Dr. Van Tha Lian; Kan nufarual in lawmhnak kan chim than ko lai.

Kan nufarual in lawmhnak kan chim than ko lai.
=========
Hringtu kan pa Pu Ral Tu cu kan sianlotuk bu le a zuun kan tlem/kan tuar tuk ve ko na in vawlei kil li in nan kan tuarpinak le nan kan dawt i nan kan hramhnak kan hmuh tik ah zangdam te in kan pa kan tah khawh i tahhla bia fang thatha lawh in kan thlah khawh ve hi a si ko. A ken kip, hmun kip, ram kip in kan pa nan tahnak tahhla hna hi khua le ram caah Pathian nih thluachuah a pek ve ko lai tiah kan zumh caah kan hna a ngam ko.

Hmunkip ramkip in phone nan kan chawnh, phone kan laak khawh lo mi le cakuat zong kan in leh khawh lo mi tete zong nan um.. kan ruatthiam hram uh tiah Bawikhrihmin in kan in nawl ko hna. Ram leng lei in rian tuan kho lo tiang tiang in kan pa ruak nan kan humh, USA lei Khrihfabu in siseh, ramkip um pengtlang le khua in siseh, sang le zawl in siseh, pumpak in siseh kan ngaihchiatnak nan kan hrawmpi i chawva tampi tiang hmang in nan kan hnemhnak cungah kan i lawm tuk e.

Pathian nih kan hngalhpiak seh law thluachuah za in pe ko hna seh. Online muilang Zoom Cloud/Meeting hmang in Upat pektlak lo upat nan kan pek piak i kan Pathian min in thlacam pumhnak nan kan tuahpiak, kapa tuanbia zong a thatnak aphunphun kawl in nan kan chim piak, nan kan hnemh, kan i lawm tuk. Nan min le nan Khrihfabu hruaitu nan min, Pastor te nan min tiang kan langhter thiam lo caah kan ngaithiam hram u tiah kan in nawl ko hna.

Ramchung lei zong in dawtu vialte nan cungah kan i lawm tuk e, kapa thlan sernak tiang ruat in chawva a pe nan um, Khrihfabu in nan kan hnemh, ka nu mit thli hnawt in chawva tampi le ni hlawh champal dih in thlacamnak a tuahpiak tu khua le chungkhar nan um, aphunphun in nan kan tuarpinak kan hlumh.

Zei tluk khin dek hringtu kan pa Pu Ral Tu hi nan dawt ti kan hmuh tik ah kan ilawm tuk, Nunnak pek ngamh tiang in hriangtu kan pa kha a ruak nan kan fim piak hna kha kan lung lomhnak kan chim cawk lo. Khualeng um, khuachung um vialte nan kan dawtnak chim cawk a si lo. Bulpak nan min kan chim thiam lo caah kan ngai thiam ko u law, Pathian tu nih kan cinken piak in thluachuah za he nan nun lam in hruai hram hna seh.

Kan i lawmhnak hi a chim zia kan thiam lo tuk caah kan ngai thiam hram uh. Zei ti kan hei thih hmanh ah Pathian sermi caan chungah a nung i athi mi kan si ko i Ahmunzungzal nunnak kan Pathian Van suikhuahlipi ah ai tong ding kan si ko hna tiah ai hnem ve mi Nufarual nih kan umnak hmun ai dan cio nak in lunglomhnak kan chim i Pathian sin ah thla kan in campi ve hna. Kan i lawm tuk. Credit: Van T Lian