Democrats pawl nih Amen” timi cu pa tinak a si tiah an ruah sual rua

Nizan ah khan avoi 117nak Congressional Prayer timi thlacamnak ah Democratic Party palai, Emanuel Cleaver nih thla a cam i a donghnak ah “Amen” tiah kan ti tawnmi kha, Amen and A woman” a ti deuh ko. Amah nih cun nule pa thleidannak kan ngei lo” ti khi si dawh a si. Amen” timi hi latin holh a si an ti, Truly” asiloah so be it” tinak a si an ti. Democrats pawl nih Amen” timi cu pa tinak a si tiah an ruah sual rua.

Tutan Congress season meting ah hin Democrats pawl nih Gender Neutrality “timi bill chuahpi an timh. Mah an chuahpi dingmi bill ahcun nu le pa min a sawhmi “Father”, He” le She tibantuk zong hi hlonh an timh ti a si. Nu le pa sinak zong hi an rem ti rua lo. Atu an kalpi ning in cun nule pa, pale fa, tta le far, ule nau zong um dawh kan si ti lo.
Democrats pawl nih khrihfa zumhning an kalpi ning hi khrihfa zumhnak a filter chin lengmang.

God’ timi biafang zong an rem lo, In God We Trust” timi zong an rem lo. US ramsertu hna, founding father hna nih an zumhnak kutzung in an tuahmi thil paohpaoh cu an rem lo. Democrats pawl nih US caan sau an hruai ahcun, US dollar cung i an tialmi, In God We Trust” timi le Capital Hill chung i, “In God We Trust” timi vialte zong an hrawh dih te lai tiah ka ruah. God” timi biafang an rem lomi hrimhrim hi khuaruahhar an si.

Relchap, Mandatory school vaccinationsโ€™ and โ€˜vaccine passportsโ€™. Joe Biden US President i an fehter khawh i, President a si ahcun US top infectious disease expert Dr.Anthony Fauci nih sianginn kaimi poah Covid-19 khamhnak sii Vaccine i chunh dih ding le ramdang i khual a tlawngmi zong nih vaccine i chunh dih hrimhrim ding in Joe Biden cozah sin ah ka chuahpi lai tiah a chim.

Sianginn hi state level, County level le City level ti in a um. Cun private nih tuahmi le khrihfa le bu nih tuahmi sianginn a um caah Mandatory cu anmah le an level cio nih an tuah lai tiah a chim. Asinain Federal level nih an tuah khawhmi mandatory cu Biden cozah ah ka chuahpi lai i, anmah nih biachahnak cu an tuah te lai tiah nizan ah a chim.

Cucaah Joe Biden an fehter ahcun sianginn kaimi poah vaccine ichunh le khualtlawng mi poah vaccine i chunh hauh dawh a si. Anthony Fauci cu Biden nih cozah thar a ser khawh ahcun Coronavirus task force i itel than dingah a sawm i a cohlan cangmi a si. Fauci hi democrats attanh ziartu a si lai tiah an zumh, zeicatiah a biachim mi tete le vaccine tuan i chuah duh lo i a telmi zoh tik ah democrats a si lai tiah an zumhmi a si. Black Lives Matter lam zawh lio ahcun zeihmanh a rak chim duh lo. Asinain Trump campaign tu ahcun zawtnak an i chonh lai tiah a chim.

Relchap, US senator minung 11 nih Joe Biden nih electoral vote a hmuhmi cu a dik loning in a si caah January 6 ah kan hnon lai, senate nih investigation tuah ding in ka chuahpi lai tiah fiang tein an chim cang. Mah senator 11 hna cu senator Rand Paul, John Kennedy, Marsha Blackburn, James Lankford, Steve Daines and Mike Braun, senators Bill Hagerty (TN), Tommy Tuberville (AL) le Cynthia Lummis (WY), hna an si.

Senate nih Election commission ser i thimfung dik loin an thlakmi vialte investigation tuah hnu ah electoral vote certified tuah than a hau tiah an chim. Coronavirus pandemic ruangah state tampi ah election phung an thlen ruangah tutan thimnak cu a nawnnok dih tiah mi tampi nih an ruah.

Relchap; Nancy Pelosi Inntual ah Voklu An Ngalh Hnawh; Democrats an pichur, Nancy Pelosi cu an inn motor chiahnak innka, garage door cu cacawn nili ni zamtim ah aho ti hgalh lomi hna nih cahang nak le cahang sen graffiti an va suai. An tialmi ca cu, CANCEL RENT… WE WANT EVERYTHINGโ€ ti a si. An tual ahcun vokpi lu le cahang sen in vok thi bantuk in an suai chih rih. Nancy Pelosi inn cu California state San francisco ah a umi a si.

