Dr. Sui Hingz: US – China Raldai le Kawlram hmailei caan

US – China Raldai le Kawlram hmailei caan
==================
Nizaan nai March 19 nih ah US le China, Alaska State ah an i ton i China a tuahsernak pawl nih vawlei pi thinphan thlalaunak a chuahter tiah US nih a chim. China i Uighur ethnic miphung cung ah na tuahsernak pawl vawlei nih an in mawhchiat. Taiwan le Hong Kong cung na tuahsernak, US kha cyber-attack, internet hman in na dohnak, US-hawikom ram pawl sipuazi lei in ri na khiah, harnak na pek hna nain kan hawikom ram pawl sin ah kan dir peng tiah US nih a ti. Minit pa 2 lawng biachim ding kha China nih minit 15 chung bak a chim.

America, nangmah hi na ram chung ah democracy phung na buar. Miphun fa minority pawl covo na phih. China ramchung (innchung) kong naa thleh ahcun kan in ngaithiam lai lo rak kan thlerh hlah! Taiwan le Hong Kong kong ah i thlak hlah! Huawei kampani ngeitu fanu le a dang pa 2 spy an si na ti ziar i na tlaih hna, thlah colh hna. Raldai hi ngol cang! a ti. China cu a bia a porh. US cu a bia a tawi a fiang, US style in ka chim a ti. Kim Jung-un nuclear pek hlah ngol a ti.

Kawlram kong cu a i ceih lo. Nain China na tuahmi pawl hi US cozah nih kan ngiat dih timi a langhternak a si. (Asinain Antony Blinken, US Secretary of State nih Phaisa dih in democracy reform tuahnak ah Annashin/authoritarian thlak ding in ralkap thaa kan hmang lai lo, hlan ah kan tuah sernak zong zei sang an rak tlai lo a ti –But we will not promote democracy through costly military interventions or by attempting to overthrow authoritarian regimes by force. We have tried these tactics in the past. However well intentioned, they havenโ€™t worked.) Cucaah Kawlram ah US ralkap a lut lai lo ti afiang)

US nih democracy standard in miphun covo nak human rights pawl a chim, cun vawlei hlun kalning hrawh i vawlei thar (new World Order) hmuitinh- direction in kal ding kong a chim. China nih vawleithar kalning dawi a hau a ti ve.
China nih America kha nang cu vawlei pi aiawh tu na si lo, zei poah ah China na kan puh, harnak dantatnak na kan pek ding asilo Cyber-attack in data pawl fir nan kan puh mi zong kan si lo an ti. China zong mah le democracy style in kan kal US bel Black lives matter nungphung buarnak nan tuah pinah kan innchung kong nan rak i thlak tiah an leh ve. Cu lio ah cun US president Joe Biden nih Russia president Vladimir Putin kha โ€œna sualman na in lai, na tuar laiโ€ -pay a price tiah a timi ah Putin nih Trump thim than si nak ding ah Russia nih bawmh ti mi hi bia hmanlo a si tiah a leh colh ve.

US le China kar ah siseh US le Russia kar ah siseh rem lonak a karh a zual. Kawlram hi India le US kut ah a tang sual lo ding hi China i a hmuitinh bik a si. Zeiruang ah ti ahcun China nih Malacca tilet rili longh khawhnak ding cu Kawlram lawng a caah a lam a um. 1. Burma cu China caah Rili lam panhnak- Malacca rili an phih hmanh ah Kawlram a lai in rili a phanh khawh i chawluh chawchuak, zinan tibantuk pawl an ram ah a phan kho. 2. China-Myanmar Economic Corridor a biapi. 3. Cun an cozah bak nih Kawlram ah tangka hram a bunh mi hi US$ billion 100 (nuai sing khat) leng a si. Oil le gas pipe line hi a caah a biapi hringhran, 771 kilo a sau i kum khat ah gas 22 million tons kawlram in China ah a kuat (Kawl cu 2 million ton lawng a hman khawh).

4. BRI timi Belt-Road Initiatives (tuan ah OBOR timi One Belt One Road) timi hlawh tlingnak. 5.Jiegao (free zone) timi khi Muse cung khi (1991 Kawlram vawlei (map)-atu โ€ฆtlau- Kawlram a beu) khi kumkhat ah 2017 ah US$5.4 in 2018 ah US$ 5.8 (MOC) tiang trade a thangcho. Cucaah a tawifiangnak in US style in chim ahcun China nih Kawlram cu a uk-iap khawhnak kut in a thlah lai lo. Ram dang an luh zong a do colh hna lai. A nungnak a thahri a si. Vawlei ah Superpower si khawhnak ah Kawlram a herh bik. Cucaah, Ralkap maw a bawmh lai Tlangcung hriamtlai le federal ralkap dah a bawmh te lai timi nih lai a rel te lai dah. Credit: Dr. Sui Hingz