Dr. Zaw Wai Soe le Dr. Sasa nihcun kan Dothlengnak a dih deng cang, a rau ti lai lo tiah!

DOTHLENGNAK HI ZEITIK AH DAH A DIH LAI (တော်လှန်ရေးဘယ်တော့ပြီးမှာလည်း)
========
Dothlengnak hi Ralhrang kan tei tikah a dih kho bantukin kan sungh tik zongah a dih kho mi asi ve. Kan Vaurawng Dothlennak hi zeitik tiang a rauh lai timi cu a hohmamh nih phuan chung awk a țha lo.

Khatlei khel i tuak ahcun, hraimnam a țhawng tuk cang mi le a tling tuk cang mi Kawl Ralhrang hi kan tukdoh lai i kan tei lai ti cu zanmang bantuk asi. Asinain khatlei khel i zoh ve ahcun,..Mipi nih duh ti lomi le tha pek ti lomi Ralkap cu sau an dir kho lo timi theory aum ve.

Vaurawng Dothlengnak hi zokzok a dih nak hnga ahcun ramchung le ramleng lungrualnak a herh. Ramchung ah lungrual tein ralhrang doh a biapi ve bantukin Ramleng diplomatic pehtlaihnak țha zong a bia tuk ve.

Dr. Zaw Wai Soe le Dr. Sasa nihcun kan Dothlengnak a dih deng cang, a rau ti lai lo tiah an au ve lengmang. Thazaang an kan pek asi caah a tha ve ko. Asinain mah le mah tha zaang ipeknak sawsawh nih teinak a chuah pi lai lo. Derthawm tuk ko tung i kan cak ko rua tiah mipi nih kan i ruah sual ahcun sunghnak fakpi a chuah kho. Kan cak ko..ral a dih deng cang ti chim lengmang nakin a taktak mithmuh kuttongh in riantuan kha a biapi deuh mi asi.

Atu kan dirhmun le kan sining bak in cun Dothlengnak hi kan sung lai i cun a dih lai. Ramchung hriamtlai AEOs le mipi dihlak kan lung aa rual i hmunkhat te ah Ralhrang kan doh ahcun kum 2-5 hrawng cu a rau lai tiah ka ruah. Kawl ralhrang chungin Phu an i cheu ahcun kumkhat chungah a dih lai. Ralhrang le NUG nih cabuai cungah Peace Accord an tuah ahcun kanmah kel te kan hlam rih lai i.Mahkel hlam cu sungh asi ko.

Dothlengnak zeitik ahdah a dih lai…kan sung lai maw, kan tei lai. a rau lai maw a tuan lai…. timi cu NUG kut ah aa hngat mi asi. NUG o thil tikhawhnak aa hngat mi asi. Mipi nih NUG cu tha kan pek dih i kan dirpi dih. Mipi thazaang hman an thiam le thiam lo cu an mah NUG cungah aa hngat. Dothlengnak caan a tawi a sau cu NUG kut ah aum. Keimah ruahnak ahcun. Credit: Israel R. Thang

Caan (time) (အချိန်) hi abiapi tuk mi asi! Pathian ser Minung hi kan lo cio lo. Muidawh, muichia tin kan um lai. Afim, ahrut tin kan um lai. Arum deuh, asi fak deuh tin kan um lai. Thil ti khawh deuh le deuh lo kan um ko lai. Cu ah cun, Atu lio kan caan hi Kan ram kan miphun caah kan zapi tein kan biapik tuk lio caan te asi. Micheu nih nun nak an pek cang.

Kan Mifim cathiam pawl nih heh tiah an fim nak an hman. Micheu nih Phaisa tampi akan thawh piak. Tlawm tuk ding Pathian nih thlua chuah chinchin ko hna seh. Mah i dam ko Rianttuan ko bu in i $ 500 hmanh ram caah thawh duh lo mi cu acaan nih akan liam tak sual lai dakaw.