Zanlai ah City police pawl nih a rannak in tual cu ti in an thenh manh nain motor chiahnak innka cu plastic in an khuh. Media pawl nih an chim duh bak lo” ti a si. CNN, Washington Post, MSNB te pawl nih a chim hrimrhim an chim duh lo. Zeiruangah an tuah timi hi an hlathlai saling te a si. California state cu liberal an thawn biknak state a si. Nancy Pelosi hi anmah party lila chung in a duh lomi an tam ngai cang. Democrats chungah left wing tiah an auhmi Progressive phu nih cun a huat bak in an huatmi a si, house season thar on tik ah Nancy Pelosi kan thlak lai ti tiang in an ti.

Relchap, January 6 ah hin US congress nih Joe Biden cu President sinak formally validates tuah timh ni a si. An tuah khawh lai tiah zumh a si nain Trump suppoter hna nih cun ruah loning le khuaruahar in thil a thleng lai tiah an zumh. Electoral college nih Joe Biden cu President Elect caah certify an tuahmi cu an hnon khawh hrimhrim lai tiah an zumh.

Republican congressman minung 140 nih cun Joe Biden nih electoral college a hmuhmi vote hi phungning lo a si caah kan hnon lai tiah an chim cang. Pennsylvania state nih thimnak phung an tuahmi hrimhrim hi anmah state lila nih an zulh duh lo caah phungning loin tuahmi election a si caah kan hnon hrimhrim lai tiah Pennsylvania sate in thimthar mi Republican congressman pathum Marjorie Taylor Greene, Madison Cawthorn, Lauren Boebert, le Diana Harshbarger -nih an chim cang.

Missouri senator Josh Hawley, kum 40 nih Electoral college vote cu a dohkalh caah congress ah debate an tuah khawh men. Debate an tuah i vote an thlak ahcun President Trump nih teinak a co khawh men tiah zumh a si. Trump Supporter pawl nih election ah vote firnak tampi a um. Mial-in ballot thlakmi hrimhrim hi a dik lo tukmi a si. Aho nih vote thlak timi zong kherh hlai khawhmi a si lo. Facebook, Twitter le Google nih a herh lo tiang in election ah an i thlak, ttanhlei ngeih tuk in thil an tuah caah mipi nih thil dik an hngal kho lo” tiah Senator Hawley nih a chim. Election firnak le buainak vialte hi congress hrimhrim nih investigation tuah hrimhrim a herh tiah a chim.

January 6 ah hin Joe Biden cu US President ah an fehter kho taktak lai maw? Asiloah President Donald Trump nih a donghnak bik election result hnon an duhmi a hnon kho lai maw timi hi cu mi thinung a hnin ngaimi a si. Cucaah January 6 hi cu thindomh cio in zoh a hau.

Relchap, Obama Cozah Nih Muslim Terrorist An Rak Bawmh. US Senate nih Obama cozah chan lio ah musliam ralhrang sin ah bawmhnak indirect in an pek le pek lo kherhhlainak an tuah i, tuchun ah US Senate Finance Committee Chairman Chuck Grassley (R., Iowa) nih report an chuahmi cu a phuan. Obama cozah nih Al-Qaeda ralhrang he a peh tlaimi, Islamic Relief Agency (ISRA) ralhrang cu World Vision sin in 2014 ah an rak bawmh hna tiah report an chuah.

US cozah nih Islamic Relief Agency (ISRA) timi bu le an hruaitu Maktab al-Khidamat, cu sanction an rak tuah cangmi a si. Mah hna bu an hnulei in a control tu hna cu Osama Binladin a rak si. Mah kong hi 2019 ah National Review article ah an rak tial i, Obama cozah nih US$ 200,000 grant a pek hna i, Word Vision hmang in an rak kuat hna ti a si. Obama hi apa, Africa Kenya miphun, Muslim a si. Mi tampi nih Obama hi a phungmen khrihfa a si lai, a thinlung taktak hi cu Muslim a si lai tiah an zumhmi a si.

ISIS ralhrang hna nih Syria ram le Iraq ram ah khrihfa tampi an hngawng an pheh hna lio ah Obama nih action faakpi in a rak la duh lo. US General Michael Flynn nih ISIS ralhrang pawl ci hmih dih a duh hna nain Obama nih a rak duh lo caah an ruahnak a rak i kalh i, a rian in a rak chuak. A hnu ah Donald Trump nih National Security Advisor ah a thim. A rian a tuan hlan deuh ah Obama minung pawl le FBI pawl nih a sualnak an kawl i, Ukrain palai phone na chonh ti ruangah taza an cuai i thong an thlak. Asinain biaceihbawi nih a sualnak ka hmu lo tiah a thlah cang nain cunglei biaceihzung ah an chuahpi than i bia an ceih thlu hlan ah President Trump nih amnesty a pek. Credit: Salai Salai Lairamthang