Dr. Sa Sa Chimhmi kha rak ngai uhlaw, a hnu nanrak zulh ahcun!

Dr. Sa Sa Chimhmi kha rak ngai uhlaw, a hnu nanrak zulh ahcun!
==========
NUG Ah I Fonh Dih Lawngah MAH Tei khawh asilai Timi Tulawngah Asiahcun Dohthlennak Caan Asau Lai Tinak Asi. Dr. Sa Sa Chimhmi kha rak ngai uhlaw, a hnu nanrak zulh ahcun, NUG ah pumkhat kansi diam cang I Tuhrawng ahcun Ralhrang Rallokap cu Tei cikcek ansi cang lai I Mipi sinah uknak a phan cang hnga.

🇱🇷 Tlangcungmi le an Ralkapbu nih kan zumh hna seh, NUG ah pumkhat si uhsih timi saduhthah he Dr. Sa Sa hi an thimh hlei mi asi ti usihlaw kan palh lailo. Dr. Sa Sa bia kha rak zumh uhlaw, Federal Army zong aum diam cang hnga. CJDC nih, CDFs chung in, Minung 10 cio thimh in kawlrawm lei kuat hnu ah Federal Army dirh zong aum lailo. Federal Army hna Tindan an kai lai, an I lim lai, hriamnam pekin Rallokap hung namh ding zong khi, hmakhat te ah, atu bak ah asi khawh mi asilo caah, Dohthlennak can asau deuh nak cu asi cu mu.

Tlangcung hriamtlai ah a thawngbikmi KIO cu an lung pem cang. Chinmi a lung pem lomi kan um rih lai dah. ZRA ko hi khuaruahar. NUG he siloin MAH tu a kawmh. Tuak cio ko uh. Chinram le Chin Miphun ah, ZRA bantukin si aduhmi hriamtlaiphu kan um rih ahcun, na nu paw chungin a ti in Rak zut law law uhlaw atha deuh phun nansi ko. Lungfak tuk ah bia atha pahlo. Ka ngaithiam hram uh.

KIO/ KIA nih NUG ah aa fonh ahcun AA, TNLA, MNDAA zong aafonh lai tinak asi. UWSA hmanh aa fonh ko. Thawngtha ngai asiko. Shan Ralkap tu cu Rallokap minung silan dawh asi ve. CNF, CNA, CDF lawng hi NUG he aa fonh ti zong Chinmi nih hngalh a herh ngai ngai I CNF thangchiat cu chimlo, vawlei ah voi 70 kunin biak ding tu khi ansi deuh.

Tlangcungmi cu NUG he I fonh lo zong ah, tam deuh nih MAH kan doh hna, tampi nunnak a liam ve. Kawl miphun cu NUG he an I fonh ko nain, biatak tein MAH an doh ve lo. Kaya, Chin, Karen, Kachin lawng an kan rinh. Chinram he ramri asimi Sakai le Makui ramthem lawng nih MAH biatak tein an doh ve. Hi nih hin Dohthlennak asau ter khun.

Dohthlennak can cu asau rih lai, mipi kan ba tuk rih lai Nunnak zeimawzat a liam rih lai, Urkangh mi khua le khuarawp an um len rih lai, tirawl eidin harsat can asau rih lai, Lungrawn khua khirh can a nai rihlo, ramdang um chinmi tampi thawh aherh rih lai, Teitu sican hi Zubui Mei can asi hrim lo, can sau rih lai caah, zeilei poah ah timhcia tein um zungzal a herh ve hnga.

Ramkip Nih Nankan Phih Ahcun Mipi Kanhrem Lai. Hriamtlai Vialte An Cihmih Asilai. Wanna Mg Lwin, Ramdang Zung Vuanci, Rallokap Cozah, Kawlram nih UN, EU, ASEAN, USA, UK, Nitlakram hna le Ramkip Warning a peknak Bia roling kan hrawm hna.

ASEAN biachahnak (5) a zulh lo caah ASEAN meeting ah MAH ai awh tu Wanna Mg Lwin cu sawm asi lailo tiah Cambodia Prime Minister Husen nih ati. Wanna Mg Lwin nih a leh nak biafang kha a tlangpi tar asi. Kannih Rallokap Cozah nih Ram Innpa he siseh, ASEAN he siseh, ramkip he siseh, tluang tein le rem tein, hmaipanh tein, kan chawnbiak hna. Kan upat hna I lunglawmh tein kan cawnglawmh hna. Kannih nih annih sin in kan covo cu zawmtainak, thlanglamhnak, zeirellonak, hmuhsuannak le phihkarhnak lawngte an si.

Kan lungfah ding ah nan kan tuah zungzal ahcun Mipi le Hriamtlai vialte cu afak khawh Chung in, afak bik in ka hremh hna lai I an Cihmih asi lai tiah Wanna Mg Lwin nih Warning a pek hna. Democracy in ka kal lai a ti mi, Tlangcungmi mi Kong ruah ah PR dundan ka hmang lai ati tu MAH le Rallokap cozah asi ahcun, lam a tlau bak cang tinak asi. Satan nih Bible put in Evangelist kal asi deuh lai.