Ram attha tik ah inn Thatha kasak te lai nati mi na chung mang zong atlau sual lai dakaw . Caan nih mi a ngang lo kan theih. Acaan lio te ah lungrual tein kan ttuan tti, Kan doh tti Aherh ko. CNA/F ti zai duh hlah. An mah sin Na thawh duh lo si le, NUG, CDM, CDF, KKG, PDF zong ah thawh ko. Abiapi cu MAH ral lokap tei nak abia pi.

Zin chiar Zaan chiar news hei zoh ve Laitlang um ning law, ral kadoh ve bak lai hei ti ve, Unua Na bia hi ruat tthan! US dollar $200 hmanh Asiang lo mi nih nun nak pek ka ngamh ti cu Na lih lawng te. Laitlang um law nazam nak ah athi ding phun na si. Bawi C Nung

Editor Sin Cakuat: “Kan Miphun Kan Thawng Chin Lai”. Kawl Rallokap Ralhraang nih kan umnak, Kan Ram, Kan Khua, Kan Inn lila ah tlerhnak le thihphaihnak he kan lungput hrawh ding in a kan tuaitam, a kan tlerh. Hlaan lio ahcun Tlangcung miphun pawl sin i a kan tuahto daan hi ca le report ti bantuk lawng ah rak hmuh khoh le rak rel khoh deuh kan si. Cu hmanh ahcun cheukhat kan caah cun khoika dah ka va rel khawh lai timi hna a rak har ngai.

Kan Khrihfa sinak hmelchunh a simi kan Vailam Tung a kan phoipiak/hrawh piak i anmah biaknak a simi Pura a kan ser hnawh. Kan i al sek len zong ah meithal hmur he tlerh kan rak si tik ahcun kan rak ti kho hna lo. Atu kumzabu 21 ahcun mithmuh khoh bakin a takin a hun lang than. Thantlang kan tonmi cu Media le Networks phunphun, hman khoh mi Social Media kip ah, Video he Photo he ca pawl he a can cuahmah lio kan rak hmuh dih. Vawleicung ah a cul! A ho fa nih dah a celh lai, a bik in a ram fa hna caah cun a zual khun. Uknak/hruainak system thalo a dohmi le zaukphung a duhmi minung pohpoh nih kan sinnak kan tuarnak a kan hrawmpi cio dih.

Ralhraang nih mipi thimmi cozah nawlngeihnak a kan chuh bakin a lehrul kho mi cu Chin ram in hin a thok hmasa lei kan si ve. Min Ko Naing nih hitin a rak tial. “Kumzabu 21 ah Ti le Van le Vawlei lei he raldohnak thilri tling thup in a ngei mi ralkap hna cu tumi hmeithal, lai meithal in doh an si i tuanbia ah a roling ding a si lainak” a biazai in a rak tial. Kan hriam thilri ngeihmi cu a thlau tuk hringhran ko lai nain kan lungput belte cu sal lungput le miphun fa lungput bantuk kan si than ve.

Ka chim ning in tuah u, ka tuah mi bantukin tuah hlah uh timi, midang nan thih dih zong ah keimah ka him ahcun a zaa a timi lungput, CDM tuahmi ralbawi cheukhat nih an rak chim tonmi Kawl biaknak le Kawl miphun sinak lawngte an cawnter nak tehna pawl le hlaan chan 88 rampumpi a rak buainak hna a lingtalet in ralkap an cawn piaknak hna kong zoh tikah an fial khoh mi an kuttang pawl cu pawn men men khi an si ko.

