Dr. Ngun Cung Lian: Ram Le Miphun Nan Dawt Taktak Ah Cun CNF Lut Uh

Ram Thumnak ram ah phan, Puarthau te in ei. Nuam tak tak in it. Ram le miphun dawtngai phun i FB ah ca tar le bia chimh hmang. Ram le miphun nan dawt tak tak ah cun CNF lut uh, nan in pum pe ngam lo le, Chinland Club tal ah phai sa thawh u. Nan lut ngam lo le, kan ram ah rak kir u law ram le miphun caah rian tuan u. Tuan ding a tam tuk.
A lang hla in, Beer te ding pah, Til te khawih pah, Tawphek khawihpah, um har phen i, High Speed Internet hmang i, FB i, ram le miphun a dawt tuk mi pawl.

Lung fim te in ca tial u law, khua ruat u law, rian tuan hna u. Cu e, kha e, ti duh hlah uh. Kan tuah mi le, kan tuan mi hi, kan chimh duh lo. Cakei nih seh i, vom pi nih khoih ti ban tuk, bia fak kan chimh thiam lo. Ram chung in, a tuar mi le a in mi kan tam ngai. Kan in tuarnak zei hmanh nan theih lo ban tuk i, nan si ning i a si kho mi tampi kan um ve ko. Kan ram le miphun (Ramchung) a dawt tu hna ai awh in, ka tial mi a si. Nan duh poh in raka phomh ko hna u. Credit: Dr. Ngun Cung Lian