Dr.sasa na sin ah bomh hal nak.?

Dr.sasa na sin ah bomh hal nak.?
………………….
Na theih cia mi le na hmuh cia mi a si ko nain vun nawlh than ka duh ko. Kawl ralkap tupung damiah Min Aung Hliang phu nih kawl ram mipi cu thah dih le nawng dih a kan timh caah mah pum pak ven nak ding ah hriamnam pakhat hmanh kan ngeih lo caah kan in pa ram thailand le india ah a zam mi zong zei mawh zat an si cang hna.

Thailand ral zam cu Thailand cozah nih him tein a kil kawi hna i khat ta lei cun hna a ngam deuh a mah bel te india cozah sin ah a zam mi mi cheu khat kawl ram mi CDM pawl cu india cozah nih a tleih hna i kawl ralkap tupung sin ah a kuat than hna ti mi kan theih tik ah kawl ram mipi kan ngeih a chia i kan lung a fak. Kawl ralkap tupung nih CDM si seh mipi a tleih mi hna hi a thah cang mi hna zong zei mawh zat an si lai ti zong zumh a si.

Cun pin ah palik le ralkap CDM a lut i Min Aung Hlaing nih a tleih than mi hna hi cu a mah tupung sin ah a tuan ter than hna lai i kawl ram mipi a kan thah tu ah a ser than hna lai ti zong zumh cio a si. Kan mah te hna nih kan au kan khuang len nak cha cun nang mah Dr.sasa pakhat nih voikhat na chim mi hi a let tam tuk in hmual a ngeih caah na sing ah ca kan kuat nak a si.

Nang cu chin mi lai mi na si ko caah chin media lai media group hi na hman ko lai caah ka ca kuat hi nan hmuh khoh ko lai tiah ruah chan nak ka ngei. Dr sasa pathian nih in huh phenh peng seh law nan rian tuan nak ah pathain nih in um peng ko seh. Credit: PT Satu