Dr. Mohsen Fakhrizadeh Hi Bullet Proof Motor A Cit Ko Nain An Thah Khawh Ning A Si. An Thah Ning Cu A Turu Bak Ko.

Dr. Mohsen Fakhrizadeh cu Bullet proof Motor a cit, Security motor 3 nih an congh ko bu ah zeitin dah an thah khawh ning a si? Iran nuclear scientist Mohsen Fakhrizadeh cu November 27, 2020 ah motor in a kal lio ah an kah i sizung ah an tlikpi nain sizung a phak hnu in a thi. A citmi Motor hi Meithal kuan nih teih lomi (Bullet proof) asi leng ah Security motor 3 nih an zulhpeng nain a luat kho lo caah vawleipi khuaruahhar in a tuah hna.

Hi thawngpang hi atu lio vawlei cung a linsa taktak liomi thawngpang pakhat a si. Vawlei lei mifimthiam sang hna nih an chimning ahcun, Remote-controlled weapon an hmang. Nissan motor ah an chiahcia i, farlong 5 hrawng a hlatnak in an control khawhmi a si. Mohsen Fakhrizadeh Motor cu bullet proof asi i a motor an kah mi cu a theih lo caah a chuak i a zoh. Cu lio ah cun Lam pawng ah a dir mi Nissan motor ah an chiahmi meithal in an kah i Nissan motor zong cu a puak beh, tiah thawng theih a si. Iran nih hin Mohsen Fakhrizadeh hi mipi sin ah an langhter tuk lomi special minung pakhat a si. University professor sawhsawh lawng in mipi nih an theih, tiah vawleicung thawngzamh ngan pawl nih an langhter. Asinain Iran nuclear project cu amah nih a tlaih dih caah Iran caah cun a biapi taktak mi minung a rak si. Cu ruang zong ah cun security tha taktak in an lak pengnak zong asi. A thih hnu in cu Iran caah a nunnak a pe mi martyr asi tiah an conghlawmhmi cu vawleicung a thang dih manh.

Vawleicung ram thancho cio tampi nih cun, Israel nih a thah ko lai, tiah an ruah cia cang. Isreal nih hi pa hi an rak ngiatnak asau cang ti a fiannak cu, Isreal Prime minister Benjamin Netanyahu nih 2018 Iran nuclear kong a chim lio ah Mohsen Fakhrizadeh cu a min hlir bak in a rak chim bal cang tikah Israel cu vawleipi nih an zumh ti hna lonak a si. Tu kum chungah US nih Iran nih an bochan taktak mi Ralbawi Qasem Soleimani zong an rak thah. Iran nih cun lehrulhnak fakpi kan tuah lai tiah an ti. Israel Prime minister Benjamin Netanyahu nih cun Mohsen Fakhrizadeh thihnak kong ah kanmah zeihmanh kan thei lo nain hihi Iran caah ningzah awk ngai asi tiah a chim chih. Israel Prime Minister Benjamin Netanyahu nih vawleipi theih in Iran Nuclear project tlaihtu Mohsen an thahnak kong nak a chim phuanmi zong a mak taktak khi a si.

Thawngpang dang relchap lo cu a pam tuk. Iran Nuclear Scientist Dr. Mohsen Thah Asi. Iran Nih Israel Mossad Thah Ah An Puh. Vawlei Cung A Buai Than. Iran nih an i bochan tak takmi Nuclear Scientist Dr. Mohsen Fakhrizadeh cu Nizaan 27/11/2020 Friday ah khan, Iran ram khuapi Tehran pawng Absard Highways ah a ho ti theih lo hriamtlai Mi 5 nih meithal in an kah i, Siinn ah athi.Akalpi mi Car pakhat tu cu, Micro bombs hmangin an puah.

Iran Defence Minister Amir Hatami nih cun Dr. Mohsen hi Israel Spy MOSSAD agents pawl nih an thah mi asi ti’ah Tehran News ah a chim. Iran Top Religious leader Ayatollah Ali Mamoh Khamenei le President Hassan Rouhani nih cun Israel cu ceicikcek in kan Phomh ve lai ti’ah Nizaan khan UNO Secretary General Mr. Antonio Gutteres sinah an lunglawmh lonak an chim pinah Iran TV ah an phuang cawlh.

Iran nih ” Father of Nuclear” ti’ah an uahmi Dr. Mohsen Fakhrizadeh hi Iran Nuclear Weapons “Project Amad” ah Chief Scientist rian hi Kum 15 hlei a tuan cang i, Imam Hussein University, Tehran ah Physician Engineering Professor a tuan liomi asi. Kum 2018 khan, Israel Mossad Spy nih Iran Nuclear Physics Research Center ( NPHRC)in a thlithup in an firmi documents ah Dr. Mohsen nih hin, 2021ah Nuclear bombs siam an timh timi fiang te’in an rak theih cang.
Iran nih hin Nuclear Warheads kan siam khawh ah cun, Israel khuapi Jerusalem hi test nakah ka kah hmasa bik lai ti’ah Iran Top Religious Leader Ayatollah Khameini nih a rak i hrocer lengmang cang.

UNO Chief Antonio Gutteres nih Vawlei cungpi ah thawng a thanh hnu ah,Israel Prime Minister Benjamin Netanyahu zongnih vawleicung Israel Embassy vialte ah i ralring nak thawng a thanh dih cawlh. US raltuk lawngpi ( Aircrafts Carrier) NIMITZ cu Persian Gulf tipi lei ah Nithum Ni Wednesday ah khan US nih an rak thial diam cang. Zarh hmasa Sunday ah khan, Israel Premier Mr. Netanyahu cu a thlithup in Saudi Arabia khuapi Riyadh a kal i, Saudi Prince le Foreign Minister Mohammad-Bin-Salman he an i tongi,Iran kong le US President ding kong zong an i ceih ti’ah Israel N-12 News nih a chim. US Secretary of State Mike Pompeo riantuan nak thawngin, UAE, Bahrain, Sudan le Saudi Arabia hi Arab ram chungin Israel he hawikom ah an i siam cang hna. Hi ram pawl nih hin Iran cu an rem ve loh.

Israel Mossad Spy nih hin 2010 in 2012 chung ah Iran Nuclear Scientists-4 an rak thah cang. 2019-20 ah khan Iran nih a Ralkap le Misual Terrorists pawl cu Syria, Lebanon le Gaza Strip hmun ah a chiah hna i, Israel do dingah a fial hna. 2020 June le July thla ah khan, Israel Air Forces nih Iran ram i Khojir Missile Complex le Natanz i Nuclear Facility hmunpi cu an bombs chiat piak i November zarhkhat nak ah khan Syria ram i Al-Qeada Second Commander Abu Mohhamad- Al Masri cu drone bombs hmangin an thah fawn cang.

Israel Premier Benjamin Netanyahu hi 2021 June ah, Defence Minister Benny Glenn he Prime Minister sinak an i thleng lai. US Election i President tling dingmi zong biatak te’in an zoh liopi asi. Cuca’ah, tukum December asi lo ah 2021kumthar ah hin Israel le Arab ram Iran, Syria, Lebanon le West Bank ah biatak te’in an i tuk lai ti’ah ruah cio asi. Israel nih Iran le Al-Qeada, ISIS pawl doh kho dingmi US President an herh ngai ngai. Credit: MC Biklian