thla 9, sipuazi ah center Bank um USD hi 29.5 billion asi. Civil cozah lio nakin 7.146 billion a tlawm deuh. Dollar an herhtuk caah Center bank I MMK an zuar kha asi. MMK hi mipi kan ngeichia chutnak in, Dollar cawknak caah Cozah kip nih an hmangrua cu asi.

Mark Farmaner, Director, Burma Campaign UK nih, EU MPs biachahnak cu lunglawmh tein kan cawnglawmh, Sihmansehlaw, biatak tein ṭuanchuak a herh rih. Biatak tein a hnuzulh a herh, EU Member cheukhat nih an lungtho lo, tiah ati.

Zinan le Gas phih kha Frence nih a duhlo. Frence nih Total Company hmang in, Kawlram ah Zinan & Gas investment an tuah. A miak hi tamtuk an hmuh caah Zinan & Gas phih ding kha a zanram tuk ai. Banks le Company tuin phih ding ati ve. Germany: EU phihkarnak lamthluan cu a hnabei sei hoi lo. Ralhrang Ralkap le an minung hna ngeih mi Company lawng phih ding in Agenda a lutpi ve ai.

Aruang cu: Kan hnu thla ah UK le USA nih phihkarhnak an tuah ko na tein, biatak tein a hnu an zulh lo caah, zawng parathlei btk asi i, thil aa nawnnawk dih ai. Tuluk nih an phih mi zawn le awnkua thengmang cu a thilh dih i, a miak tampi a hmuh, USA le EU lawnh ding in thil a kal. Hriamnam zuar lo ding an ti i, Russia nih aduh chung in, a baathla tiang in MAH cu a zuar.

Chinram cihmih awk ah arak kai mi Tanks le Hriam kha Russia ah a cawk tir mi asi. China nih akarh tampi he phihkarhmi awnkua a benh i, akarh (interest) tampi in MAH cu do acuai, hriam zong duhchung in, a zuar rih. Ukraine tiang in MAH cu hriam an zuar cang.

Cu caah EU phihkarhnak hi ei a chuak lo khawh men tiah lung awṭawm in an um nak cu asi. EU 705MPs biachahnak hi na zulh hrim hrim lai timi upadi le phungphai a um lo. An ram sining zohchun in zulh lo khawh asi. Cucaah EU MPs nihin EU member hna cu, cakuat lawng siloin, tawn biaruahnak ngei in, biatak tein, chimhfian a herh. NUG zong nih daithlan lo tein, marzam tein, ahnu zulhdawi aherh mi asi.

EU NUG Cozah Cohlannak Pinlei Ah Aathup Mi Hna: PG(70). EU Ram 27 ah NUG nih Embassy an derh khawh cang. Ambassador timi Palai zalon tein rian pek khawh asi cang. Embassy rianṭuantu dang zong tampi an um te lai. EU nih thlahlawh an pe hna lai. Chinmi savo belte theih awk umte hnga maw? EU hi fund a rum bakmi asi. Donation tambik apek khawh tu an si. Kawlram um LIFT Fund le UNOPS i fund 80% cu EU asi ti khawh asi.

LIFT Fund le UNOPS hi, kawlram um NGOs vialte donors (Phaisa petu bik) an si. EU cu USD nakin asang deuh mi Euro hmangtu an si. EU hnu in USA le Aussie nih an zulh. Annih cu EU ansilo nai NUG Legitimacy tuahtu supporter an si. Norway, Canada, UK le Japan an i tel ve ahcun adih. Vawleipi ahiptu cu hi ram hna hi an si. Humanitarian timi mi sifah le ram sifah a bawmh biktu ram le luban an i tel dih ti khawh asi.

EU ram 27 nih Foreign Agencies timi AIDS (Agency for International Developments) an ngei dih. Tcnk: USAIAD, AusAID, GermanAID, DFID – UKAID, Common Wealth UK, tbk. Cozah hlun sin ah tampi a hlut mi an si hna. NLD chan sipuazi a karh, GDP a kai, kan ṭhancho mi kha, EU le a cung ka langhter mi ram hna nih an kan bawmh caah asi. Rampi phaisa cu SAC Luban le an Crony, Civil Luban le an Crony, tbk inn lawng ah lai a hlum. Aussie AIDS lawng nih USD 700 Millions an kan bawmh khah! Education le Health Sector caah. Corruption le Exploitation timi eihmurnak, firkhut nak, ziknawk, an hmaan loin cazin tuak tbk a tam tuk caah an kir ṭhan dih kha asi. ICJ kongah an lungdong zong asi. DACU nih khengchap in an nawlh rih caah an kir dih.

EU ah siseh, EU chungtel ram 27 nih ngei mi, AIDS sin in siseh, bawmhnak tampi halnak nawl kha zalon tein hmuhco asi cang. CDMers thlahlawh kan pe khawh cang hna lai. Covid19 Task Force le Covid19 Response biatak tein kan hlutchuak khawh lai. Humanitarians tampi in kanṭuan khawh cang lai. MAH le SAC ruangah Unemployees 12 millions leng zong bawmhchan khawh asi cang lai. Ralhrang ruang ah tirawl le eidin lo awk a ngeih tilomi kawlram mi sifak 30 million zong kan chanchuah khawh cang hna lai. NGO rian tamipi ṭuan khawh asi cang. Haleluiyah Amen ti zongah a phu ko.