Tuni Thantlang mei khanghnak kong zong ah an rallokap lei chimnak nawl a ngei mi Zaw Min Tun an timi pa nih “Thantlang khuachung ah PDF nih kutin serchom mi bom le meithal he mipi umnak inn i dor in a kan kah i kan dawi khoh lonak ding caah inn an khangh hramhram tiin” PDF hicu an a mah theihkhoh nak in an chim mi asi i Lai tlang ahcun CDF kha a ti duhnak asi. Mah a chimnak hi ralhraang media a simi MWD ah a chim mi asi. A lingtalet tuin mipi kha he tiah a kan puh, i huahnaseh a kan ti. Pakhat le pakhat I mawhchiat hnaseh timi khi an i tim ve. Cu zawn ahcun a kan tei khoh loding a biapi.

Khuachung a thawkmi inn khangh piak kan si tikah Kan Chin ram khuapi kip mithlam a cuang. Thantlang kan inn le kan biakinn hmun thiang hna meikhangh piak kan ton tikah he tiah an lung fak hnaseh timi le a kan nek nak khi hmuh khoh a si ko. Cun pakhat le pakhat sual phawt le i mawhchiat dih hna sehlaw kanmah hau loin anmah tein kekkuai dih hna seh timi an i timh bikmi zong a si chih. Inn le lo cu chikhat teah a rawk kho a cim kho, kan lungput belte a rawh sual ahcun kan ralpa aa lawmhnak le a hlawhtlinnak tu a si deuh lai. Na tein a tuar taktak tu le inn khanghpiak a tong mi hna chungkhar sin kan theihmi awka nih kan biakmi kan Pathian tu an hung thangthat, kan Pathian sunparnak tu an langhter.

Cucu Thantlang khuami kan miphun hna nih ralhraang pa Min Aung Hlaing cu an tei cikcek nak asi. Tuah hi ralhraang hna nih an rak tuah ton mi Four Cuts lawng si ti loin 1940 kum Japan nih Tuluk cung ah a rak tuahmi “Three All’s – Kill All, Burn All, Loot All” timi “Thah Dih Ding, Inn le Lo vialte Khangh Piak Dih Ding le An Ngeihmi Chawva Vialte Chuh Dih Ding” tiin a rak hman mi he a hung khat tiin ramkhel lei ngiathlat tu Anthony Davis nih Asia Times ah a hun langhter chih.

Tulio ralhraang nih akan tuah hnawh cuahmah mi ‘Operation Anawrahta’ ahhin a bik in Three All’s hi an hun hman ngaingai. Thah Dih ti tikah ralhraang uknak a duh lomi mipi cu an raal kan si dih – hriam he a dohmi kan mipi hna nunnak zong lak dih an duh bantukin mipi kan ruahnak kan lungput hrimhrim kha thah dih zong a kan duh mi asi. Milu a thawng, a sing in a simi hna Arab miphun hna zong nih miphun tlawmte barawh zat a simi Israel miphun han cu Mediterranean rilipi chung ah peih dih i an ram an inn lo vialte vutcam ah canter dih an duh peng ko. Lungput le zumhnak nih a thawnter chinchin hna!

Ralhraang nih kan chawva ngeihchiahmi a kan chuhmi hrimhrim hi a tam kho tuk cang. Nizaan nai ah Chin Miphun covo caah rian a tuan cuahmah mi CHRO zung umnak cu innpi a ngeitu NUG i Federal Union Affairs Minister Dr. Lian Hmung Sakhong inn zong ralhraang nih an chuh timi thawng kan theih. Thaizing ah zeidah kan cang lai timi kan thei rih lo, ralhraang nihcun lungput leiin hrawh a kan zuam.

Biadonghnak ah hi ralhraang hna nihin kan ruahnak kan lungput a kan hrawk kho ti lo. Inn le Lo a kan khangh piak kan Biakinn hmunthiang tiang telh chih in meikangh nak cu a turu kho tuk Hakha bakin Thantlang meikangh mi mei-alh hmuh khoh a si. Asinain, ka biakmi kan Bawipa Pathian nih kan nunnak kan humhim sehlaw, amah mintu sunparnak kan co ter. Credit: The Chinland Post