Dr. Tam Aung Ling Nih Canada Ram Ah A Kan Thihtak Ee, A Poi Tuk Hringhran Ko.

Dr. Tam Aung Ling, Chinmi nih kan i chawrtuk mi le kan hmai a kan hngalter tu kan Pa nih a kan kal taak thawng theih cu lung a zuur hringhran ko ee! Kan i zumh kho hrim lo. Kal taakmi Chungkhar, rualchan le Krihfabuu cungah Bawipa hnemhnak um ko seh!

Ottawa ah Nu le Pa caan ah kan i ngeihmi Dr. Tam Aung Ling, (Aung Ling Mang) pa nih tuzing 10 am ah Heart Attack in a kan liam tak e tiah chungkhar lei in thawng kan theih i, ka mang maw ka caang dah tiah kan lau tuk cio e..

Tuhi Sizung ah an um rih i, chungkhar lawng kal a ngah tiah an ti caah kan umnak cio in Thlacam bawmh hna usih.

Dr. Tam Aung Ling hi Community hruaitu ka rak ttuan lio ah a ka dirhkamhtu le amah sin in fimnak ka laknak kan Pa pakhat a si i, Ottawa ah amah le a chungkhar nih khua a kan sakpimi hi kan hna a ngam tuk. Nihin ah hi vawlei nunnak in a kan dintak cu, Ottawa Chinmi caah a fak khun ko. Chungkhar, Cingla le Khuami dihlak kan mitthli hnawttu cu Jesuh si hram ko sehlaw. Ngakchiatnak he,

Zasang Cinzah
OTTAWA

Leave a Reply

Your email address will not be published. Required fields are marked *