CDF/ PDF thlahlawh le Hriamnam cawk piak belte hi, lamdang in, fund raising tuah a herh men hnga? EU nih Raldoh hi an cohlan lo. PEAC TALK cu EU papek asi. EU Thnahca belte tuaktan ngai ngai aherh. DDay lamtluan le CDF / PDF raldohnak hi tha a pek lo. “PEACE TALK tuin cabuai cung lei ah” ti asi. “All Inclusive Paticipation” timi “aatel ding mi vialte he cabuai cung ramkhel biaruahnak in PEACE” kawlin daihter kha EU hmuitinh cu asi.

“2008 phunghrampi rawh cikcek seh, Annasin (Ralkap + Civil) um ti hlah seh, State ah power a um mi federal democracy ram kan ser lai” timi GZ Muko he aarup lem lo. Cabuai cung in biaruah in PEACE hnu ah, hlan cozah kha uknak chanh ṭhan tihi EU Cathanh target cu asi deuh ko. NCA lanthluam btk kha EU nih a duh ti khawh asi. EU planning hi, EAOs le Tlangcung miphun kan damnak cu asilo khawh ko.

EU nih Raldohnak tha a peklo. Cu caah EU nih hriamnam an kan bawmh lai lo ti khawh asi. EAOs cu EU nih Ralkapbu puitling ah an cohlan. Geneva mit ah EAOs cu a puitling. EAOs min in MAH le SAC kandoh khawh lomi hi DDay le PDF / CDF Lamthluan a hlawhtlin lonak zong asi. PDF siseh, SAC Ralkap siseh, an umtu le an thuatham an zoh hna tikah, Ralkapbu pahnih dohnak he i lawh loin, terrorist (Alqaeda, Taliban, ISIS) thil tuah he aalawh tiah EU le Geneva mit a cuang.

Ralhrang kawl Ralkap le PDF/ CDF thil tuahmi zohchun in an tuak mi asi. Ral he aa pehtlai lomi cu kutpar in tongh loding kha Geneva mumal le Dundan cu asi. CNF/ CNA hi Geneva law le Human Rights senthuh mi an si. Ralkap ve ve hmanh Chemical le Biological weapon hmang a ngah ve lo. Ral he aa pehtlai lomi (Non CDMers telin) hremh le thah, tower bomb puak hnawh, ralkap chungkhar hna thah/ hrem, tbk kha Geneva le EU nih an cohlan khawh lo. Cu caah Terrotist lamthluan asi an ti nak cu asi.

PDF / CDF cu Raklkap bu puitling ah, kan sersiam khawh hna lo caah, Ralhrang Ralkap i, Tuksapur thah nawn le tlaihhremnak, innlo le khua meikhangh nak, a buin mi thahnak tbk vialte hi, War Crime Against le Crime Against Humanity ah an cohlan lo. Anti Human Rights timi nuhrin covo an buar ti tiang lawng asi caah, MAH le SAC hlawknak btkin thil a kal. A poi tak tak khi siko.

Naitan Boruak ah Phete le a unau hna nih, War Crime Against nan ti kha, a hlawhtlin awk ahcun, CDF kha Ralkapbu puitling ah, sersiam hmasat a herh. CDF caah na chawva cu numhei nu btkin pek na zalh caah asi khawh men? CDF lawng mawtchiah hlah ngat uh! Hi hi tuak cikcek ding asi fawn. Na thazang (Energy) tampi in kan herh rih, Abikbik in a herhmi a tam tuk rih tinak asi.

Cabuai cung Raldoh (PEACE TALK) in kan ti ahcun Paucan Dothlennak le GZ Hriamtlaih Dothlennak hi, sullam ngeih loah asi khawh. GZ muko a vaivuan khawh. State ah Power ummi siloin Federal dang (Hnarcheu Federalism/ Quasifederalism) asi khawh. GZ chunmang (vision) a rawk cikcek khawh. Kawl Miphun lawng an dam lai i, Chin miphun (Tlangcung miphun) damnak asi ti lai lo. EAOs an dam lai tiah chimh a har ngai ngai.

EU bawmhnak cu Humanitarian ca lawng ah cohlan in Cabuai cung biaruahnak cohlanlo; PDF/ CDF nih MAH le SAC dohin Cihmih; EAOs zong sawm chih; CDF/ PDF cu Ralkap puitling ah sersiam; EU phaisa loin Fund Raising biatak tein tuah; cucun PDF/ CDF hriamtling zalh piak le an herh mi dang zong bawmhchan; cuticun 2008 Constitution rawk cikcek seh; Annasin (Ralkap + Civil) thih bak seh, State ah Authority aumbak mi Federal Ramkomh derh ve cang seh.

Federal Constitution le State Constitution draft i suai ve cang seh; timi Dothlennak lamthluan tuin, kal thluahmah usih law, zeitin? Kum 70 leng ramkhel ah kan dam lonak Cancer zong a dam cikcek hlan tiang, lam tanṭin ah i din loin, lungṭhulbloin, Kamlo Chuncha bang derh usihlaw, Zeitin?? Nan duh phun le nan ei khawh ci si hnga maw? Credit: Saya Rung Kaw