Hriamtling Kanpe Zawkzawk Uh Tiah NUG sin Cakuat. MAH LE NUG PLANNING AAKHAT DARA? MAH nih tutan Paucan bakah CDF/ PDF hlohdih aatim. 2022 May thla ahnubik ti asi. Chin, Kaya, Chin ramri Sagaing le Makui Ramthen velchum hna cu biaktat tein an namh lio. GZ mino Ralkap nih Rallokap biatak tein annamh bak hmun asi. Ahlan in nihin tiang hi hmun lawng nih cat lo tein MAH cu doh asi.

KNU le KIA hi an Ralkap nih an namh mi tu asi. PDF cu acan te lawng ah andoh ve. Kawlrawm ahcun phiangkum tete khin ankah ve hna. Bomb an puak hnawh hna. GZ Ralkap thawnnak hmun Kaya, Chin le Chin Ramri velchum Kawlrawn hi, a namh cuahmah lio asi. Thantlang bantukin tuah an timh lio asi. Hmuh mi poah thah, fir, Chut, Hrawk, Meiduah, etc vialte an hmang dih te lai.

Khua chuaktammi an tamtuk te lai. Rezua le apawng khua 5-6 khua an chuaktah dih cang. Kaya cu 200000 leng Khua an chuaktak cang. Milurel 300000 leng lawng ansi. Chin Khua zeizat riamruam dah a rawk rihlai i kaltak asi rih lai, tuak ah lung afak tuk hrinhran. Chin milurel hi 470000 asi. 100000 leng nih innlo le Khuaram an chuaktak cang men lai. Hnakruhno a tamh ruangmang ko.

MAH nih CDF, PDF atei khawhlo ahcun, PEACE TALK kantuah lai ati hna lai. Aduhlo mi kaltakin, acohlan tu vial he PEACE antuah ko lai. Cu hnu ah thimhnak a tuah te lai. PEACE acohlanlo tu Hmun ah Election an tuah ve lailo. Cu hnu ah MAH nih Tamada or State Chancellor atuan lai, athih hlanlo. Asilo ah Kum (7) an kan UK hnu ah, aadin lai i USDP Chairman nih MAH rian apeh te lai.

NUG nih 2022 cu Rallokap kan tei cikcek kum tiah an thanh cang vawleipi theih in. Hriamnam ah timhlamnak biatak tein an lak lai tiah bawhcio asi. Nain in phundang tu ah hma alak than. NUG nih Ral tei anduh ngai ngai hnga maw, tiah tuaklo awk atha tilo. Thalpat lawng in maw Ral kandoh rih kun lai. MAH cu hriamnam vialte ahmang lai. Ahmang cuahmah fawn. Athar tampi acawk chap rih. Ramdang he i doh ding phun in Hriamnam acawk. A kenret vialte a hmang dih te lai.

2022 May thla ah TEITU si ding in MAH le NUG he i zuam cio asi. Planning aakhat ko. MAH Hriamnam tampi a cawk nain, NUG cu asi tilo. Thalpat le Puahceh lawng asi zongah Nunnak le Thisen sung pekin tah kan doh ko kun hna lai. Bawmh tu vanhai buin tah, kan nunnak kan pe kun lai. NUG nih MAH hi Tei ngai ngai loin, riantuan khawh loin, buaibai ter lengmang lawng aatimh mi nanlawh ko, nan keneh le kutneh zohah. Kan i tei ve ve lo hnu ah, PEACE TALK tuah i NUG le MAH savo i phawt asi ahcun Mipi cu nan kan thah ko.

Tei taktak nan duh ahcun Hriamnam kan bawmh uh hmang cawk loin. Hi tlukin hriam zalh a har hi nan theih cio ko. Tu hi phaisa kanpe uhlaw, Thla 2-3 ah May Thla hlan ah MAH tei khawh tu hriamnam kan hmuh khawh lai ti zong ruahchan ngam asi tilo. 2022 May Thla chungah Teitu si aduhmi nih Hriamnam ngeih dihcia awk asi nain. Raldoh pah I zalh pah ti cu NUG Cozah kan ngeih mi sullam angeih lemlo. NUG Cozah dang (Another NUG) maw hngak a herh rih?

NUG le Rallokap he Planning I khatin Tlangcungmi an kan hlen mi ko khi nan lawh, asilo ti kan theih buin. 2022 February zarhkhat bak ah Hriamtling nan kanpe khawhlo ding asi ahcun NUG riantuan vialte I phuah dih uhlaw, adang nih tuan hna seh. Kutchut in nan luat I nan chansau deuh bak hnga.

MAH le Rallokap cihmih aduh tu CDF, PDF cu hriamnam in bawmh aherh, culo ahcun adang nan riantuannak vialte pakpalawngte tihi asi. Uite le Vokpi lokal tuanphung tlintertu nansi ve te lai. Asilo ahcun Zawng parathleih asi lai. Upat hmaizah mi, NUG upa hna, khua fak deuh in tuak ko uh. Credit: Joseph R. Thang